夫婦情感 今日: 9|主題: 42418

annie_luk 寫道:
我知道擺酒只不過係一個形式唔太重要, 但我覺得佢o地唔尊重我屋企人, 無禮金無餅咭無金器, 相反我媽咪就有比嫁妝我, 而且雙方家長都係o係bb滿月才第一次見.........好似我自己送上門無人要咁......... :-( :-( :-(
當然如果佢o地對我好的話, 我係絕對唔會介意.但可惜.....

grand2005 寫道:
而家有咩話寒唔寒酸假？我註冊時著牛仔裙咋，除左禮金同小小金之外，擺酒、餅card乜都無la...果時諗住留返D錢黎買樓，擺酒後補，講講下之後都無諗住擺lu，都係做場show姐，何必咁介意 :wink:

mclam 寫道:
唉! 我結婚個陣夠做足儀式啦, 家陣咪又係捱到隻狗咁, 咁又點呢? 如果有得揀, 我寧願揀婚後有安穩既生活, 好過結婚個陣攪乜攪物。

annie_luk 寫道:
我同老公05年因為有咗bb結婚, 之前同居咗8年, 由此我老公好大駛, 所以無積蓄, 我o地無擺酒, 餅咭禮金都係我自己出, 其實如果男家本身無錢, 我絕對甘心命抵, 但唔係law, 只不過人地無出聲, 我無理由自己要求(懶有骨氣), 我覺得自己真係嫁得好寒酸

annie_luk 寫道:
我連婚紗都未著過........... :-(