意見反饋
義工

夫婦情感 今日: 105|主題: 38924

12
跳至
查看: 1752 | 回覆: 22
好想結束黎段婚姻


別墅

國民生產總值:738


發表於 14-1-29 14:34 |顯示全部帖子
本帖最後由 funny116 於 14-1-29 14:34 編輯

以下貼子較長今日一早新同c6吵交,可能係我地太急結緍,大家無感情基礎,所以結婚後一直吵到依家,已經有一年
結婚後,其實我知c6個心一直都吾鐘意我屋企人,尤其係我決定俾個仔我媽咪湊之後,佢覺得99恨湊孫但無得湊好失望,所以一開始個幾個星期,放工返到黎見到我媽咪都全程黑面,我媽咪都覺得好委屈,自問我媽咪貼埋錢去幫我地湊仔,辛辛苦苦陪我坐月,而99一句:我要照顧個女,吾後閑,就每日下午3,4點先過黎睇個孫。c6都仲話佢阿媽付出好多,有幾咁辛苦,但當時我媽咪仲要返工夜晚捱夜,99就舒服咁訓大覺,一句多謝都無,仲要睇你面色
最近一次同c6吵交,先知道原來佢吾妥我屋企人,以下係我地既對話:
我:你阿媽今日打電話去閙我阿媽喎,吾該叫佢吾好成日穩我阿媽黎發瘋啦,吾妥我又穩我阿媽黎閙,我阿媽依家吾係你地個出氣袋啊!(原因:99成日都覺得自己講過既野就當人地應承左佢,無照佢意思做,就穩人黎開刀)
c6:你吾好諗到自己好似灰姑娘咁啦,我屋企人吾會睇得你地咁重要咖,你地就好似隻蟻咁,無人會理你地咖。阿b一出世我同佢沖涼個時係咁話我吾識,你阿媽係咁吵
我:我阿媽講左句小心姐,係咁吵係咁講野個個係6299啊,你姓賴咖,使吾使即刻打去同佢地對質啊!我嫁俾你之後無日開心過,同你講親你阿媽d野,你都將個責任推去我阿媽度,樣樣都覺得你阿媽岩曬,自問我屋企人無對你吾住啊,你從來都無叫過我阿媽一句,我吾知自己嫁左俾一個點既人
c6:你上次對我阿媽發脾氣就錯曬啦
我:我上次係吾岩,但都吾係我一個人錯曬,我坐月咁辛苦,6299日日仲上黎吵住我,點解佢地吵你一句你就閙佢地,但你就覺得佢地日日黎吵我就無問題
c6:佢地夜晚黎煮埋飯俾你食,人地為你好
我:邊個真正為我好我睇得出,感受到,但你阿媽為d咩我都睇到,佢黎煮飯係為你,吾係為我,我坐月咁耐,你就日日返去你阿媽屋企食,有無諗過我,我日日都要等我阿媽放工先有野食,如果你阿媽真係諗到我,就一早過黎啦,未坐月個時就咩都話吾識,驚死我叫佢做曬咁
c6:人地都未做你就話人地吾識,點敢做啊
我:每樣野都係你阿媽話吾識,我先無叫佢做,阿b出世,佢話吾識沖涼,我阿媽做,佢話吾識煮薑醋,我阿媽做,佢話吾識煮坐月餐,我阿媽做。你覺得我講既野吾信得過,我可以即刻打去問你阿媽
c6:每次吵完交都係我阿媽穩返你地先咖,人地無同你計較,你地咁小氣
