產前產後

跳至

首頁

尾頁
   0


大宅

積分: 4710


發表於 06-12-7 21:20 |顯示全部帖子

威記直擊報導

我朋友第二胎剛剛4號下午見紅有痛,咁就入去威記,入到去係下午6點幾,當時病房尚未爆滿。到晚上較後時間,開始多內地孕婦到check in。
5號早上7E全滿,我朋友子宮開左一度,但因未有其他作動徵兆,醫生話因為唔夠床,所以下午可能要我朋友出院。(大家記住我朋友係開左一度,以前醫生對第二胎媽媽就算一度都未開,有陣痛都唔會叫你出院!)到下午4點幾醫生巡房,我朋友好好彩,穿水了,所以可繼續留院,醫生check左我朋友當時開到兩度,但因為產房爆滿,所以無得落去試生。(我03年生第二胎時,一度都未開到,姑娘都俾我落產房試生呀!)當晚我朋友都好無耐,惟有等下啦!
6號早上醫生話到12點左右會俾我朋友落產房催生。點知到12點前,無端端突然之間有幾個內地孕婦推左上黎7E,跟手即刻被推落去產房生,攪到原本我朋友係要去催生都無得去,穿左水將近24小時啦,亞B都可能有危險啦!我朋友終於要等到2點幾先落到產房門口,但未入得住。聽到有姑娘話要去救B,原來係有位內地孕婦要生,仲要係開到7度才入院,呀唔係,係由廣西即日搭的士過關,一過左關就CALL白車送佢黎威記,真係好近的自由行,行到落黎香港生,生左之後姑娘問番佢D生產經驗,大家都驚覺佢原來落左6個B,生左2個B(連今胎),呢位亞姐都真係好近,我朋友聽到呆左!仲有白車的哥哥同姑娘講,亞姐仲要拎左幾大袋行李黎,佢地仲見到內有砧板等用具,好野!近呀!帶晒野黎香港坐月呀!到左5點幾我朋友先入得產房生,姑娘就同我朋友講,生完應該會俾我朋友上二等,因大房已經滿左。到11點幾我朋友生左之後,姑娘突然話俾另一個內地孕婦上左去二等,攪到我朋友終於都係要瞓8E,最唔抵係俾個咁o既人插隊上左二等呀!
7號(今日)早上,醫生話我朋友因產程太耐,所以亞B要留在BB病房觀察。(如果唔係咁多突如其來的內地孕婦緊急生仔,我朋友的產程都唔會攪到咁耐)係8E內,有4個內地姐姐成日話要出院,佢地係6號4點幾至晚上生的,係咁話咩自己D仔女都係鍾意係內地讀書......又話係醫院無野食又要自己湊B好鬼辛苦,係咁話要出院,咁姑娘就梗係當佢地係出院之列,叫人由產房上8E啦,點知到班亞姐知道今日走同聽日走都係一樣俾兩萬,佢地就即刻轉軚話唔出院住,聽日先出院,而家我朋友因無B跟身,要轉落去7F(婦科)過夜,我朋友聽日都出院啦,都仲要轉房,都係多得D內地人唔少呀!

總之各位姊妹,去威記之前三思呀!


民房

積分: 6


發表於 06-12-7 21:47 |顯示全部帖子

Re: 威記直擊報導

真係太過份!!!!
o甘搞法....本土媽媽權益何在!!!!!


大宅

積分: 1151


發表於 06-12-7 22:03 |顯示全部帖子

Re: 威記直擊報導

剛剛睇tvb news, 醫管局好似開始做野喇, 不過仲係"提議"緊羅... 唔知仲要等幾耐...
d 大陸人真係失禮!!!


複式洋房

積分: 256


發表於 06-12-7 22:07 |顯示全部帖子

Re: 威記直擊報導



複式洋房

積分: 315


發表於 06-12-7 22:17 |顯示全部帖子

Re: 威記直擊報導





但係我都係book左係威記生,預產期係07年6月,因為我住大埔,希望到時唔好係咁差啦!!


