產前產後

跳至

首頁
1

尾頁
   0


大宅

積分: 3118


發表於 06-12-12 22:41 |顯示全部帖子

我想問有幾多人試過發夢見到個胎有事, 結果......

我上次流產前曾發夢見到個胎由我身體內跌了出來, 結果後來真係無左.

尋晚我又發夢見到個肚無左, 下面不斷流血. 我好驚.

我想知有幾多人會發完惡夢之後, 個bb順順利利, 唔會有事.
我時刻都記掛著我那未能來到世上的bb, 他永遠在我心裡某個角落.


大宅

積分: 1222


發表於 06-12-12 23:40 |顯示全部帖子

Re: 我想問有幾多人試過發夢見到個胎有事, 結果......

Eclipse_2006,
Relax! Don't worry & think too much. That's just a dream.

Cheer up.

:mrgreen: :mrgreen: :mrgreen:


複式洋房

積分: 252


發表於 06-12-12 23:43 |顯示全部帖子

Re: 我想問有幾多人試過發夢見到個胎有事, 結果......

唔好比咁大壓力自已, 輕鬆面對懷孕期啦...bb一定會健康出世的^^
27/7 (2070g),29/7 (2.12kg),5/8(2.37kg),11/8(2.606kg),12/8(2.640kg),26/8(3.28kg),28/9(4.64kg),24/10(5.46kg),28/10(5.38kg)


複式洋房

積分: 313


發表於 06-12-12 23:58 |顯示全部帖子

Re: 我想問有幾多人試過發夢見到個胎有事, 結果......

今次係第一胎咋,作小產作咗好耐呀,我下星期才在PWH照OSCAR,上星期六才在C+照普通超聲波,C+話我胎盤低而且有BB咁耐日日都仲有流啡,我驚胎盤前置呀!

那晚就勁發夢見到個肚無左,仲客醒咗3次,好采下面無流紅。

Eclipse,

你下面不斷流血,快D入院啦!check check BB 好D呀!
希望你和BB無事啦!


子爵府

積分: 10768

醒目開學勳章 2011至尊種植勳章 畀面勳章


發表於 06-12-13 00:21 |顯示全部帖子

Re: 我想問有幾多人試過發夢見到個胎有事, 結果......

Eclipse_2006 寫道:
我上次流產前曾發夢見到個胎由我身體內跌了出來, 結果後來真係無左.

尋晚我又發夢見到個肚無左, 下面不斷流血. 我好驚.

我想知有幾多人會發完惡夢之後, 個bb順順利利, 唔會有事.


我大肚時發好多惡夢, 見到BB出事,結果BB咪順順利利出生.
唔好咁擔心, 產檢做密D LOR, 咁就無咁多惡夢KALA.


男爵府

積分: 5223

醒目開學勳章


發表於 06-12-13 11:39 |顯示全部帖子

Re: 我想問有幾多人試過發夢見到個胎有事, 結果......

Eclipse_2006 寫道:
我上次流產前曾發夢見到個胎由我身體內跌了出來, 結果後來真係無左.

尋晚我又發夢見到個肚無左, 下面不斷流血. 我好驚.

我想知有幾多人會發完惡夢之後, 個bb順順利利, 唔會有事.

Eclipse_2006,我都試過一次無左bb,今次懷孕,我都係千萬個擔心 :cry:
我都係,發好多關於小b唔係太好ge夢,加上我每次去照u/s時,又唔係太照得凊楚小b個樣,同埋又睇好多書或報道,話如果懷孕期做過咩,就會影響胎兒 :-( 令我加倍擔心。
所有擔心,我只可以自己去承受,我唯有祈禱。
我地一齊比心機,小b一定會健康出世!


大宅

積分: 2695


發表於 06-12-13 12:01 |顯示全部帖子

Re: 我想問有幾多人試過發夢見到個胎有事, 結果......

放鬆D唔好太緊張對你同BB都唔好,,
我之前第I胎都小產左後來再有左都勁擔心呀..我當時諗係你始終都會係你..同我聽人講過BB生命力好強呀....我當時打安胎針都打到三個月...依家我女女差不多5個半月
你瞓多D同食多D花膠....
祝你生個肥肥白白嘅BB


大宅

積分: 3118


發表於 06-12-13 12:11 |顯示全部帖子

Re: 我想問有幾多人試過發夢見到個胎有事, 結果......

