跳至

首頁

尾頁
   0


子爵府

積分: 10535


發表於 06-12-13 16:40 |顯示全部帖子

你地老公有無幫手湊bb架?

我老公一d都幫唔到手,我個b日喊夜喊,我得自己一個對住個b,個b除左訓同食係唔喊之外,其餘時間都係喊,就一定要你抱住行黎行去,佢重要一日訓唔夠12個鐘,結果我一日抱住佢既時間扣除飲奶時間,我足足要抱佢時間約8個鐘,我老公放工返到黎都唔會幫下我手,只有我沖涼時幫我睇住佢,我重要氹左個b訓左先可以去沖涼,我每日連去廁所都無時間,我就黎轉做全職媽咪啦(下星期返工辭職),我依家都已經湊到痴左線,我究竟得唔得?其實我一早有心理準備湊bb係好辛苦,但無諗過我個b比其他bb訓得少,喊得大聲,佢一喊我就好煩,更無諗過我老公會唔幫我手,我咩時間咩自由都無哂,每一日都好似人間地獄既生活方式,其實我有d後悔生bb﹗


別墅

積分: 669


發表於 06-12-13 17:24 |顯示全部帖子

Re: 你地老公有無幫手湊bb架?

唔好唔開心啦,我老公係第一個月都係無幫過我手,佢只係會開下奶,洗下奶樽,佢話唔識湊,又驚整到bb,我地同奶奶一齊住,我諗住,老公唔識


伯爵府

積分: 15692

2019新春慶豚圓 2019勳章


發表於 06-12-13 18:11 |顯示全部帖子

Re: 你地老公有無幫手湊bb架?

我老公最多係幫我抱下bb,通常係在我的要求下,否則我老公都只會看電視和報紙,我都試過發過幾時皮氣,不過想深一層,男人係咁架啦,如果唔係點會有"母性',沒有叫'父性',況且我又放緊產假,唔使番工,我老公日日仲要工作至十點幾才回家,所以他唔主動幫我湊女我都沒有太怪他,但遲d我番番工後,我都會要求他多d幫下手


伯爵府

積分: 15692

2019新春慶豚圓 2019勳章


發表於 06-12-13 18:21 |顯示全部帖子

Re: 你地老公有無幫手湊bb架?

我都對我99有點失望,之前都諗住靠她幫我補身和教我湊b,點知第一次在醫院同bb換片,她仲唔掂過我 ,甚麼都沒有教我,每次來我家都係煲薑醋,諗住靠她教工人整嘢比我食,補下身,怎知她只會叫工人日日整梅菜豬肉和蒸雞肉比我食,亞媽知道後
好唔開心,日日來回搭幾個鐘頭車來探我,每次聽到bb喊又只會說'做甚麼喊?要乖唔好喊?'廢話,未滿月bb點知你說甚麼,一

[quote]
tracyps 寫道:
我諗住,老公唔識


洋房

積分: 183


發表於 06-12-13 18:26 |顯示全部帖子

Re: 你地老公有無幫手湊bb架?

哈哈, 我個 99 又好似你個 99 咁.
生之前, 佢成日同我講之似阿嫂坐月時只係訓, 佢全程湊 bb. 好啦, 到我生左啦, 大安指意去佢屋企坐月, 點知佢第一個問題係邊個餵 bb 食夜奶 ..... 第一晚已經喊住想返屋企, 老公當然唔會比我咁做啦.
結果, 夜奶都係佢餵, 不過日頭佢就唔理架啦. 我初頭傷口勁痛個時, 佢見我行得好辛苦, 都唔會幫我開奶 / 換片. 但當我老公係屋企時佢都會扮野幫少少. 我當然無將呢 d 事同老公講, 因為無咩意思.
有次食飯, 佢可以只係比幾塊蒸排骨我食, 菜都無條. 自己就一大份白菜 & 魚 (呢 2 樣野我當時都未食得). 真係一世都無食過 d 咁既所謂飯. 早知佢講同做係兩回事, 我一定寧願一個人係屋企坐月 & 湊 b, 都唔去佢度.

至於老公, 佢都好少幫手, 只係幫手抱下 bb. 有時, 我都會後悔幫佢生 bb, 因為覺得佢好多野都唔幫手 .... 不過對住 bb, 總會有一種開心的時候, 個時就咩唔開心都無左.

水怪:
你有無睇小琳琳單新聞呀? 佢媽媽話最遺憾係從無聽過小琳琳既喊聲 ..... 其實我地有機會成日聽到 bb 喊, 都係一種福氣呀.
至於男人, 大概唯有接受佢地係咁架啦, 睇番其他人既回應, 都唔係淨係我地老公先係咁, 算啦. 起碼有我陪你!


洋房

積分: 183


發表於 06-12-13 18:32 |顯示全部帖子

Re: 你地老公有無幫手湊bb架?