大宅

積分: 2291


發表於 06-12-7 22:18 |顯示全部帖子

Re: 威記直擊報導


自求多福

你朋友, 真係好嘢. 為香港人的忍耐力鼓掌, 為自己將來打氣!


複式洋房

積分: 118


發表於 06-12-7 22:40 |顯示全部帖子

Re: 威記直擊報導

有冇攪錯, 我出年都係威記生. 唔知個時會係點呢......



:-( :-( :-(


大宅

積分: 1218


發表於 06-12-7 22:45 |顯示全部帖子

Re: 威記直擊報導

妳朋友唔出聲
1)點解納稅人無得住2等比內地人住
2)穿羊水唔係最多8小時就要生,bb有乜事都要威記負責
3)妳應該打去報界,傳播界等,因是親身經歷嘛

我1月生都唔知去唔去威記生.


子爵府

積分: 11633


發表於 06-12-7 23:04 |顯示全部帖子

Re: 威記直擊報導

而家究竟係咩世界呀???


複式洋房

積分: 102


發表於 06-12-7 23:11 |顯示全部帖子

Re: 威記直擊報導

我好擔心呀~

我今月25號去威記生0家~~


別墅

積分: 630


發表於 06-12-7 23:12 |顯示全部帖子

Re: 威記直擊報導

睇完呢個case真係好難過!
完全可以想像到個份無助。

我入院生時一定要扮惡d,我一定要帶埋手提電話去,有muk事起嚟,d醫生姑娘唔理我,我就會同佢地講:我係香港大肚婆,你地唔優先處理我既case,我就打電話去報館叫記者依家即刻嚟採訪…。


大宅

積分: 1237


發表於 06-12-7 23:21 |顯示全部帖子

Re: 威記直擊報導

我都是在威院生小b的,但因D大6產婦令我整個產程共用了58hrs。我入院第一二日肚痛加見紅,第三日半夜3:30穿水,加上D胎水濁,不得飲食,姑娘話天光就落得產房及巳call医生來睇我,但等到7:00都見唔到医生又無得落產房,因為半夜有7個孕婦入院,其中4個已開到4-5度(當中3個是大6人,她們又大叫,又入厠所自己生)我聽姑娘交更話都未同她們檢查就話生得。明明產房有位我可以落,就比佢哋打尖,等我在7E開到3度,大約11:30am才落得(當中我一粒聲也無叫過)其間醫生也未來過,只透過电話叫姑娘用机check住亞b心跳。其實胎水濁是很危險,萬一亞b心跳慢了便要立即開刀,幸好小b好堅强,但一出世就要洗胃,之後餐餐奶都勁嘔,之後發現胃及腸有D脹要留医5日,吊糖水禁食訓箱(双手双脚全是針孔) :-( 好在現在亞b無事,始終都是D大6孕婦令到我同亞b受不必要之痛苦。


別墅

積分: 697


發表於 06-12-7 23:25 |顯示全部帖子

Re: 威記直擊報導

無天理,我地返工搵個一萬幾仟,又要交稅、又要供樓/租樓、又要儲錢為小朋友將來、又要為自己將來打算。現在連生仔都要煩,就算有錢都話無位俾你生,就算有位可能都係走廊位,現在講緊係人命,過程中有咩差遲就一世,你賠幾多錢俾我都無用。香港係個國際城市,政府高管個個都受過高等教育出來的人才,唔好只係識諗點樣開多d稅項,增加政府收入,真正需要幫助的人,政府又幫助到幾多呢?


