少年成長 今日: 0 | 主題: 15845

積分: 33212

162^#

發表於 07-3-6 22:52 |只看該作者

Re: 小朋友大脾氣,可以點教

chansc912：

其實 point 1, 3, 4 都好有關連，可以一齊處理更加好！

專注力就睇番 → 呢度

私人傳訊

chansc912

複式洋房

積分: 358

163^#

發表於 07-3-7 14:57 |只看該作者

Re: 小朋友大脾氣,可以點教

SandraLo,

多謝你的指導及提點, 我會嘗試你的方法.

chansc912

私人傳訊

yonniemarn

積分: 2089

164^#

發表於 07-3-8 11:19 |只看該作者

Re: 小朋友大脾氣,可以點教

想請教大家：

囡囡2歲2個月, 早幾星期賓姐回鄉時, 開始小小事發睥氣, 每次都大哭1-1.5hr. (兩歲以來只試過一次哭了約四十五分鐘) 但此期間從沒說要搵姐姐.

上星期賓姐回來後, 又因小事發睥氣大哭, 每次都只要姐姐, 不要爸媽. 我倆公婆不理她由她哭, 姐姐在洗手間, 她便在洗手間門外大哭大叫拍門, 當姐姐出來後, 不用三分鐘她便沒事.

是因為姐姐早前放假的影響嗎? 她哭鬧時不要媽媽只要姐姐, 我很不開心. :-( 我應該怎樣處理?

謝謝

私人傳訊

積分: 4147

睛靈勳章

165^#

發表於 07-3-8 12:54 |只看該作者

Re: 小朋友大脾氣,可以點教

SandraLo, 你好ＡＲ．　我仔仔今年4.5, 讀k2, 有個表妹8個月, 他倆都是婆婆+工人揍, 本人仔仔不知為什麼, 最近出現佐同之前不會發生的情緒, 之前做功課都會好乖, 好快, 唔會喊, 最近不知為什麼, 次次叫佢做功課都不願意, popo 叫佢食完飯做, 他是應承, 但當時間到了, 他又不肯做, 又成日發脾氣, 成日都好大聲說話, 越叫佢唔好, 佢就越要做, 之前寫字寫得好好, 最近寫得很差, 佢應承我的事不做, 我同佢講, 如果3月你沒有改進, 我就會將你轉讀全日, 等老師教你, popo 唔識教你. 我這樣做法是否不對? 我有跟老師傾過, 他們話, 其中一個原因, 係因為表妹大佐, 有好多反應, 大人不再只注視他一人, 他會用好多野另大家注意佢, 是否真的? 如果我真的將他轉讀全日, 有沒有幫助le ?

私人傳訊

積分: 33212

166^#

發表於 07-3-8 16:34 |只看該作者

Re: 小朋友大脾氣,可以點教

yonniemarn 寫道:
想請教大家：
囡囡2歲2個月, 早幾星期賓姐回鄉時, 開始小小事發睥氣, 每次都大哭1-1.5hr. (兩歲以來只試過一次哭了約四十五分鐘) 但此期間從沒說要搵姐姐.
上星期賓姐回來後, 又因小事發睥氣大哭, 每次都只要姐姐, 不要爸媽. 我倆公婆不理她由她哭, 姐姐在洗手間, 她便在洗手間門外大哭大叫拍門, 當姐姐出來後,不用三分鐘她便沒事.
是因為姐姐早前放假的影響嗎? 她哭鬧時不要媽媽只要姐姐, 我很不開心. :-( 我應該怎樣處理?

yonniemarn：

想問吓：囡囡是不是大部份時間都是和Bun Bun一齊，而爸媽晚上也沒有太多時間給她？

我「估」BunBun很多時間和她一起，又就慣她，所以「黐」她多些，BunBun放假時可能沒有人和她玩，而她細個又未識表達，所以情緒有些不安......