梅菜豬肉和蒸雞肉 - - - 我個 99 都係呀 ..... 唉, 呢個世界都係自己阿媽最好架.
坐月之後, 我開始好討厭我 99.


大宅

積分: 1328


發表於 06-12-13 18:36 |顯示全部帖子

Re: 你地老公有無幫手湊bb架?

水怪,
是的, 一個人成日對住呀b 都真係幾辛苦, 尤其佢喊, 重要喊到失晒聲, 自己做咩都幫唔到佢時, 自己一來忟憎, 二來又無助, 都好大壓力... 去個廁所都唔得, 食飯就更不在話下, 要呀b 訓左先有手去煮比自己食. 係呢, 你呀b 會唔會係黃昏之後喊得特別利害呢? 我呀b 係呢個wk 就開始係黃昏至晚上係咁喊同狂飲奶, 點氹都無用... 睇d 文章話d bb 係會咁, 要準備應付漫漫長夜喎, 每晚見到佢咁都好心痛, 唔知佢幾時唔洗咁癲呢? 所以,我幫呀b 改左個英文名叫dino!


大宅

積分: 2080


發表於 06-12-13 18:37 |顯示全部帖子

Re: 你地老公有無幫手湊bb架?

我老公都算唔話得,佢會抱亞b,餵亞b食奶(including 夜奶)同埋幫bb沖涼,媽咪都幫左我地好多
反而我就頂我老爺唔順..前日佢第一次黎探我同bb,一黎到問bb幾重,話佢唔夠重(出世2.74kg,2個星期之後就3.04kg)又話d奶唔岩佢食,叫我轉奶粉.又問我俾幾多奶佢飲,我話4oz,之後問我知唔知俾幾多殼奶粉,我話飲幾多oz咪俾幾多殼囉.之後佢見到我開奶話d奶稀,叫我加多幾殼奶粉落去..
之後我掃風拍背脊佢又話我唔岩..唔係咁掃,但係又唔話係點掃..
仲要叫我煲d薏米水俾bb飲..係薏米水唔係米水..想大吉利是飲死我個b咩,薏米水利尿,想佢乾死咩?
又話要bb剃頭,話剃完d頭髮靚d..我亞媽一聽到都話唔剃,佢係咁講話要剃,我啋佢都傻
之後又扮晒打電話黎問我老公返左屋企未,又同我講叫我小心d睇住個女,入房訓覺要帶埋個女入去...又話叫我睇住d貓...
煩到爆,講野又冇建設性,我知佢係為個孫好..但係佢d態度係好似一定要聽佢講,佢講o既野就岩咁....我亞媽都頂佢唔順...


大宅

積分: 2080


發表於 06-12-13 18:42 |顯示全部帖子

Re: 你地老公有無幫手湊bb架?

我都明白呢d辛苦,琴日老公返夜,得返我一個,亞女就放大喉嚨咁喊,抱又唔係,食奶又唔係,又唔係濕wewe同poopoo..對佢無從入手,搞到我都喊埋...


子爵府

積分: 10535


發表於 06-12-13 18:43 |顯示全部帖子

Re: 你地老公有無幫手湊bb架?

你地個老公都幫下你地洗奶樽同換片呀,我老公......唉.......咩都唔曉,咁就咩都唔使做,講真我開頭咪又係乜都唔識,一生完阿b,姑娘要我自己餵奶時,我連點抱起個b都唔識呀,咪又係自己學,都無人教我架啦,我老公一句唔識就乜q都唔幫手,個b已經日喊夜喊我已經日抱夜抱架啦,個c 佬就淨係識得係到睇電視,個仔喊到咁q大聲佢都重聽到電視講咩先好野喎﹗其實我唔係要求佢幫我餵奶,淨係希望佢見我抱咁耐都主動話幫下我呀,最起碼比我知道重有人支持我呀,我依家直頭覺得好無助,由一出院到依家bb每一餐奶(包括夜奶)每一次掃風,每次換片,每次steam奶樽都係我自己做,無人幫我手,bb出世到依家我末試過有一次可以訓超過3個鐘,我咁都無產後仰"益屈"真係奇蹟﹗不過我諗再係咁落去我都就快有架啦﹗


大宅

積分: 2080


發表於 06-12-13 18:50 |顯示全部帖子

Re: 你地老公有無幫手湊bb架?