由 belle_lau 於 2006-12-12 23:58:23
你下面不斷流血,快D入院啦!check check BB 好D呀!
希望你和BB無事啦!


多謝各位既回應. 我無流血, 只係係夢入面流血.

其實我懷孕中途到而家(就來6個月)都無流血, 個人安心左好多.

不過突然發個咁既夢(我已經一段時間無左小產既憂慮), 夢境異常清晰, 我係夢內仲對住屋企塊鏡照左好耐, 不斷問自己點解個肚平晒, 個b去左邊. 跟住又見到自己坐係toilet上見到自己既下面d骨裂左, 個b好似就來跌緊出來, 但見唔到個b, 只見d血同組織係咁流. 打電話比醫生, 又搵唔到佢. 我問電話內既人, 我係唔係小產, 跟住我就已經覺得自己開始暈暈地, 自己個心跳得好慢. 之後就醒左.

個夢太清晰同真實, 加上我上一胎都係發左一個好清晰既夢後, 一個月內個b就無左, (後來所發生既, 真係同個夢所見好相似) 所以而家我真係好驚, 而我一直d惡夢都好靈, 例如當年阿公死前幾小時, 我便夢見佢升天. 所以我尋日都哭左好多次, 又唔敢入toilet照境.

好似好傻, 不過以前真係試過太多次夢境(清晰既夢)成真......

我有唸過搵人番屋企睇下風水, 待別是toilet內塊鏡, (我而家好怕見到佢). 我一直都唔信呢d野, 不過真係想買個安心.

你地有無人有好既師傅介紹?
我時刻都記掛著我那未能來到世上的bb, 他永遠在我心裡某個角落.


大宅

積分: 1759


發表於 06-12-13 15:34 |顯示全部帖子

Re: 我想問有幾多人試過發夢見到個胎有事, 結果......

........唔知點講好,
我呢胎


大宅

積分: 3118


發表於 06-12-13 16:01 |顯示全部帖子

Re: 我想問有幾多人試過發夢見到個胎有事, 結果......

leungwaimin,

你個師父有無話你間屋有"污嘈野"? 我搬左而家呢度只係兩年, 係覺得無之前間屋咁好. 搬入來唔夠半年, 已經不時發惡夢見到d命案發生, 仲試過見到自己係夢裡殺左人(唔識既人). 果時老公又出左差, 剩番自己一個, 夜晚瞓覺都好驚. 今日天陰陰, 而家一個人係屋企都好驚.

我本來都唔信呢d野, 不過將所有野加加埋埋一齊, 真係.......
我時刻都記掛著我那未能來到世上的bb, 他永遠在我心裡某個角落.


複式洋房

積分: 313


發表於 06-12-13 16:18 |顯示全部帖子

Re: 我想問有幾多人試過發夢見到個胎有事, 結果......

Eclipse,

我個C+婦科医生同我講話有時好奇怪,佢話D人越擔心就越容易有事,越唔擔心就越無嘢;佢都叫我唔好咁擔心, 我自己就諗可能擔心會影响賀爾蒙,會無咁好架。你越擔心,BB係會感覺得到架。你試下同BB講話"媽媽想你貼實D,唔想你有事呀"等等,我覺得BB係會聽到架。我有時擔心起上來,我都係咁同BB講架。我覺得講完之後心情會平覆好多。

我覺得因為你話上次小產咗,可能始終有D陰影,會唔會你上次小產嘅時間係同依家5-6個月差唔多呀?同埋你係夢入面見到有鏡,所以你咪亂諗囉。你由懷孕中途到而家(就來6個月)都無流血,其實唔駛擔心咁多,因為最易小產嘅時間係頭三個月你都無嘢,無流紅流啡算好好架啦!我咪仲慘由開始懷孕到而家每日都流啡呀!之前話個胎黏住個血塊,依家又話胎盤低可能胎盤前置,我仲有排去擔心添呀!

