siufa 寫道:
各位, 我生咗啦! 我同BB都平安出院。
我在醫院住咗4日3晚,入到去不是想像中差, 亦都好彩有床位而且仲可以住2人房添, 因為大房Full 咗,啲護士都好好人, 但係有啲啊審都好寸架!但係因為我生完果時, 突然有好多急症, 所以我等咗兩個鐘先有醫生同我聯傷口, 再等咗兩個鐘先有得去病房休息, 因為剛剛是啊審休息時間, 所以我係產房訓咗係裡面四個鐘。 但個助產士好好人, 都時常走來安慰, 傾吓BB啲嘢咁。所以又不至於被忽略咁。但就聯針果時又好似再痛過咁!
(啲人話生完即刻聯會無感覺)。 但係住2人房的而且確舒服, 又有一間獨立則所,乾淨好多。不過當時都有位護士話如果大房有位都要去返架!又有一位護士長話如果醫生話無乜嘢叫我第二日出院。又有一個話我第一胎無咁快出院, 總之,個個人講啲嘢都有唔同。
仲有, 佢比我休息咗一日, 第二日下午, 送返BB比我照顧, 對我第一次做媽咪好有幫肋, 我由乜都唔識,而家學識咗好多基本照顧BB既嘢!我問佢哋應該點處理, 啲醫護人員都會教,所以我覺得OK。 之後, 有啲講座比我哋聽。
各位都唔駛咁優心!不過佢哋人手唔夠的確係事實。如果唔係都唔駛等咁耐。