母乳餵哺

跳至

首頁
12

尾頁
   0


別墅

積分: 734


發表於 06-12-12 18:30 |顯示全部帖子

BB一直唔夠飽?! 很難受....

今天bb到健康院做綜合測驗, 發現體重由 25 percentile 跌到去10 percentile, 我真的很驚訝.....
BB現在四個半月,自個半月開始全人奶,但體重一直維持25條線, 他平時除了睡覺以外, 手腳都不斷活動, 我也就接受他是個好動bb, 不是個渴睡肥bb.......

不過, 今天有此結果, 我開始要諗諗是什麼問題?????

下午見另一位私家醫生, 我說每次bb大約食30分鐘, 他說可能bb是唔飽的, 我說他吃完之後沒有哭, 不是已經飽了嗎? 他說可能他是攰了, 不想再吃, 他叫我試試在他自己吐出乳頭後, 我再給奶粉, 看他還吃不吃! 我回家試過餵了25分鐘(兩邊加埋), 再給雪櫃的一安, 他吃了! 還哭, 我再給兩安, 他也吃了, 還哭! 我再給一安, 他也吃了! 似乎就飽了!!!!

我真的很震驚.... 難道bb真的一直吃不飽?????

每個月bb都重0.5kg, 只是0.5kg, 是正常, 但又似乎應該更多, 健康院姑娘話食人奶的bb應該是很重的!

我一直以為自己是給他足夠, 他吃得, 瞓得, 玩得, 難道真的吃不飽? 醫生問我餵緊一邊時, 另一邊會否漏奶, 我是很少這樣的, 幾乎從來沒有, 他便說我其實不是很多奶, 但我乳腺常常塞喎? 他說是因為奶杰, 要多渴水!

他叫我要補奶粉, 我真的不想, 但繼續下去, bb不會太重, 甚至不會太飽, bb 就來要食固體, 究竟我應該怎樣下去? 餵人奶再辛苦也不是苦事, 最難受的, 是發現BB原來一直唔飽? 究竟醫生講的是否可信? 我是否真的不夠奶? 我真的很疑惑!!!!! :-( :-( :-(


大宅

積分: 2254


發表於 06-12-12 19:32 |顯示全部帖子

Re: BB一直唔夠飽?! 很難受....

唔駛太擔心! 我餵緊一邊時, 另一邊會漏奶, 但係我又唔覺得我bb好重, 佢出世時3.20kg, 佢3個月時都係6kg, 佢1日食7次, 每次食1邊15-25mins, 你可以同個胸做多d按摩, 一得閒就按, 餵之前1分鐘又按, 一路食一路按, 可以等bb食得暢順d, 總知keep住個胸係軟既, 一有硬塊就要按走佢, 飲多d湯水同奶, 我一日飲2杯奶, 最少8杯水, 一個星期煲2-3次湯, 每次飲3湯碗, 其實bb健康就得啦! 每個bb吸收能力都唔同, 都唔係一定食人奶的bb是很重既!


大宅

積分: 2167

好媽媽勳章


發表於 06-12-12 19:46 |顯示全部帖子

Re: BB一直唔夠飽?! 很難受....

GCPG,
好明白你心情,因BB細粒既關係,我99都成日叫我比奶粉,話佢唔飽,好可憐,.........呢D壓力好辛苦,但只要BB一日肯食,我都會努力餵,平時食多D有營養既食物,飲水,放鬆,希望有幫助,大家努力呀,
~~ pet : chili ~~★2寶 blog★


大宅

積分: 2457


發表於 06-12-12 21:32 |顯示全部帖子

Re: BB一直唔夠飽?! 很難受....

除左BB 健康有問題之外,唔好信醫生講有關母乳餵哺的意見。

BB 活潑同健康又有增重,點可能唔夠奶呢?

而且你都餵左四個半月,大腦已經知道BB 的食量,唔會好似坐月時咁不停的出奶,所以很少會有邊餵邊漏。

我就不相信BB 一直原來不夠飽,因為BB 仔肚餓是會不停不停不停不停扭計的,BB 食奶食到累不願食,可是過一會BB 仔會記得自己食唔飽,會扭計再食過。

係咪你BB 食後奶少左d,所以咁呢?不如你試下去健康院找人奶姑娘問下。


子爵府

積分: 14396

好媽媽勳章


發表於 06-12-12 23:04 |顯示全部帖子

Re: BB一直唔夠飽?! 很難受....