我:我斬你全家,係咪要你同我道歉先:對吾住啊,如果吾係我全家俾你斬,你就吾會犯法啦!你阿媽穩我地出完氣,無啦啦俾人閙,到後尾你仲話我錯,我錯係邊!錯在聽左你阿媽電話?錯在我阿媽聽你阿媽電話自找麻煩?
其實講左成晚,c6都覺得99佢地無錯,所有都係我同我屋企人既問題,其實我屋企人成日都叫我地互相體諒,我屋企每次食野或者買野都一定會諗起佢,但c6不領情,覺得吾應該同我屋企有任何聯係,我無返99屋企,佢就話我無盡責,自問結婚後,你又有返去睇我屋企人一次咩
一直以來我都覺得99係一個雙面人,當有人係度,佢就扮曬綿羊,無人係度就扮曬大家姐
吾係話我針對佢,因我睇得出我62同99既分別,就好似上次我放工返到屋企,見到佢兩老係我屋企清潔(因c6平時好依賴99,我執屋個時,佢就扮見吾到,佢叫99幫手吸塵個時,佢就即刻話睇下間屋幾靚,所以我吾會再做任何家務),99見我無買餸,就即刻話:阿仔無野食,不停重覆,62閙99,因佢知道我吾鐘意,但99仲不停講,62擔心我無野食,就提議係樓下買野上黎食,但99就吾同意,話叫個仔返去食屋企飯好,62話擔心我,講到明我無野食,但99依然堅持,個刻,我明白曬
講真一句,我係黎個屋企已經有一年,但就未曾對黎個屋企有歸屬感,可能係剛結婚無耐,受99一句:間屋係我咖,我鐘意幾時黎就幾時黎,黎句話同c6對99既過份保護同依賴影響,又或者係我為黎間屋買一個細少既儲物櫃或釘一口釘都要得到佢地屋企人批準,令我覺得我根本就容入吾到佢地,覺得自己係外人,令我再無動力去維繫黎個屋企,剛結婚個時我真係做好多野,煮飯洗衫清潔樣樣齊,佢朋友黎到我招番乎周到,俾足面佢,佢d朋友無風度,我無計較(eg:買野打邊爐,重野我拎曬,佢朋友個個都行得好快,我唯有跟尾,仲俾佢話我慢,見到佢朋友錫女朋友,咩都幫女朋友拎曬個刻,我真係好羡慕,但佢仲好似對每樣野都吾滿意,直到最近一次我先忍吾住發脾氣。今日佢居然仲閙我,問我為黎個家付出過d咩,我無話可說,c6一個月2萬幾收入,每月負責2千奶粉錢、4千供樓及水電煤費用外,平均每月定額開支8千左右,就無其他負擔;而我每月9千,每月俾4-5千媽咪湊b開支及買衫外,仲要供保險,一個月儲吾到錢,c6每個月其實可以儲到幾千,佢成日話我吾識投資,所以一分都無俾我,媽咪擔心我吾夠,都經常自己出錢,平時就算同個仔買件衫(bb快大,好快要換),c6每次都話又買啊,我就吾會再問佢拎錢,反過來,佢個晚仲叫我出返份錢去交水電煤費用,我真係好心淡
大家咁落去無意思,我已經講左2次離婚,但佢堅決吾肯,事不過3,我知道自己如果講第3次,就真係完,但我都好明白,有邊個仔女會信自己阿媽係有機心既人,但每次佢講完野都扮無事,真係吾想再拖

