Baby Kingdom - 親子王國 香港 討論區 › 首頁 › 親子旅遊› 分享5天沖繩慢遊自由行

親子旅遊

收藏本版
發帖
返回列表
跳至頁

首頁
12345...19

尾頁
   313
瑩瑩老豆


王國會長

積分: 26578

王國會長


1#
發表於 13-8-14 09:51 |只看該作者
本帖最後由 瑩瑩老豆 於 13-11-17 21:49 編輯

終於去完五天沖繩, 雖然預早計劃好行程, 但因太懶散和行動慢, 最終只有第一和第五天跟到變成沖繩慢遊.
http://www.baby-kingdom.com/forum.php?mod=viewthread&tid=6885469&page=1

景點地圖 http://goo.gl/maps/EpPSX

Tips:
.坐HX 的話, 儘可能先online checkin, 到機場有另個counter 只做寄倉行李快好多, 但online checkin 好流下有好多限制的.
.落機后如即租OTS車十分浪費時間, 因要等晒所有同一班機租車的人才去取車, 可考慮租其他較少人的租車公司, 甚至第一日自己先去那霸, 第二天才租車.
.租車個GPS 唔好靠佢, 多次點我行錯路, 我幾天全用google map, 好準又係中文! 但記得帶car stand.
.可行IC 儘量行, 行市內好慢(塞車又多燈位), 情況就如行英皇道定行東廊.
.如果有小朋友行動慢, 行程唔好編得太密, 各景點幾遠, 車程/泊車/睇map都花上不少時間的.
.回港checkin 完后, 如時間多可先行過去國內線shopping.

值得去吃的地方:
.濱之家(龍蝦, 必吃)
.牛特(燒牛肉)
.大家(shabu shabu 豬肉)
.通堂拉面(食落同其他鋪差不多, 一去無妨)

第一天
行程: 機場 -> 那霸 -> OTS租車 -> 晚餐元袓海葡萄 -> ANA 萬座酒店

坐HX658 11:10 機往沖繩, 08:30 book 左車出由家往機場, 09:15到, HX counter 在K 段, 但去到超超多人排隊等checkin, 足足45分鐘才搞好, 買票時雖已劃埋位前排2x2窗口位, 去到又話冇記錄, 比左后面4個中間位, 經爭取才轉回前排2x2窗口位. 然后入閘安檢, 有條family 通道快一些. 10分鐘入到去, 因未食早餐, 便去貴賓室(Gate 1 Travelers' Lounge)食, 入面有魚旦粉(或米), 粥, 腸粉, 沙律, 方飽等, 要食飽一定冇問題. 食左半個鐘去登機, 閘口523 要坐接駁巴士上機. 11:20 起飛, 本來以為有飛機餐(因為有訂兒童餐), 結果全部每人一個豬肉飽, 每個座位有電視, 睇完套戲準時 14:40 到那霸空港.


由於坐得前早落機坐第一架接駁巴士去到排隊入境未多人, 好快過左攞埋行李都只係 15:00 出閘就見到各間租車公司舉牌等人, 當然包括我訂左的OTS, 點左名, 然后要等埋其他也訂左OTS的人, 冇野做開左在香港租的pocket wifi 打下咭, 上下網, 到15:45 有個簡介, 16:05 去坐接駁巴士到OTS office, 20分鐘車程, 到埗排隊搞手續, 然后去取車, 佢地會mark 低架車本來的問題同是旦講兩句GPS 點用就叫我簽收走人, 可以開車時已差不多五點, 由出境到開車足
足花了兩小時. OTS 有另一個counter 賣景點門票, 因我知道之駅許田也有得賣, 所以就冇在OTS 買.


搞好晒set 埋GPS 去ANA 萬座 (選了有料路徑)就開車, 但結果就出事了. 開車前已看過路線大致上應OK, 點知跟住行, 行行下入左那霸便心知不妙, 停車再看好似點左我行無料條路(慢好多), 於是再set GPS 行過, 行左一陣又亂點我轉彎搞到行錯晒, 最后停車, set手機google map 導航先行到, 但當時已近六點那霸市內好塞車, 慢慢才能回到IC 上恩納, 結果又再花了兩小時(本來預計一小時的)19:00 才去到恩納村, 剛好見到日落, 停車睇左一陣, 便去途經的元袓海葡萄晚餐, 泊好車去到要等位(約十分鐘), 坐低佢比本中文menu, 我們叫左兩個拉面, 加最貴那個海葡萄定食, 不過覺得一般, 豬手OK, 但整體不太建議去.