我完全明白你的心情

今天是我第一次用全母乳埋身餵 bb
bb竟然一小時哭一次
好明顯係唔夠飽
我的心好難受
:-|


別墅

積分: 734


發表於 06-12-13 00:19 |顯示全部帖子

Re: BB一直唔夠飽?! 很難受....

好多謝你地每一位的鼓勵, 對我來說都是很重要!!

Nikitac,
很多謝你的建議, 令我釋懷不少, 要否定醫生的權威, 需要很多支持及真實經驗見証, 你令我增添信心, 我會嘗試向健康院姑娘查詢!

我雖然仍有很多不明白, 很多問號, 但我仍會繼續努力, 食多d 增奶食物, 多謝你們各位好媽媽
:wink: :wink: :wink:


大宅

積分: 2457


發表於 06-12-13 15:16 |顯示全部帖子

Re: BB一直唔夠飽?! 很難受....

如果健康院的人奶姑娘解決唔到你的疑問,你可以在呢度問下有邊個媽咪見過出面的certified lactation consultant,無記錯的話好像是五百元一個鐘.

不少私家的兒科醫生見人奶B 細粒d 就叫人補奶粉,若果是食人奶出問題,應該是先糾正食人奶的問題。


大宅

積分: 2205


發表於 06-12-13 15:56 |顯示全部帖子

Re: BB一直唔夠飽?! 很難受....

我BB三個月時,已經俾佢食5.5安(泵出來),佢都覺得唔夠飽,一拎開個奶瓶就係到喊,所以我有時覺得佢唔係唔夠飽,只係想吮吮(無論乳頭OR奶咀)
如想確定BB夠唔夠飽,你可試下泵出來餵佢,睇下係唔係食咗一定份量都仲喊要食.


別墅

積分: 734


發表於 06-12-13 16:37 |顯示全部帖子

Re: BB一直唔夠飽?! 很難受....

我試過了,BB現在是食9安呀!!!
我都唔明點解BB食咁多,都係10-25percentile.....

[quote]
pigletchan 寫道:
我BB三個月時,已經俾佢食5.5安(泵出來),佢都覺得唔夠飽,一拎開個奶瓶就係到喊,所以我有時覺得佢唔係唔夠飽,只係想吮吮(無論乳頭OR奶咀)
如想確定BB夠唔夠飽,你可試下泵出來餵佢,睇下係唔係食


大宅

積分: 2254


發表於 06-12-13 17:57 |顯示全部帖子

Re: BB一直唔夠飽?! 很難受....

GCPG,

你會唔會係1次過俾晒佢飲呀? 不如你試下分幾次餵佢, 中間幫佢掃下風, 大人食野食得快都會食多左, 我囡囡通常不停咁啜20分鐘, 之後就放慢左, 啜下停下, 不過當我想拎番出黎, 佢就會即刻啜番幾啖, 然後又停下, 跟住我又伸隻手指入佢個口度, 佢又會即刻啜番幾啖, 然後又停, 所以我習慣最多俾佢食25分鐘, 然後就拎番出黎, 唔係都唔知佢要食幾耐, 見佢好滿足咁樣我就當佢飽, 如果佢肚餓佢會即刻喊


別墅

積分: 734


發表於 06-12-13 19:55 |顯示全部帖子

Re: BB一直唔夠飽?! 很難受....

因為我返半職的, 隔一日會有一餐餵奶樽, 於是就知道佢食九安, 其實我都唔知, 如果每餐都用奶樽, 會否每次都是九安呢? 還是因為之前一餐食得唔係最飽, 所以下餐食多d?? 會否有一個情況是佢只食五六安, 但又不會叫餓呢??