民房

積分: 94


發表於 06-12-7 23:29 |顯示全部帖子

Re: 威記直擊報導

真係好離譜,你朋友真係好皮氣, 比著係我就一早鬧人喇.
首先穿O左水已經好危險喇, touch wood講句, bb有事已經太遲喇!越講越激氣呀
我都係住係大埔, 不過我聽過威記d'歷史, 所以我都好驚, 唯有一早就好辛苦咁儲o左d'$$, 去仁安生羅, 不過無lala 使o左一筆,真係唔係咁舒服, 我都有交稅架,點解要我咁避開d'大陸人woo :-(


禁止訪問

積分: 33575


發表於 06-12-7 23:42 |顯示全部帖子

Re: 威記直擊報導

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


大宅

積分: 2951


發表於 06-12-8 00:05 |顯示全部帖子

Re: 威記直擊報導

clarisseyip

1)點解納稅人無得住2等比內地人住
政府醫院既2等房 , 就算你係香港人有錢都未必有得住 ,
因為多數都係留比公務員 , 我都唔明點解會比個內地人住

2)穿羊水唔係最多8小時就要生,bb有乜事都要威記負責
穿羊水最多係24小時左右就要生 , 唔係8小時

3)妳應該打去報界,傳播界等,因是親身經歷嘛
或者佢朋友剛剛生完太倦 , 唔想攪咁多野呢
因為等左咁多個鐘先生真係幾辛苦架..

你一月生得 , 咁你有冇 book 定邊間私家定係點呀...
你睇其它 post 都知 d 私家都好 full ...
如果係唔去威記生你真係要快 d 諗定呀


大宅

積分: 2951


發表於 06-12-8 00:12 |顯示全部帖子

Re: 威記直擊報導

醫管局話希望係出年上半年實施(如果我冇記錯 / 聽錯)
我覺得佢地今次所講既方案都好過之前講果 d ,
係呀...佢地仲話短期內會上北京相談 , 睇下有咩方法去改善
希望真係會傾得成事 la...如果唔係都唔知點呀...

黎料 寫道:
剛剛睇tvb news, 醫管局好似開始做野喇, 不過仲係"提議"緊羅... 唔知仲要等幾耐...
d 大陸人真係失禮!!!


複式洋房

積分: 374


發表於 06-12-8 01:15 |顯示全部帖子

Re: 威記直擊報導

我有一個想法
如果我地呼籲每個香港媽媽
把香港媽媽遇到的慘痛經歷
都send去報館eg.蘋果
或即場call報館採訪
或許會引起一點回響
迫使無能政府正視問題
而不是拖得就拖
或者避重就輕,呼顯了事



複式洋房

積分: 102


發表於 06-12-8 02:01 |顯示全部帖子

Re: 威記直擊報導

茶葉蛋 寫道:
clarisseyip

1)點解納稅人無得住2等比內地人住
政府醫院既2等房 , 就算你係香港人有錢都未必有得住 ,
因為多數都係留比公務員 , 我都唔明點解會比個內地人住

2)穿羊水唔係最多8小時就要生,bb有乜事都要威記負責
穿羊水最多係24小時左右就要生 , 唔係8小時

3)妳應該打去報界,傳播界等,因是親身經歷嘛
或者佢朋友剛剛生完太倦 , 唔想攪咁多野呢
因為等左咁多個鐘先生真係幾辛苦架..

你一月生得 , 咁你有冇 book 定邊間私家定係點呀...
你睇其它 post 都知 d 私家都好 full ...
如果係唔去威記生你真係要快 d 諗定呀


I understand how tired the dad and mami now....
I really hope this episode can be posted in the newspaper....


瑪瑙宮

積分: 142133

好媽媽勳章


發表於 06-12-8 02:06 |顯示全部帖子

Re: 威記直擊報導

total agreed !! 直覺上不是上次遊行引起傳媒注意,pk 政府也不會咁快有回應啦 !!!

sobey 寫道:
我有一個想法
如果我地呼籲每個香港媽媽
把香港媽媽遇到的慘痛經歷
都send去報館eg.蘋果
或即場call報館採訪
或許會引起一點回響
迫使無能政府正視問題
而不是拖得就拖
或者避重就輕,呼顯了事

首頁

尾頁

跳至