跳至
[元朗區] 英藝

首頁
1

尾頁
   0


洋房

積分: 39


發表於 06-12-13 14:15 |顯示全部帖子

英藝

hello !
我係新手黎架 , 多多指教 ! 我囡囡10月先返半日班 , 11月開始返全日班 , 有d問題想同大家討論下 .
今朝佢爸爸同佢返學果陣聽到有家長話d老師整到d小朋友好污穢 , 女仔下面有味 , (佢唔係聽得好清楚又趕住走) 叫我搵定第二間學校 ... 其實我唔係好想同個女轉黎轉去 , 所以想上網睇搵下有無其他家長係度比下意見 , 就比我睇到呢度 , 仲一次過睇晒大家係度寫既野 . 我想同大家分享下
初初都覺得呢間幼稚園唔錯 , miss 仲日日打黎同我講囡囡既情況添 . 跟住唔夠兩個星期就開始減少 , 到而家一個星期打一兩次 , 其實問題唔係咁大 , 但有時囡囡病佢都無打黎講返佢有無好d或者惡化 , 湊囡囡放學果陣問d姑娘又話唔清楚 (我一般六點半先湊佢 , 平時d老師都已經走晒)我就覺得難配合d ... 迫住要我主動打去問佢囡囡當日既情況係點
試過係學校比蚊針到個頭腫起一大舊 , 都唔係咁大問題, 但佢仲反問我係咪係屋企咬到 , 我好肯定返學時係未有的 , 之後我發現佢地無關窗又無裝紗窗 , 果度係一樓有蚊都唔奇 , 佢又話出面平台好乾淨 ...
最嚴重試過比蟻咬 , 隻手指公腫左一倍兼長期發"興"(個幾禮拜先好返) , 仲發底燒 , 囡囡時不時摸住話痛 ... 呢次搞到我兩公婆都好心痛 , 我問返佢地又話無可能有蟻 , 第二日爸爸去同佢地講叫佢地要正視呢個問題 , 咬到其他小朋友都唔好啦 , 第三日佢地話搵左人黎睇過真係無蟻 , 已經全校消毒過 ...
大概係三個星期前我發現囡囡下面好大陣尿味 , 但星期六日又無 , 大家都係用紙巾抹 , 我又無同囡囡再特別清潔 , 好奇怪 . 同miss傾過後試下用濕紙巾抹+午睡後即刻除尿片換新底褲 , 返學前係我自己湊既 , 都無試過有咁既情況出現 , 佢仲問我係咪用尿片太耐 , 咁佢到而家夜晚訓果陣都係用片訓足九個鐘都無事 , 無理由係學校用兩個鐘會有影響架 . 呢幾日終於減少左但仲有味 , miss都係問左兩三次有無好d咋 .
囡囡呢幾日病要食藥 , 琴晚我餵佢食果陣發現d針筒&藥匙都無洗 , 都唔係第一次係學校食藥 , 之前都無留意有無洗 ... 今日唯有放多一套針筒&藥匙比佢地 .
我都想了解下係咪我個女咁唔好彩 , 校方成日話其他小朋友無事(蟻咬事件同有味事件) , 每次有事佢地第一時間比好多藉口出黎好似要推卸責任咁 , 又唔主動同我地講返個進度 , 其實囡囡有事我地都係用好平和既語氣去同老師了解 , 又唔係要去怪責佢地 , 既然事情發生左係應該想辦法去解決&避免再發生 ... 以上言論並無任何惡意 , 全屬事實


男爵府

積分: 9669


發表於 06-12-13 15:00 |顯示全部帖子

Re: 英藝

Pinky 媽媽:

你是元朗校 or 天水圍校,你是N1A or N1C班呢?

Bertha


洋房

積分: 39


發表於 06-12-13 15:34 |顯示全部帖子

Re: 英藝

Bertha :
元朗 N1A , 若果你有去旅行我地應該見過面的^.^


洋房

積分: 39


發表於 06-12-13 15:36 |顯示全部帖子

Re: 英藝

我地返"英藝幼稚園"度傾 ?
初初唔識係果度加入你地 ....


首頁
1

尾頁

跳至
熱門主題
K2學英文 ... 2 3 4 5 6 .. 8