自由講場今日: 127|主題: 1323861

收藏本版

發帖

返回列表

跳至頁

查看: 1469 | 回覆: 10

有冇人知今日蘋果日報娛樂版講的名星係邊幾位呀 [複製鏈接]

DongDongBB

男爵府

積分: 6412

1^#

發表於 06-12-10 14:47 |只看該作者

有冇人知今日蘋果日報娛樂版講的名星係邊幾位呀

如題, 我想了好耐都估唔到以下呢幾個:

關仁隱事：甜姐兒犯賤舊愛

「甜姐兒」自從被大家族大少「葛根湯」飛起後，心情大受打擊，時至今日，呢件事依然係佢心中最痛，所以佢成日四圍買醉，感情生活亂七八糟。早排甜姐兒又去銅鑼灣蒲吧，撞到爛滾舊相好「紙包蛋糕」。當晚甜姐兒劈到醉醺醺，紙包蛋糕竟然藉醉行兇，行埋去又拖又攬不特止，仲拖甜姐兒入洗手間，逗留 20 分鐘至出返，在場人士見到都打個突，佢廁所入面做過乜，大家當然唔知啦，但唯一可以肯定係，佢出時身上都有濃烈煙草味，行路又飄飄，真係惹人懷疑。
Text by 關仁

關仁隱事：蒲蒲露肉露出禍

近年國產美女香港 ball 場相當吃香，呢兩年最受公關同品牌歡迎除兩位「阿霉」外，就要數背景強勁「蒲蒲」。蒲蒲人如其名，最愛夜蒲鬼佬，雖然佢個樣靚唔靚就見仁見智，但成日騷身材，當然大受注目。不過有次國際名牌 Y 記搞大騷，蒲蒲嫌件衫唔夠性感，自把自為前後掉轉，仲要打個黑 bra 底，人名牌講 total look ，件衫原本低調 sell 靚背，佢就到 cheap 晒， Y 記高層見到當堂激到嘔血，拉住公關公司狂，仲落埋禁令話明以後唔要見到呢個人，所以之後幾個名牌時裝騷，都唔見蒲蒲蒲頭咯。
Text by 關仁

關仁隱事：蓋拍劇靠關係

「蓋」樣貌唔標青，做戲又唔係特別好，但偏偏公仔箱成日搵佢拍劇，關仁都覺得好奇怪。原來蓋經理人係公仔箱高層「生蠔」一個好親親戚，因為係自己友關係，梗係多多關照。
不過，關仁聽人講，蓋同佢經理人關係，唔只係老闆同藝人咁簡單，而係經理人三奶，成日陪經理人同蓋出出入入個係二奶，由於二奶同大婆咁多年來鬥得好緊要，二奶咪同蓋扮晒 friend ，聯手對付大婆！