食完, 10分鐘車程開車去酒店check in, 剛好見到酒店今晚放煙花, 酒店門口有代客泊車, 去到落車佢地會比張咭你到時憑咭取車, 入去check in 上到房已21:00 咁就一天.

點評

kawai120  so helpful  發表於 14-3-24 00:18
私人傳訊

瑩瑩老豆


王國會長

積分: 26578

王國會長


2#
發表於 13-8-14 09:51 |只看該作者
本帖最後由 瑩瑩老豆 於 14-2-9 23:30 編輯

第二天
行程: 早餐酒店 -> 萬座沙灘 -> 午餐道之駅許田 -> 海洋博公園 -> 晚餐大家 -> 酒店觀星

本來想慳D 出外食早餐, 不過成08:30 才起床去酒店食, buffet 早餐可以話算少野食(同STAR 和Banyan tree phuket比)又貴. 食完就去萬座沙灘游水, 行過去5~10分鐘或門口等shuttle. 去到已十點多, 除了沙灘椅和毛巾住客免費, 其他全部要收錢, 本來想玩下海中浮床但超貴冇玩 .


游左個半鐘回酒店沖涼準備出發午餐. 換好衫出返酒店門口, 比張咭佢地, 佢地會開架車來比你唔駛自己去停車場. 約半小時到道之駅許田午餐, 隨便食個定食, 拉面之類, 呢餐係咁多日最平了, 順便買埋水族館入場卷及在便利店買零食和水等便再開車入海洋博公園, 車程約45分鐘.


海洋博公園好大, 旁邊仲有個海灘, 玩晒應可玩大半日, 我15:15 入到去, 先去餵海豚, 一小桶有7~8條魚仔, 500YEN, 我囝囡每人餵左兩桶咁就多謝二千YEN. 餵完去海洋劇場睇16:00海豚表演, 最后工作人員會叫人企去水池前面, 如想涼快下就企出去準備比海豚炸水.


睇完最后入水族館(這是要收錢入的), 我本來已用8折買左門票, 16:00 后入場再平D, 佢地會退返差價, 入到去, 門口有個池可摸下海星, 入面都幾大和多野睇, 致少比海洋公園個水族館大, 都行左約45分鐘才出來, 然后收隊上車去"大家"食晚餐.


去大家車程約30分鐘, 入去大家條路係好細的山路, 但應不致於其他jm 講會迷路(因為只得一條路), 約18:30 去到, 大家係一間百年舊屋, 今晚唔算好多人, 不用等位, 入去要在門口除鞋(所以最好著襪, 特別係要去洗手間), 坐低有中文menu + 普通話waiter serve. 窗外就是細細的流水瀑布, 環境就好靚, 叫左兩個shabu shabu 豬set 加多一份拉面, 講好食又真係名不虛傳, 但又多謝8000YEN, 沖繩消費絶對唔平.


食完出返去, 條路好黑, 要靠google map 慢慢出返大路, 車程50分鐘才回到 ANA, 在ANA 入口的便利店買煙花準備明晚放, 今晚酒店有得觀星, 酒店放左兩個天文望遠鏡在外面, 我同阿囡去睇到土星, 現場有人講解, 但用日文唔知佢講乜.
私人傳訊

瑩瑩老豆


王國會長

積分: 26578

王國會長


3#
發表於 13-8-14 09:51 |只看該作者
本帖最後由 瑩瑩老豆 於 13-8-15 00:04 編輯

第三天
行程: 早餐酒店 -> 萬座沙灘 -> 午餐御菓子御殿牛特+shopping -> 兒童王國 -> 美國村 -> 晚餐Island terrence -> 萬座沙灘放煙花 -> 酒店

個個睡到自然醒差不多9點, 便落酒店食早餐, 食到9點9, waiter 話 10:00 要收檔趕客, 咁貴食過早餐仲要比人趕, 駛唔駛咁早收呀.
食完又去沙灘玩, 阿囝只鐘意玩沙, 咁去深水灣都得啦, 駛乜咁遠走去沖繩玩沙呢, 玩完沙又去酒店泳池游水.


