我都養緊一隻迷理芝華華, 係上年聖誔節,
行過一間寵物店, 見到呢隻狗仔,
我自己睇完張學友個套, 月滿軒尼斯,
都好中意李修賢個隻芝華華,
但一直都遇唔到合眼緣, 呢隻狗我地3母女都一齊中意,
兩個女係咁求我, 比佢地養貓或狗,
我話貓唔會比你抱, 養成年先比你摸,
如果想同寵物玩, 就養狗, 但係我一個人又要煮飯,
又要洗碗, 又要照顧你地, 無時間再照顧一隻狗,
佢地話會照顧狗, 我話咁狗狗開大, 邊個執先,
阿妹話執, 咁開細邊個抺先, 家姐話抺,
咁邊個同佢沖涼吹毛先, 阿妹話佢沖涼家姐吹毛,
其實我都好中意呢隻狗仔, 於是就養左佢了....
平時用尿墊放地上, 一日用3-4塊,
一包72蚊有50塊, 狗糧一包300左右,
因為隻狗細, 食左5個月, 有時食剩既送,
過下水又可以比狗仔食, 又可以培養佢地照顧狗仔既責任感,
放假無街去, 仲可以帶隻狗落街散步,
又節省金錢唔使週圍去.....
喜樂的心,便是良藥;
優傷的靈,使骨乾枯. (箴 17:22)