其實你可以早D揾C+照下超聲波,到時你見到BB無事,就會安心好多架啦。之前我亂諗嘢,都驚BB係肚裹面有事,但照完超聲波之後覺得佢好活躍,就會安心晒。

你有無同你老公傾下呀!等佢知道你擔心D咩,不過有時D男人唔係咁識得安撫你,但唔緊要,只要講佢聽就夠啦!

仲有試下臨瞓前飲杯熱鮮奶,會好瞓好多,無咁易發惡夢嘅!


大宅

積分: 1759


發表於 06-12-13 16:31 |顯示全部帖子

Re: 我想問有幾多人試過發夢見到個胎有事, 結果......

..........以我唔信角度


大宅

積分: 3828


發表於 06-12-13 16:51 |顯示全部帖子

Re: 我想問有幾多人試過發夢見到個胎有事, 結果......

Eclipse_2006,
我第一胎都小產左(24weeks胎盤前置,胎盤出血),我今胎都係胎盤前置,而且上week仲因肚痛住左幾日e院,到出院時都係一路keep住痛,同埋我都成日發惡夢,連e生都叫我放鬆d,咁我都有同小b講,叫佢乖乖地,唔好咁un皮,等到4月就可以同mami見面喇,唔好要媽媽擔心...可能佢都知要乖,依兩日我都無再發惡夢,而個肚亦都無咁痛...
你都放鬆d,唔好咁擔心,小b會feel到ga,多d同小b傾偈,多d休息啦~加油呀~
我的家有~
囉囉唆唆 嘅 煩人BaBa
傻下傻下 嘅 咕碌媽媽
少年宅男 嘅 雞仔謙哥哥
奀皮多手 嘅 豬仔浠弟弟
醜怪黏身 嘅 惡馬妹芊妍


大宅

積分: 3118


發表於 06-12-13 17:51 |顯示全部帖子

Re: 我想問有幾多人試過發夢見到個胎有事, 結果......

belle_lau,

其實我上次流產前, 都有流血(個量唔少). 不過我好信d醫生, 只係佢比sick leave既時候唔返工, 同埋我係網上見到好多鬼婆都會有產前出血(佢地d血係一塊塊咁流出來), 佢地最後都無事, 生了bb, 所以我一直都無特別擔心, 就算係發了個惡夢後. 點知突然無左個bb(5個月), 醫生話比我知無得救時, 我真係覺得好突然, 我只係覺得可能會早產, 未想過會無左......

所以今次就算醫生話無事, 唔駛驚, 我都係好驚. 因為上次發生係我身上既事實在太罕見. 我好怕惡運再次來臨.
我時刻都記掛著我那未能來到世上的bb, 他永遠在我心裡某個角落.


複式洋房

積分: 313


發表於 06-12-13 19:26 |顯示全部帖子

Re: 我想問有幾多人試過發夢見到個胎有事, 結果......

Eclipse,

所以我話你上次小產嘅時間係同依家5-6個月差唔多啦,始終有D陰影,所以你咪亂諗囉。其實你上次小產嘅原因係咩?你知唔知,今胎你就要盡量避免。其實你由懷孕中途到而家(就來6個月)都無流血,只要密D去睇產前,只要唔係話胎盤低,胎盤前置等危險嘢,就唔好再去亂諗。

睇風水我覺得無咩必要,正如 leungwaimin 話齋,D風水佬實話有問題嘅。風水唔係話唔信得過,不過太影响你心情就唔好啦!

Eclipse_2006 寫道:
belle_lau,

其實我上次流產前, 都有流血(個量唔少). 不過我好信d醫生, 只係佢比sick leave既時候唔返工, 同埋我係網上見到好多鬼婆都會有產前出血(佢地d血係一塊塊咁流出來), 佢地最後都無事, 生了bb, 所以我一直都無特別擔心, 就算係發了個惡夢後. 點知突然無左個bb(5個月), 醫生話比我知無得救時, 我真係覺得好突然, 我只係覺得可能會早產, 未想過會無左......

所以今次就算醫生話無事, 唔駛驚, 我都係好驚. 因為上次發生係我身上既事實在太罕見. 我好怕惡運再次來臨.

首頁
1

尾頁

跳至