1點幾開車去附近的御菓子御殿shopping 和食午, 御菓子御殿有兩層食野, 1/F 係牛特, 2/F 係沖繩料理, 由有其他jm 推介, 便去左牛特食燒牛, 果然冇介紹錯. 食完行下買左紅芋tart, 另有條生產線比人參觀.


行到近三點開車去兒童王國, 行IC車程約40分鐘, 去到上面個停車場full 左, 要落下面, 泊好車入到園又花了一小時, 園內主要睇和餵動物, 另有D 機動遊戲玩, 周六日有騎馬仔.


差不多六點去美國村, 廿分鐘車程, 去到AEON 前面個停車場泊車, 又係好滿, 好彩剛好有車走, 即后入L 位. 落車四圍行下, 主要係幾個商場shopping 或者坐摩天輪, 食左多日日式, 晚餐去左island terrence食西餐, pizza, 意粉等. 20:15 走人45分鐘回到ANA, 因先要處理昨晚買的煙花, 便在萬座沙灘泊車, 落到沙灘便放煙花, 但竟然有一半燒唔著, 勁搵笨. 放完開車回酒店.
私人傳訊

瑩瑩老豆


王國會長

積分: 26578

王國會長


4#
發表於 13-8-14 09:51 |只看該作者
本帖最後由 瑩瑩老豆 於 13-8-15 23:40 編輯

第四天
行程: 早餐酒店 -> submarine jr -> 午餐海鮮料理濱之家 -> 琉球村 -> doubletree naha 酒店 checkin -> 國際通 -> 晚餐不知名燒肉店 -> 酒店

慢遊第四天, 早餐依然食到10:00 等人趕, book 左11:00 坐submarine jr, 10:30 去酒店門口坐shuttle 去萬座沙灘, 報到后等開船, 個隻其實應該話係船, 只係可以落下面有窗的船艙底, 開船后駛出萬座沙灘對開海面慢行, 約半小時回到碼頭, 望落唔算好多魚(同布吉旦島比), 水也不算好清.


坐完jr 坐shuttle 回到酒店pack 野, 差不多13:00 才checkout 出車去濱之家食午, 又半小時車程, 入到去人唔算多, 叫左三個定食, 當然包括最多人介紹的焗龍蝦, 十幾分鐘已起菜, 焗龍蝦啖啖肉, 非常正 , 其他帶子定食都不錯, 不過又係一過貴字, 埋單五千幾YEN, 餐餐都三至五百港幣.


食完去附近的琉球村, 10分鐘就到, 入口有D 檔口, 有影相, 賣記念品等. 然后才到買票入場, 入到去其實都係睇下D 舊屋, 有幾間屋有D 野玩, 例如油獅子, 彈三線等, 如果乜都唔玩就不來也無所謂.


16:30 開車去那霸doubletree check in, 今次冇行 IC, 結果撞正下班時間, 足足一個多小時才去到doubletree, 酒店后面有個小型停車場(可泊十多架車), 不設代客泊車, 好彩剩返最后一個車位比我泊埋, d 位好窄, 架車大D 都煩, 自己泊完去counter checkin , 然后叫佢出來幫手由車搬行李上房, 唔通cut cost, 同我做check in 個staff 搞完就自己推架車仔出去做埋搬行李.


settle 后落樓去行國際通+食晚餐, 反正開車出去要比錢parking又怕塞車, 便改搭一個站單軌出去, 二大一細250YEN. 出到國際通, 成條街主要賣手信或食野, 到今日未食過石恒牛, 便是但去左間食燒肉店, 點了燒石恒牛(燒埋銀紙), 但食落還不及牛特好食價錢仲貴, 中伏了.


食完, 在國際通行下買了些東西便坐單軌回酒店.

私人傳訊

瑩瑩老豆


王國會長

積分: 26578

王國會長


5#
發表於 13-8-14 09:52 |只看該作者
本帖最後由 瑩瑩老豆 於 13-8-15 08:05 編輯

第五天
行程: 早餐酒店 -> AEON shopping -> 午餐通堂拉面 -> 那霸空港checkin -> 那霸空港國內線大樓shopping -> 回港

最后一天了, 照舊冇校alarm, 睡夠去酒店食早餐(Hilton gold member 免費), 呢間好D, 10:30 才完早餐, 但我地食到09:30 上房pack 野checkout, 然后開車去AEON 行下, 10:45 去到, 行下樓上, 再行下超市又買在D 手信, 11:50 行去通堂拉面, 位置就在AEON 對面好近, 入口有人帶位, 原來已有8/9成滿座, 佢地係半自助, 要去門口部機買票再交給伙記去煮再送上來, 但我見日本人可以同伙記落單唔駛買票 !? 一共叫左四碗面, 可能本身不太好拉面, 唔覺有乜特別, 味道都OK. 想食最好12點前到, 我地坐低冇耐已陸續有人來, 很快己要在外面等位了.


