chow_mama 寫道:
另一個 case 就係.....
好多年前一個sunday早上，當時我地結左婚無耐，我家姐約左我地去荃灣飲茶。咁我地就開開心心咁搭地鐵由石硤尾去荃灣。去到太子站就轉車啦，當時真係好彩，車箱入面無乜人，大把位坐。咁我地坐底左就打開份報紙睇啦，直到荃灣站我地就落車跟住就去茶樓飲茶喇。
飲完茶家姐話去百佳買野，咁我地女人就入去買野，而我老公&姐夫就係百佳門口睇住d小朋友，當我地買完野出黎，見到我老公同我"兒生"齊齊咁蹲係門口睇老夫子。但突然間家姐大聲笑左出黎，當我地重諗緊家姐無端端笑乜鬼o既時候，佢就同我老公講你"爆呔"呀，當我地o既視線齊齊望向我老公褲底時，見到佢爆得相當之勁，由拉鍊底爆到pat pat後面，
而我老公又係用一個囉爆o既表情望住我•••有無搞錯呀，條褲爆左呔重比我著。當時我地齊齊大笑。跟住我老公話，唔怪之得後先搭地鐵時坐對面個師奶一路都猛咁望住我啦，等我重以為自已真係好鬼靚仔tim•••等我老公講完後，我地又齊齊大笑，笑到其他人都望住我地。
milkbear23 寫道:
我地訓覺前一定較鬧鐘, 不嬲都係老公訓出面,我就訓內面, 但個日因為我早過佢起身, 所以我訓左出面.
好啦訓醒到左第二朝咁鬧鐘嚮, 老公無端端睜開眼,禁我個nose, 我突然間嚇左一跳,我問佢做咩禁我個nose, 佢以為個鬧鐘係佢隔離. 跟住到左夜晚佢反到來自己係度傻笑, 我話你都覺得好笑呢禁我個nose. 自始之後我都唔敢訓出面費事又比人禁nose當鬧鐘.
發表於 
返回列表