王國熱話
自製pinata
價錢相宜攝影師
請問生日會攝影師咩價位?
請問有無新界區party room介紹


水晶宮

國民生產總值:72308

2018勳章


發表於 14-1-29 14:47 |顯示全部帖子

死症
我建議堅決分開下先
我驚你就黎癲
横掂你老公對你同你仔無乜貢獻,即係你經濟上點都頂到,我係你就搬開住大家冷靜下先

點評

j947  agree,分開住下,諗清條路點行,單親路難行架  發表於 14-1-29 14:57


男爵府

國民生產總值:6054


發表於 14-1-29 14:49 |顯示全部帖子
回覆 funny116 的帖子

樓主請問你係咪同C6都識左冇耐就結婚? 仲要係奉子承婚??


大宅

國民生產總值:4888


發表於 14-1-29 14:59 |顯示全部帖子
唉, 樓主真係好辛苦~~~個老公都唔幫自己, 又唔錫老婆, 唔尊重老婆屋企人, 呢種男人, 早走早著....

點評

linclincmola  Agree!!!  發表於 14-1-31 00:03
kalonice    發表於 14-1-29 16:05


子爵府

國民生產總值:12061


發表於 14-1-29 15:08 |顯示全部帖子
回覆 funny116 的帖子

從來和99爭鬥,C6都不會去幫自己老婆的,他愛你時會叫你忍下,他的愛消減時,他會轉過頭來說你煩,要老公去評理他一定不會願意去做,因為99是他的媽咪,寧得罪老婆也不會去開罪自己媽咪,因後果很嚴重。

你的問題是,你和C6都是在很急趕之下結婚,大家在很多事情上有不同的看法,甚至他有一種被迫上梁山的感覺,男人根本不想這麼快被鎖住,他們會覺得有了BB是女方的責任,他們從不會想其實他都有份去制造這個問題。你天天都和C6因為照顧BB的事去吵架,大家所餘無幾的感情都已經被爭吵消滅了不少,你在他眼中只是一個怨婦,只是一個無理取鬧的女人,而你媽咪卻成了犧牲品,她為照顧個孫的努力你6299一家人都不當一回事,反而把怨氣發洩在你身上,夫妻的感情越來越淡,甚至是惡劣,你C6當然不會覺得有需要去理會你的感受。

現在不如反其道而行,既然你99這麼恨湊孫,就把兒子給她照顧吧,讓她親身去體驗一下究竟天天被困住的辛苦,和BB玩當然開心,但當BB扭計時,不合作時,要去照顧一個BB是一項極為困身和辛苦的事,給99照顧也是令她明白到不是你媽爭住把孫子搶去,這樣也可杜絕你C6的口,不要天天以為你媽咪在爭甚麼。另一方面,也不要期望你99會待你好,你沒有期望,就沒有失望,現在大部份人坐月時都不想由99來照顧,費時到時還要自己去照顧多一個人,你和6299應該保持客客氣氣,凡事退一步去想,你和99爭執可以得勝的機會很微,因為她始終是長輩,根本不會理會事非對錯,只要是關乎個仔和孫的,她一定緊張,而你也只不過是她兒子的太太,不是她至親。

在你的情況離婚不能解決甚麼,你自己給媽咪家用,你C6會認為你都是給自己媽咪錢,所以把兒子給99照顧,你自己仍然可以給錢給媽咪,日常費用再去互相攤分,令到你C6無話可說,有時不是你以為做了一些事,如叫你媽咪照顧BB就是可以令到你C6感激你的付出,如不合理的事,都不用委屈自己去接受,你和C6之間應該讓他知道何謂公平法則,先放手讓他親身去驗證你媽咪究竟是怎樣的辛苦。你就算離到婚,想必你99一定放不了個孫,就算你拿到撫養權,你也阻止不了99經常到你外家找個孫,所以問題的本身還是先修補好你和C6之間的感情,再來就是保持和6299的正常關係,不必太親,也不必要天天見面都有心病,就把她當成丈夫的親人,客客氣氣就成,讓她找不到話柄,也不用為了一些生活小事而嘈吵!

點評

kalonice    發表於 14-1-29 16:05
K2mama    發表於 14-1-29 15:33
mc <()>


侯爵府

國民生產總值:24116


發表於 14-1-29 15:11 |顯示全部帖子

回覆:好想結束黎段婚姻

快d離、唔好俾自己係呢段關係中繼續受折磨、唔值得、個男人唔會改變、我另一半曾經罵我母親、之後已即刻道歉、但我到呢一刻都未釋懷、我仍後悔當時無分開、咁我唔使受咁多氣、我知佢已努力改、但關係已返唔到當初!你情況仲惡劣、早d解決!