12:40 食完開車去OTS 還車, 大約廿分鐘車程, 還車前要入滿油, 租咁多日大約用左一半油, OTS 旁就有一間油站, 可以最后才在那入完油才還車, 入返滿油近4000YEN, 即租車連油錢花了約20,000YEN. 入完油再駛入OTS, 佢地會check 一次車身, 再開動架車, 冇問題就完成交車, 過程只花約十分鐘, 然后就等 shuttle 車去機場. 因剛好有架shuttle 便上車, 20分鐘車程先停國內大樓, 下一站才到國際線.

昨日睇香港天氣已知打風, 今早仲3號風球, 所以都担心delay, check 返香港過來班機delay 左一小時, 咁回港班機必定也delay 了, 佢地check in 係寄倉行李先過xray 再埋counter checkin, 排左十幾分鐘到counter, 我同佢講我已劃左位, 佢check 完又話冇, 但都比返較前的窗口位, 另外就話要delay, 本來 15:40 走改為 16:40. 我14:00 已check in 完, 但國際線大樓只有一間便利店加一間食店冇野行, 於是便將手提行李鎖在locker, 兩手空空行過去國內線大樓, 唔駛十分鐘已行到去, 入面完全係兩回事, 好多店好多野買, 如果早前一直冇時間買野, 國內線大樓可解決, 試下15000YEN 6個芒果. 行下行下又買左少少, 然后到三點幾買面飽食下午茶. 到差不多16:00 行返去國際線大樓準備登機.


10幾分鐘就過關, 但注意小朋友都唔可以帶水, 要即時飲晒佢, 16:30 開始登機, 坐定關門后, 機長廣播說香港機場繁忙, 要多等半小時才出發到 17:30 才飛, 約HKT 19:00 到港結束5天慢遊.
私人傳訊

Charlotte_mom


王國長老

積分: 212600

畀面勳章 好媽媽勳章 醒目開學勳章 2011精緻種植勳章 環保接龍勳章 大廚勳章 王國長老 BK猜猜猜慶中秋 BK Milk勳章


6#
發表於 13-8-14 10:46 |只看該作者
等, 點出事?
我記得上次跟gps去萬座無, 真係點錯路, 我見到前面幾架車一齊泊埋一邊搵路, 應該係GPS出左問題, 好彩擡頭有路牌
HK EXPRESS個機場COUNTER真係好恐怖, 一定要ONLINE CHECKIN或者市區CHECKIN, 中招過就知
私人傳訊

瑩瑩老豆


王國會長

積分: 26578

王國會長


7#
發表於 13-8-14 11:22 |只看該作者
Charlotte_mom 發表於 13-8-14 10:46
等, 點出事?
我記得上次跟gps去萬座無, 真係點錯路, 我見到前面幾架車一齊泊埋一邊搵路, 應該係GPS出左問題 ...
咪就係點錯路, 明明想行IC走左入那霸, set 多次又係咁, 結果要用google map.
hk express 個online checkin 好流要逐個做11歲以下又唔得, 唔似cx 咁整個booking 做同選位, 結果冇做到咁就中招.
私人傳訊

apsm


禁止訪問

積分: 10893


8#
發表於 13-8-14 11:49 |只看該作者

引用：Quote:Charlotte_mom+發表於+13-8-14+10:46

提示: 作者被禁止或刪除 內容自動屏蔽
私人傳訊

apsm


禁止訪問

積分: 10893


9#
發表於 13-8-14 11:54 |只看該作者

引用：Quote:Charlotte_mom+發表於+13-8-14+10:46

提示: 作者被禁止或刪除 內容自動屏蔽
私人傳訊

瑩瑩老豆


王國會長

積分: 26578

王國會長


10#
發表於 13-8-14 11:54 |只看該作者
apsm 發表於 13-8-14 11:49
我都係揀好晒位，但佢話冇記錄
我咪又係咁, 來回程都話冇我揀位記錄, 因我print 左當日揀位記錄比佢睇, 佢地才比返前排窗口位我(不過都係后左幾行了).
佢地個訂票和checkin 系統都係咁流 :;pppp:, 不過平就係咁.
私人傳訊