假如工人甚麼都就她，她要甚麼，都梗係會揾番嗰個人，因為會最快咁攞到佢要嘅野，呢個係理所當然嘅事。你不開心只不過是妒忌，又係正常的，從另一個角度睇，你工人對囡囡相當唔錯 (只驚寵壞)，好事一樁！

你嘅處理方法係啱嘅 (扭時唔理佢亦唔好鬧)，要留意吓工人有冇寵壞囡囡，長遠你晚上亦要俾多少少時間佢，佢大少少就會「黐」媽咪多啲，响佢冇哭鬧嘅時候 (未必要係乖時)，讚佢話佢冇喊冇扭，慢慢應該冇事！

私人傳訊

yonniemarn

積分: 2089

167^#

發表於 07-3-8 18:31 |只看該作者

Re: 小朋友大脾氣,可以點教

SandraLo,

thanks for your reply & advice.

係呀, 我地兩公婆返工, 夜晚得2-3個hrs 同個女玩. 不過假日我一定陪佢.

我都知我工人對囡囡好好, 她亦不是太寵囡囡. 佢都有幫我教囡囡. 當囡囡對住佢喊及扭抱時, 佢會問囡囡發生咩事同埋叫囡囡收聲先. 如果囡囡繼續喊, 佢會話你喊我不彩你, 囡囡收聲後先會抱囡囡.

咁囡囡喊同扭時要姐姐, 我是否由得姐姐安撫佢呢?

姐姐說日間只有她倆時, 囡囡從不會發脾氣, 姐姐工作她自己玩. 去會所又同其他小朋友好friend. 但晚上我們回家後先會發顛, 是否想引我地注意?

私人傳訊

積分: 33212

168^#

發表於 07-3-8 22:45 |只看該作者

Re: 小朋友大脾氣,可以點教

yonniemarn：

聽你咁講情況可能係調轉，即係你工人識處理佢，但你地同佢時間較少所以不知不覺「就」多咗自己唔知，到佢明顯扭時你先至企硬，佢於是去揾工人.......？

無論個 case 是不是這樣，用番讚嘅方法一定 work，記得睇番前幾個 page 啲 post！

私人傳訊

積分: 4147

睛靈勳章

169^#

發表於 07-3-9 14:13 |只看該作者

Re: 小朋友大脾氣,可以點教

SandraLo, 請告知我是否應比小朋友讀全日 ?

私人傳訊

emily1021

複式洋房

積分: 140

170^#

發表於 07-3-9 15:16 |只看該作者

Re: 小朋友大脾氣,可以點教

SandraLo :

Please check pm ! Thanks

私人傳訊

積分: 33212

171^#

發表於 07-3-9 22:14 |只看該作者

Re: 小朋友大脾氣,可以點教

qkhui 寫道:
SandraLo, 你好ＡＲ．　我仔仔今年4.5, 讀k2, 有個表妹8個月, 他倆都是婆婆+工人揍, 本人仔仔不知為什麼, 最近出現佐同之前不會發生的情緒, 之前做功課都會好乖, 好快, 唔會喊, 最近不知為什麼, 次次叫佢做功課都不願意, popo 叫佢食完飯做, 他是應承, 但當時間到了, 他又不肯做, 又成日發脾氣, 成日都好大聲說話, 越叫佢唔好, 佢就越要做, 之前寫字寫得好好, 最近寫得很差, 佢應承我的事不做, 我同佢講, 如果3月你沒有改進, 我就會將你轉讀全日, 等老師教你, popo 唔識教你. 我這樣做法是否不對? 我有跟老師傾過, 他們話, 其中一個原因, 係因為表妹大佐, 有好多反應, 大人不再只注視他一人, 他會用好多野另大家注意佢, 是否真的? 如果我真的將他轉讀全日, 有沒有幫助le ?