大宅

國民生產總值:3525


發表於 14-1-29 15:35 |顯示全部帖子

回覆:好想結束黎段婚姻

對其實長久你都係會離婚收場,你們中間加左好多人落去e.g. 99,你媽媽。每個人都會覺得自己屋企人偉大,無論樓主定你c6。你嫁唔到佢屋企人,到最後你c6會選擇同你斷,因為你簽個字就冇關係,但佢屋企人點都斷唔到。方法只係你忍佢加佢屋企人,為仔又好,為自己個家又好,單親路唔易行,等仔大個d算,比返個紙牌人個仔。如果經濟ok,請姐姐,叫自己媽咪幫手睇住姐姐,唔好夾自己係c6同媽咪中間,解決左個最大問題先。


伯爵府

國民生產總值:18292


發表於 14-1-29 16:05 |顯示全部帖子

引用:以下貼子較長今日一早新同c6吵交,可能係我

原帖由 funny116 於 14-01-29 發表
本帖最後由 funny116 於 14-1-29 14:34 編輯

以下貼子較長今日一早新同c6吵交,可能係我地太急結緍,大 ...
妳老公都幾乞人憎架wo!!


禁止訪問

國民生產總值:11507


發表於 14-1-29 16:11 |顯示全部帖子

引用:以下貼子較長今日一早新同c6吵交,可能係我

提示: 作者被禁止或刪除 內容自動屏蔽


別墅

國民生產總值:738


發表於 14-1-29 16:50 |顯示全部帖子
回覆 suki.ywk 的帖子

係,所以無感情基礎,大家都吾了解大家既生活狀況,到依家簡直就融入吾到大家想要既生活,其實我覺得大家都祇係為左個仔先吾分開,至少我既想法係咁,因為我覺得自己已經對佢所做既事好心淡


別墅

國民生產總值:738


發表於 14-1-29 17:11 |顯示全部帖子
回覆 mc 的帖子

其實之前都有諗過俾99湊,但自從見到佢吾識湊之同思想講野有問題後,就吾放心,上次去左99屋企,見佢將阿B放係大床邊,阿B祇要轉一下身就跌落黎既位置後,我就好擔心,加上99講野及思想都會教壞細佬,連佢咁多個女都覺得99有問題,我就100個吾放心。我62其實都算有良心,起碼會體諒我媽咪,會講句:辛苦曬我媽咪經常都穩我呻:佢阿媽黎到,佢就不停叫佢阿媽食,但我去到佢就叫都吾叫我,我睇得出佢吾鐘意我。我媽咪依家連去我屋企訓都吾敢,怕C6覺得佢貪錢痴住佢
C6係我坐月時話過吾使我做野都得,可以養到我,但到依家我有野做,佢會叫我夾錢,佢既想法係:用曬我既錢,佢既錢就要黎投資增值,因為我吾識投資,佢成日話我儲錢吾增值就無用,我已經好低下氣同佢講過我每個月使用好緊,但佢居然話佢都無錢儲,我真係想問:咁投資既錢係邊黎?其實每個月佢大概都可以儲到1萬左右,但佢無諗過女人都要儲返D錢,好自私

佢阿媽係佢心入面一定吾會係衰人,我一定係搞風搞雨個個,改變吾到,感情根本就淡曬


複式洋房

國民生產總值:166


發表於 14-1-29 17:38 |顯示全部帖子


禁止訪問

國民生產總值:5250


發表於 14-1-29 19:54 |顯示全部帖子

回覆:funny116 的帖子

提示: 作者被禁止或刪除 內容自動屏蔽


禁止訪問

國民生產總值:5250


發表於 14-1-29 19:57 |顯示全部帖子

回覆:funny116 的帖子

提示: 作者被禁止或刪除 內容自動屏蔽


水晶宮

國民生產總值:70368


發表於 14-1-29 20:44 |顯示全部帖子

回覆:好想結束黎段婚姻

其實,即使係親兄弟姊妹,同一個阿媽生,同一個家人環境下長大,但都各有唔同的性格,否則都唔會成日見到兄弟姊妹不和喇,更何況係唔同阿媽生的老公/老婆~

當兩個唔同家庭背景的人結婚住埋一齊,為生活鎖事而起爭執在所難免,大家價值觀同睇罰的角度都唔同~

每個人做野同睇野都好多時會站係自己的角度出發,所以阿媽著緊自己仔女好正常,你99錫你老公就=你阿媽錫你一樣,你會覺得自己阿媽付出較多,相反你老公都覺得自己阿媽付出較多~