瑩瑩老豆


王國會長

積分: 26578

王國會長


11#
發表於 13-8-14 11:58 |只看該作者
apsm 發表於 13-8-14 11:54
我都冇online check in,

但去到hk airport 排隊3、4個，

另:你去候机室食野，
有带埋小朋友？
or 你同太太輪住入？

咁你好彩了, 我當日好多強國人checkin, 港航唔少機去大陸.
我同c9 分別有priority pass 入貴賓室, 我另用ae cx elite 帶大囡入, 細囝太細不用(就算要都可以用我張premiersmiles 入).
私人傳訊

Koala_Chu


水晶宮

積分: 50971

2018復活節勳章 畀面勳章 叻叻勳章 BK Milk勳章 hashtag影視迷勳章


12#
發表於 13-8-14 12:02 |只看該作者

回覆：瑩瑩老豆 的帖子

OTS真的浪費時間……因租車人太多，要分兩批，第一批還好，很早便出發取車，但奈何我是第二批 又加上塞車，由機場到OTS要45分鐘 租車+買入場券，最後要5:45pm先離開OTS，打亂晒行程

幸好GPS正常，否則……
私人傳訊

Charlotte_mom


王國長老

積分: 212600

畀面勳章 好媽媽勳章 醒目開學勳章 2011精緻種植勳章 環保接龍勳章 大廚勳章 王國長老 BK猜猜猜慶中秋 BK Milk勳章


13#
發表於 13-8-14 12:13 |只看該作者
哎呀, 我上次hk airline俾揀埋小朋友位wor, 不過一book左就無得改, 唔似cx任改, 學你話齋平野就係咁
個gps都唔識帶我走ic, 成日點我去58國道, 可能system一早set左, 我地又唔識改啦! 好在我係人肉gps, 識睇路牌自己兜返上ic
私人傳訊

Charlotte_mom


王國長老

積分: 212600

畀面勳章 好媽媽勳章 醒目開學勳章 2011精緻種植勳章 環保接龍勳章 大廚勳章 王國長老 BK猜猜猜慶中秋 BK Milk勳章


14#
發表於 13-8-14 12:14 |只看該作者
等你update啊(慢慢黎), 沖繩係我地成家都掛住既地方, 好想再去
私人傳訊

apsm


禁止訪問

積分: 10893


15#
發表於 13-8-14 12:32 |只看該作者

引用：Quote:apsm+發表於+13-8-14+11:54+我都冇on

提示: 作者被禁止或刪除 內容自動屏蔽
私人傳訊

瑩瑩老豆


王國會長

積分: 26578

王國會長


16#
發表於 13-8-14 15:10 |只看該作者
apsm 發表於 13-8-14 12:32
D card 有小朋友个名？？

or 只係是旦揸張咭入？

兩張priority pass 係我同c9 名, 信用咭係我名的.
私人傳訊

瑩瑩老豆


王國會長

積分: 26578

王國會長


17#
發表於 13-8-14 15:11 |只看該作者
Charlotte_mom 發表於 13-8-14 12:14
等你update啊(慢慢黎), 沖繩係我地成家都掛住既地方, 好想再去
我覺得除非係玩水, 否則春或秋天去會好d, 夏天太熱了.
私人傳訊

waiwaikelly


男爵府

積分: 9442


18#
發表於 13-8-14 15:13 |只看該作者
apsm 發表於 13-8-14 12:32
D card 有小朋友个名？？

or 只係是旦揸張咭入？

我同老公各人都有2張咭....我地都係咁帶個仔入...look我地d咭即可入
私人傳訊

nainaitze


珍珠宮

積分: 44184

2018復活節勳章


19#
發表於 13-8-14 15:31 |只看該作者

回覆：分享5天沖繩慢遊

我哋9月頭出發，老公好似係經OTS訂車
私人傳訊

瑩瑩老豆


王國會長

積分: 26578

王國會長


20#
發表於 13-8-14 15:50 |只看該作者
nainaitze 發表於 13-8-14 15:31
我哋9月頭出發，老公好似係經OTS訂車
那只好期望同一班機唔多人同OTS 訂車了
私人傳訊


首頁
12345...19

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見