另外, 我仲有一個疑問, 早上起來, 乳房很多奶, 有時會泵到六安半, 然後馬上再給bb食, 他吃完又沒有喊, 我之前一直這樣做, 會否有問題呢? 他是否已飽呢? 我只有用這個方法貯奶, 否則雪櫃根本沒有存貨, 現在雪櫃三十多安都是用這個方法儲回來的, 如果我懷疑他唔飽而唔再泵奶, 那以後便不能再自由出街了??
柔柔mami 寫道:
GCPG,

你會唔會係1次過俾晒佢飲呀? 不如你試下分幾次餵佢, 中間幫佢掃下風, 大人食野食得快都會食多左, 我囡囡通常不停咁啜20分鐘, 之後就放慢左, 啜下停下, 不過當我想拎番出黎, 佢就會即刻啜番幾啖, 然後又停下, 跟住我又伸隻手指入佢個口度, 佢又會即刻啜番幾啖, 然後又停, 所以我習慣最多俾佢食25分鐘, 然後就拎番出黎, 唔係都唔知佢要食幾耐, 見佢好滿足咁樣我就當佢飽, 如果佢肚餓佢會即刻喊


大宅

積分: 2205


發表於 06-12-14 08:54 |顯示全部帖子

Re: BB一直唔夠飽?! 很難受....

朝早特別多奶好正常,我早上邊餵邊泵(6:45),可以泵到7安,阿囡成11:am先再食7安奶.

9安,好似多咗d, 我個囡算大食b,一出世,姑娘已經話佢好鍾意食.4個月時我都係俾6安,宜家7個月俾7安.

你宜家一日俾幾多餐,每餐隔幾耐?

另外邊餵邊泵係一個増加奶量的好方法,你可以試下!!


大宅

積分: 3728


發表於 06-12-14 09:16 |顯示全部帖子

Re: BB一直唔夠飽?! 很難受....

同埋埋身同用奶瓶有分別的。埋身要吮,小朋友夠會收口,但同樣,你不夠奶的話,小朋友吮太耐,累了就訓,可能又會吃的不多。用奶瓶呢,有時小朋友吃過量都不知,原因係奶咀快好多,加上是倒入去,小朋友不用吮,所以有時會多吃,你不停比,巨會不停吃,未必好事。
想問下你小b出生在那條線?


大宅

積分: 3728


發表於 06-12-14 09:19 |顯示全部帖子

Re: BB一直唔夠飽?! 很難受....

同埋我想補充少少先。你先不要懷疑小b一直吃不飽�自己不夠奶。反而應從小朋友問題係咩方面去想。我有朋友的b吃全奶粉,出生75%,6個月得10%,由此可想,不是奶多少的問題,亦不是人奶的問題,而是要知道小b到底咩問題。


別墅

積分: 734


發表於 06-12-14 12:19 |顯示全部帖子

Re: BB一直唔夠飽?! 很難受....

gu 媽:
多謝你的回應, 讓我逐一細訴:
囝囝的磅數如下:
出世: 25/7 :3.42kg (50 per)
收水: 28/7 :3.007 (有點過輕)
7/8 : 3.36kg (努力勁餵後有稍微增加)
30/8 : 4.21kg (25 per)
30/9 : 5.1kg (25 per)
1/11: 5.63kg(25 per)
1/12 : 6.12kg (between 25-10 per)
12/12 : 6.31kg (10 per)

囝囝出世在50線, 現在跌到去10 線, 不過, 他的身很長, 現在屬 90線,
至於用奶瓶的問題, 我不太明白, 如果他不停要, 我不停比, 有什麼壞影響呢? 我從5/11 起開始比8安, 不過佢好似仲喊, 才加上去, 吃完之後, 他彷彿很滿足, 也沒有多嘔奶, 我就以為他需要的是9安, 如果不一次過給9安, 那應怎樣呢?

pigletchan:
現在他每天約吃7 餐, 屬demand feed, 大概2.5小時一餐, 有時午睡久了, 會3小時後待他睡了才吃, 9成埋身餵, 每次約食30分鐘, 其實我好想淨係食一邊, 讓他多吃後奶, 不過, 通常他食了約10分鐘, 便走出來喊下, 又埋身一陣, 又走出來喊下, 我會試下掃掃風, 但他會勁喊不讓我掃, 於是又再埋身, 可能已經不多奶了, 我便轉左邊, 又如常食10分鐘, 我估我係左邊多奶一點, 所以每次都餵右邊先, 盼望增加右邊奶量, 他吃左邊後, 有時有人講野他就望去, 然後又埋一陣, 一陣又望過, 我就視他為已飽, 幫他掃風, 他又沒再喊!

還有, 可能關鍵在臨睡的一餐, 上一星期, 我在10時許餵, 11時許, 他開始哭扭眼訓, 我便會放他在床上, 他多半哭十分鐘便會自己訓, 但我就不會再比他啜, 他便可以睡到6,7時, 我隔了8,9小時, 便可泵6.5安, 再馬上給他吃, 他又得飽,

自從這兩天懷疑他不夠飽後, 我便改變臨睡前的安排, 在扭眼瞓時, 會讓他啜著瞓, 他吃飽後, 會靜掙地自己睡著.