所以我同我老公吵架,我絕少會講我99不是,因為係仔女眼中係無不是之父母,而我亦睇得出我99好錫我老公,寵到我老公好多壞習慣而不自覺,但除非係我老公講我屋企人,咁我就會還以顏色講番佢屋企人~

但其實我想講,因為我地自細都同父母相處,多多少少佢地唔好的一面,我地會唔覺又或者會已經習慣左~

我睇完你打一大篇野,作為外人真係好難去評論邊個對與錯,因為成篇野都係你立場講,可能當你老公講時,又係另一樣野~

點評

orangekkkkk  認同,十分中肯  發表於 14-1-30 09:54


大宅

國民生產總值:4002


發表於 14-1-29 21:30 |顯示全部帖子

引用:其實,即使係親兄弟姊妹,同一個阿媽生,同

原帖由 小manman 於 14-01-29 發表
其實,即使係親兄弟姊妹,同一個阿媽生,同一個家人環境下長大,但都各有唔同的性格,否則都唔會成日見到兄 ...
我都覺樓主同佢C6思考很似,都是以“我”為先,根本2個人是無法溝通,所以咪只可以吵架收場,問題無法解決,只有越績越多


別墅

國民生產總值:875


發表於 14-1-29 23:41 |顯示全部帖子

回覆:好想結束黎段婚姻

我同你差唔多 C6又衰到爆 至於果對外星6299更加不願置評 之前仲要同佢地一齊住 個99係C6面前扮哂野話好想幫我湊仔仲爭住抱 C6一去左返工 99連人影都唔見 問佢可唔可以抱住下俾我食飯(因為成日都冇食野), 點知裝左飯一坐低就話我好快D食 佢好唔得閒好多野做 其實佢只係想去睇報紙 我真係頂佢唔順 搵左D藉口 帶埋呀B返娘家自己湊


子爵府

國民生產總值:10055

畀面勳章


發表於 14-1-30 11:36 |顯示全部帖子

回覆:好想結束黎段婚姻

試下做下無聲抗議,再唔係兩母女去旅行,行開下,睇下佢地係唔係咁巴閉真係鄧你辛苦


子爵府

國民生產總值:12061


發表於 14-1-30 11:54 |顯示全部帖子
回覆 funny116 的帖子

或許現在應是先修補你和C6冷凍了的感情,有沒有試過少些投訴?多說其他的東西,少在你C6面前去批評99,也請你C6要尊重你父母。我想你用軟的方式去向你C6表明,一切都是以BB為大前提,你希望家和萬事興,不想BB生活在一個整天吵吵鬧鬧的環境下。有時候男人就是最怕聽老婆怨這怨那,又怕老婆整天在他面前要求向99說甚麼,要求甚麼。

你99人前人後兩個樣,你也這樣才成,你C6明顥是食軟不食硬,99是他的母親,一向都把他照顧得很好,99在你C6面前一定落了不少的藥,要扭轉形勢必要先和C6達成和平協議,這樣你才可以真正地找到解決方法。不要去靠男人去解決糾紛,他們不想理會,也會越幫越忙。反而應該要求你C6不要插手,你會去找一個平衡點。只要你和C6的感情回溫,有很多事情是真的可以慢慢去解決到。尤其是你和99不是住在一起。
mc <()>


禁止訪問

國民生產總值:58


發表於 14-1-30 13:07 |顯示全部帖子

回覆:好想結束黎段婚姻

提示: 作者被禁止或刪除 內容自動屏蔽


12
跳至
  • 搜 尋
  • APP
  • 網 站
© Baby-Kingdom.com Limited. All rights reserved.