G5 寫道:
呢排攪搬屋攪到想死！！！
打算搬去大埔龍尾村，
間屋已比晒頂金，定好日子，搵埋師傅裝修先o念起轉線問題。。。
初初地產好肯定話一定可上網（因為隔離可以）以為實得，
打去PCCW問，都好，有固定Sale跟，話公司電腦無顯示我間屋有存在，
就連條村都話搵唔到，死未！（明明鄰舍都有人）
好啦，等了五日終於派左個師傅上門證實左可以拉條線裝電話。
於是再打去entvigator問可唔開裝上網線，
經過一輪電話錄音後終於搵到真人對話，將件事由頭講完一次，
答我，根本搵唔到條村，跟住再等超過五分鐘後又話搵到！
不過，佢唔識，話會同上司講件事，叫等陣再打去問，
兩小時後又再打去問，又經一輪電話錄音，
真人對話又要將個故事再講一次，結果係：
我地線路好忙，不如搵同事復我，（即係話個真人都幫我唔到）
真係想死！搬條線都攪到o甘，好似我要搬去汕頭以南o甘遠住。。。
都唔知點先可以有人幫到我，有電話線=可安上網線？
發表於 
發表於 
返回列表