唔知你地對我的安排有什麼意見呢?

gu 寫道:
同埋我想補充少少先。你先不要懷疑小b一直吃不飽�自己不夠奶。反而應從小朋友問題係咩方面去想。我有朋友的b吃全奶粉,出生75%,6個月得10%,由此可想,不是奶多少的問題,亦不是人奶的問題,而是要知道小b到底咩問題。


大宅

積分: 3728


發表於 06-12-14 13:26 |顯示全部帖子

Re: BB一直唔夠飽?! 很難受....

囝囝的磅數如下:
出世: 25/7 :3.42kg (50 per)
收水: 28/7 :3.007 (有點過輕)no,係正常,個個小朋友都係甘
7/8 : 3.36kg (努力勁餵後有稍微增加)
30/8 : 4.21kg (25 per)
30/9 : 5.1kg (25 per)
1/11: 5.63kg(25 per)
1/12 : 6.12kg (between 25-10 per)
12/12 : 6.31kg (10 per)

囝囝出世在50線, 現在跌到去10 線, 不過, 他的身很長, 現在屬 90線,
至於用奶瓶的問題, 我不太明白, 如果他不停要, 我不停比, 有什麼壞影響呢? 我從5/11 起開始比8安, 不過佢好似仲喊, 才加上去, 吃完之後, 他彷彿很滿足, 也沒有多嘔奶, 我就以為他需要的是9安, 如果不一次過給9安, 那應怎樣呢?

小朋友出牙未?會唔會牛牙,所以吃得不多?
你自己吃成點?會唔會餐餐都好差?湯水又如何?
他吃9安之後,幾耐再吃下一餐?餐餐都係9安?
小朋友有沒有生病?令他食慾不振?每日片數夠嗎?便便又如何?
他吃得甘好,又健康其實就無大問題啦。如果醫生建議你比小朋友奶粉,原因係巨瘦,要俗肥巨,定係其他原因?

我朋友的case,最後不斷轉奶粉,個仔重量都係甘,醫生就話,甘算啦,健康又正常可以了。
有時好難講,除左奶之外,醫生可有什麼要你注意?
你放鬆d,好多人支持你


別墅

積分: 734


發表於 06-12-14 14:03 |顯示全部帖子

Re: BB一直唔夠飽?! 很難受....

什麼叫牛牙????[quote]


小朋友出牙未?會唔會牛牙,所以吃得不多?


大宅

積分: 2205


發表於 06-12-14 14:17 |顯示全部帖子

Re: BB一直唔夠飽?! 很難受....

其實只要bb精神好,瘦一點也沒要緊,咁大人有d都會食極都唔肥,有d又會食好小野都肥.

同埋只要bb keep住在身長線範圍內,瘦一點也ok. 不過你要一路keep 住,睇下bb會否無精神 or 身體發育有沒有問題.



大宅

積分: 3728


發表於 06-12-14 14:59 |顯示全部帖子

Re: BB一直唔夠飽?! 很難受....

想出牙囉,甘牙肉會痛的呀,特別係頭一隻,小朋友未試過,不過出了一隻之後,巨習慣了之後,就ok啦


洋房

積分: 113


發表於 06-12-14 20:05 |顯示全部帖子

Re: BB一直唔夠飽?! 很難受....

可能佢只係食前奶,前奶稀,只有糖份不包肚不長肉,要比bb吃後奶,

另外,保証夠奶方法,做了一定夠奶:
1.一定要比bb啜,刺激奶汁分泌
2.餵前半小時飲水一杯,餵後即刻又飲一杯,保証有水做奶
3.再唔夠,就煲木瓜瘦內湯,連木瓜食埋,一定即晚谷奶,keep住飲

保証你夠奶,阿b唔會餓

我都有你的遭遇,阿b跌磅,因唔夠奶,有點抑鬱,現在卻洶湧膨湃,餵時又噴又漏,bb吞都吞唔切,試下la.
加油!bb係快輕快重的,好快追番,唔使擔心.

首頁
12

尾頁

跳至
你需要登錄後才可以回帖 登入 | 註冊