屋企原本部榨汁機成日神神地(好嘈同榨榨下汁會走左去!), 於是睇下D新機, 想係香港買, 有牌子就貴到無倫, 什牌又唔知咩山寨機, 榨唔到汁唔緊要, 最怕燒左我間屋.......
搵搵下, 咁岩我要去台北玩, 所以睇埋台灣D機, 終於係東森度睇中左部機, 但好奇怪佢地只可以用海外信用卡送海外地址, 台灣信用卡送台灣地址..... 幸好佢仲有得揀貨到付款, 於是我就同東森果邊傾, 最後佢地話我個CASE比較特別, 可以幫我約到某時間之內送到酒店, 咁我就唔洗怕人未到, 貨就到左~
BUT其實最後都唔洗驚, 因為去到酒店, 佢同我講, 會幫客人先付款, 等我到左之後再比返酒店都得~
真係好好服務呀~~~
講返正題, 我收到部機之後, 即刻去買D蔬果返黎試用, 我最主要用黎榨五青汁, 真係好好用!!! 比之前部機靜左, 榨D汁多左, 而且冇刀片, 可以比囡囡玩下(扶住佢由佢放D生果落去), 而家成日話要JUICE JUICE!
最重要係, 圍返港紙1千蚊左右咋, 仲要送左1個食物夾, 1個真空保暖杯, 1個易潔鑊! 而個易潔鑊真係超好用!!!!! 比我之前買既都要好用! 以前炒極都炒唔到既滑蛋, 而家用好少油就可以炒到啦!!!! (我係浪完D油之後多左既倒返入油壺)
慢磨機比之前部榨汁機易洗, 雖然配件多D, 但只要用完後倒2杯清水落去再開一陣機(約1-2分鐘), 就已經清左80-90%, D部件大部份都係用水沖沖已乾淨, 我榨五青汁, 勁多渣, 都係有小部份位置要用佢附既刷了返D渣出黎, 個網真係係咁E刷下已經OK, 當然, 要刷到新既一樣就冇可能架啦, 因為D孔實在太細, 但已經乾淨過我之前果部好多啦~
唯一唔好既地方, 應該係返到香港之後, 要去D五金鋪買返個220V轉110V既變壓器(要買500W先夠), 約300蚊(老公去買, 希望冇記錯)
不過老公話, 以後再去買台灣既電器都唔怕返黎冇得用啦~
報告完畢~
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!