你有冇同你老公講過你的感受呀???我諗如果你講左佢會好d架喎..
水怪 寫道:
你地個老公都幫下你地洗奶樽同換片呀,我老公......唉.......咩都唔曉,咁就咩都唔使做,講真我開頭咪又係乜都唔識,一生完阿b,姑娘要我自己餵奶時,我連點抱起個b都唔識呀,咪又係自己學,都無人教我架啦,我老公一句唔識就乜q都唔幫手,個b已經日喊夜喊我已經日抱夜抱架啦,個c 佬就淨係識得係到睇電視,個仔喊到咁q大聲佢都重聽到電視講咩先好野喎﹗其實我唔係要求佢幫我餵奶,淨係希望佢見我抱咁耐都主動話幫下我呀,最起碼比我知道重有人支持我呀,我依家直頭覺得好無助,由一出院到依家bb每一餐奶(包括夜奶)每一次掃風,每次換片,每次steam奶樽都係我自己做,無人幫我手,bb出世到依家我末試過有一次可以訓超過3個鐘,我咁都無產後仰"益屈"真係奇蹟﹗不過我諗再係咁落去我都就快有架啦﹗


子爵府

積分: 10535


發表於 06-12-13 18:50 |顯示全部帖子

Re: 你地老公有無幫手湊bb架?

happyivy

我個b每日喊2轉架,朝早餐奶後約8:00開始到下午2:00pm - 3:00pm先肯訓,跟住就係6:00pm - 12:00 am即係你講既黃昏至零晨,每日呢2段時間佢都唔訓,特別係6:00pm - 12:00am呢段時間就會狂喊,點抱點氹都係咁喊架﹗真係人都癲﹗ 我可否攞你個dino板權呀,我都想幫佢改呢個英文名呀﹗


子爵府

積分: 10535


發表於 06-12-13 18:57 |顯示全部帖子

Re: 你地老公有無幫手湊bb架?

kylieman

講鬼講馬咩,佢都知架,佢都見到我好辛苦架,但係佢有心無力呀,我有時氹b氹到發哂癲,佢就同我講,你唔好咁忟啦,如果你好嬲就放底個b係床到由佢喊,唔好勉強整到佢唔喊呀,驚我整親佢,淨係咁講係唔會主動話幫我氹個bb架,上個星前日重離譜呀,佢放假都唔會幫我手,又唔會叫我去訓下覺,我每日加咪都係訓5-6個鐘,佢竟然話佢好眼訓走左去訓覺,我重諗住佢放假會幫下我,點知.....唉...放同唔放都係得我自己湊,個b佢都有份架,點解要我自己承擔所有野喎?


大宅

積分: 2080


發表於 06-12-13 19:02 |顯示全部帖子

Re: 你地老公有無幫手湊bb架?

水怪,
有時d男人唔話佢係唔知架,你唔講佢以為你係得架...同埋你真係要講你的感受俾你老公聽,等佢知道你辛苦~


子爵府

積分: 10535


發表於 06-12-13 19:13 |顯示全部帖子

Re: 你地老公有無幫手湊bb架?

kylieman

其實我有講過,佢亦都好清楚,佢重話再唔係叫我奶奶過黎幫我手,因我坐月時我奶奶黎我屋企陪坐月,但係佢只係幫我手抱bb,不過相見好同住難,我好辛苦先捱過同佢一齊住既日子,同咪老一輩既湊bb同我地又唔同,成q日抱住我個b係咁fing,叫佢唔好又唔理,又成日隻手me完菜唔洗手就抱起阿b,總之好多野係我接受唔到,所以無可以叫佢幫我手﹗


大宅

積分: 2080


發表於 06-12-13 20:13 |顯示全部帖子

Re: 你地老公有無幫手湊bb架?

水怪,
咁你咪問下佢點解佢唔幫手囉...同佢講,個b佢都有份,點解要叫你奶奶過黎幫手,佢o係屋企佢都唔幫丫?


大宅

積分: 2059

畀面勳章


發表於 06-12-13 20:31 |顯示全部帖子

Re: 你地老公有無幫手湊bb架?

有呀, 大家都係bb架 daddy mummy, 一定要分工合作啦..


翡翠宮

積分: 76974

2019新春慶豚圓 2019勳章 2018復活節勳章 畀面勳章


發表於 06-12-13 20:36 |顯示全部帖子

Re: 你地老公有無幫手湊bb架?

我一個人揍bb,老公都有幫下手,一日幫手餵一/二次奶,甘樣我先有機會訓得長時間d。


別墅

積分: 669


發表於 06-12-14 04:05 |顯示全部帖子

Re: 你地老公有無幫手湊bb架?

NOVBB 寫道:
梅菜豬肉和蒸雞肉 - - - 我個 99 都係呀 ..... 唉, 呢個世界都係自己阿媽最好架.
坐月之後, 我開始好討厭我 99.


me 3...坐月果陣,一日兩餐,餐餐都係呢兩味…
我依家都覺得好憎我奶奶,生完我都無幫自己補身,淨係我老公買左d燕蒿俾我食咋…


別墅

積分: 669


發表於 06-12-14 04:09 |顯示全部帖子

Re: 你地老公有無幫手湊bb架?

總知大家都俾心機啦,生左出黎就係一世既責任,人地單親果d,無人無物,都係咁過啦!:-(
...呢d都係睇左小琳琳之後既感覺…其實bb健健康康,我地都已經好幸褔咖啦!

首頁

尾頁

跳至