其實轉全日係冇問題，好多小朋友冇人湊都讀全日，問題係：你開咗口話「你沒有改進, 我就會將你轉讀全日」，咁對仔仔嚟講，讀全日就變成一個懲罰，而唔係一個需要。

我想問晚上是怎樣安排的？婆婆、表妹是否仍在一起？他對爸媽也發脾氣？通常發什麼？

如果真係 attention seeking，應該不難處理，可否先答以上的問題？

私人傳訊

積分: 4147

睛靈勳章

172^#

發表於 07-3-10 10:06 |只看該作者

Re: 小朋友大脾氣,可以點教

其實轉全日係冇問題，好多小朋友冇人湊都讀全日，問題係：你開咗口話「你沒有改進, 我就會將你轉讀全日」，咁對仔仔嚟講，讀全日就變成一個懲罰，而唔係一個需要。
----- 係la, 我都覺得自己講錯, 唔應該這樣同佢講, 噉其實我都唔知係唔係真係有需要, 佢係有人湊的, 但想佢可以改善一些習慣及行為, 同全日是否真的可以改善le ? ---

我想問晚上是怎樣安排的？婆婆、表妹是否仍在一起？他對爸媽也發脾氣？通常發什麼？

--- 晚上多數會跟我回家瞓, 但有時也會跟婆婆及表妹一起, 他很愛錫表妹的., 他跟我們會比較少發脾氣, 佢通常遇到我們不準許的事會發脾氣, 有時佢做功課寫得不好, 擦去他的字, 他會發脾氣, 有時跟他比賽, 他loss了會發脾氣, 會話人係衰仔......

我想問一問, 如果出外時, 叫他不要做的事情, 他好像聽不見, 唔理, 噉可以點應付....

私人傳訊

積分: 33212

173^#

發表於 07-3-10 17:17 |只看該作者

Re: 小朋友大脾氣,可以點教

qkhui：

假設我地相信婆婆唔識教，太寵佢，助長佢發脾氣，咁「返全日」係應該「可以改善一些習慣及行為」，因為佢冇咗扭嘅對象。

「發脾氣」同「叫他不要做的事情, 他好像聽不見」，基本上處理方法一樣，你由這個 topic 的第三版(由頭)開始睇，差不多全都是教怎樣用讚嚟處理發脾氣及改正唔好嘅行為，你必須先看，假如沒有時間，由 page 9 開始都可以。

看完後照做，你應該可以處理到佢發脾氣，但佢單獨同婆婆一齊時會照發，長遠計讀全日真係會好啲，因為表妹大啲更難搞，meantime你可以叫婆婆將「話」佢嘅嘢減到最少，功課自己主動做嘅話，就做得好唔好都要大讚佢肯自己做，唔做由得佢，等老師處理，即係等佢自己承擔番個後果，不過事先當然要同老師講好点罰。

隔多三四個禮拜，即係到你地讚佢多過話佢嘅時候，你會明顯覺得佢行為好咗乖咗，咁就再同佢講响學校時間長啲多啲小朋友同佢玩睇吓佢点反應。

私人傳訊

manhoGrace

民房

積分: 42

174^#

發表於 07-3-10 20:26 |只看該作者

Re: 小朋友大脾氣,可以點教

我一路有追睇呢個topic
sandralo既方法好有用阿仔聽話左~

私人傳訊

積分: 33212

175^#

發表於 07-3-11 16:25 |只看該作者

Re: 小朋友大脾氣,可以點教

manhoGrace：

:lol: 多謝你捧場！

其實對幼兒來來去去都係嗰三招，睇咗一定啱用，及早處理咗，可安枕起碼至五年級，但若不恰當地處理佢地的哭鬧同發脾氣，大咗就「好難搞」。

前幾天有媽咪pm咗佢個 case 俾我，我遲啲會放上來，呢個已經一年級，真係要即時小心地處理，否則遲啲媽咪就處理不到，必須要揾幫手！

私人傳訊

積分: 33212

176^#

發表於 07-3-11 22:00 |只看該作者

Re: 小朋友大脾氣,可以點教

各位：

有媽咪pm咗佢嘅 case 俾我，希望大家都可俾些意見：

quote
仔仔表面上品性善良,官仔骨骨,可是作為他媽媽當然見到他很多的弱點。仔仔今年6歲半,妹妹2歲幾,爭執爭吵每天也有,問題亦不大,可是當他升了上一年級後明顯開始發脾氣-->失控!
他本身是一個大bb性格,很倚賴,怕污穢,亦得到很多親友的寵愛,即使妹妹出世也代替不到他的地位,因他太可愛。另外他的性格很慢吞吞,之悠,又不鍾意別人話他不對的事,以往讀幼稚園本人對他很自由,讓他自由地學習,亦無壓力!
上了小學當然不適應,我給時間他學習獨立,可是大bb仍未做得好,老師已反映意見,於是我又進行一些獎勵計劃,他喜歡的,但做功課方面真的難處理。放學後,他自行完成6-7成功課,不明白的我放工後教他,可是他的反應令我很辛苦!
e.g.母:這些好像有點不對,你看看題目講什麼?
仔:做"物"話人地錯啫!你唔愛我!
母:我愛你才告訴你,你可以改或者唔改,無緊要(語氣中性)
仔:你做"物"唔俾人改!
母:我沒有唔俾你改,你可以改!
(之後就把擦膠收起來,很久才拿出來),有時就瞪大雙很大聲話我罵他,按著又來一句"你不愛我!" "你愛唔愛我?"有時擲書到地上,亦試過用手整"巢"工作紙,其實我最初是沒有罵他,可是當他玩成個鐘都係用呢d咁既字眼,真係頂唔順!

亦試過有一天大發脾氣,話我地不理他,因我病了,妹有哮喘需每小時闖氣,個個都很倦,他獨自在沙發上發小脾氣,又罵亞妹衰令她無得去玩,又話媽媽病=唔愛他! 爸爸太心痛打了他兩下,於是他大發脾氣,把整個玩具廚房打破了,所有膠地席也擲碎了!其實我常常也有獨自帶他外出傾偈,玩,他有很多節目,妹妹因病沒有外出,可是他總是用很差態度對妹妹,喝他,打他,當然妹妹不會完全接受,亦有還手。之前他跟妹妹關係好好,但現在差了很多,完全不想理妹妹,可以妹妹仍很愛哥,常掛住未放學的哥。

我有點覺得仔仔不識驚,正常一個小朋友知道勢色不對,都會收聲,可是,我個仔仔不會的,你愈惡他愈惡,你講一句,他照罵你一句,頂到衡!到你收聲,他仲有成千上萬的嬲怒繼續發出來!
可是每一晚時間很有限,他要9:30-10:00pm睡覺,我平日都要6:30pm才回家,如果不是他的情緒那麼差,我們一家會無咁辛苦。
另外,最慘係他由bb開始已經不鍾意睡覺,以前"擰"眼訓很恐怖,現在大了仍然不願睡覺,一輪做作才肯上床,已很晚了,又要求你講故仔,我表示只講10分鐘,他應允,最後又說你不愛他,因夠鍾,我不會繼續,接著他曾試過用長枕頭打我,我真的很嬲,亦不禁哭了出來,把整天工作疲倦,仔仔的傷心,全部哭出來,可是他話你假裝的!最後叫他睡覺明天返學6:30am起床,他會扮大咸,用被蓋頭,接著又話我唔俾佢睡,我再澄清我沒有"唔俾佢睡"於是糾糾纏纏後才睡,很辛苦!
Contracting 他不大受用,因他一眼訓,什麼也不記得。time out 他不得,當他發脾氣時,即使我要行開飲水,他也不接受,他會大力捉住我不放!
有時覺我他有點打橫來講,現在話唔要,一會兒後,又話我唔俾做,其實我真放很多時間給他,反而妹妹很少!
Sorry 阻你咁,因為唔知找誰傾!
unquote

給我些時間，我會盡快答！

私人傳訊

積分: 4147

睛靈勳章

177^#

發表於 07-3-12 09:56 |只看該作者

Re: 小朋友大脾氣,可以點教

SandraLo, THANKS !
我會將你之前o的case & 教法, print 比婆婆睇, 希望她可以合作.

謝謝 !

私人傳訊