母乳餵哺

跳至

首頁
1

尾頁
   0


別墅

積分: 754


發表於 06-12-13 18:28 |顯示全部帖子

呀女滿月後大食咗,點算?

呀女剛滿月,呢兩日發現佢勁大食,每刻鐘都要食,食完1個鐘數分鐘後又索食,又食得好忟,食到我兩邊個胸軟晒,真係比佢揸乾,其實平時我每日只補1餐+1餐全奶粉(黃昏及晚間12點到),我真係唔想補咁多奶粉,已經日日飲2大碗湯,又唔想咁快放棄,但真係好倦,可以點做,請幫忙 :-( :-( :-(


大宅

積分: 1479


發表於 06-12-13 19:36 |顯示全部帖子

Re: 呀女滿月後大食咗,點算?

除左飲魚湯,飲多D水(起碼10杯啦),食多D新鮮有營養既食物,仲要夠休息,如果你奶量未穩定,多D埋身餵,如果太辛苦,間唔中泵出黎(埋身餵會刺激多D奶,不過如果埋身餵太辛苦,就泵啦),我個陣BB食完到我食,然後一齊訓,乜都唔好理咁多。。。


大宅

積分: 2254


發表於 06-12-13 19:47 |顯示全部帖子

Re: 呀女滿月後大食咗,點算?

我囡囡係9月5號出世, 佢初時都係咁既情況, 成日都要食, 加上健康院d姑娘話佢輕得太多要見醫生, 醫生要俾佢食多幾餐, 咁佢一喊就俾佢食, 一日試過食成15次, 食到我乳頭係咁甩皮, 一直到佢回復正常體重先好番d, 我個時係差唔多全部埋身餵, 但係個時我都唔夠奶, 所以到我真係覺得兩個乳房都軟晒, 而佢又要食既時候, 我就唯有開奶粉佢食, 一日2-3次每次3-4oz, 俾自己休息下, 佢又飽d可以瞓耐d, 其實唔好俾咁大壓力自己, 俾佢食一兩餐奶粉可以放鬆下, 仲可以叫人代餵, 自己瞓番覺好d, 奶都會多d, 加埋我一日飲2杯奶, 最少8杯水, 一個星期煲2-3次湯, 每次飲3湯碗, 依家奶量都算夠啦! 俾bb多d埋身啜, 尤其係半夜刺激會好d, 其實bb肯繼續啜就代表你仲有奶, 不過佢可能好快又肚餓, 所以就要餵密d, 但係真係要confirm佢係肚餓先好餵, 唔係你會好辛苦, 因為bb喊係有好多原因, 我自己當時搞左好耐先完全上奶, 但係身邊d人係唔會明既, 成日覺得我飲咁多湯水加埋奶, bb點會唔夠食, 覺得係我自己太緊張驚bb唔夠食, 所以我個時都好唔開心, 冇人明白我, 但係呢度時間好快過, 見到bb健康成長就咩辛苦都值得, 你可以上網同呢度d人傾多d, 因為呢度d過來人先最明白你依家既感受, 個人開心d, bb見你成日對佢笑自然心情都會好d


男爵府

積分: 6033


發表於 06-12-13 20:48 |顯示全部帖子

Re: 呀女滿月後大食咗,點算?

唔駛擔心, bb 應該進入猛長期 ~ 詳細資料 ~俾多 d bb 啜, 對自己有信心, 我o地一班比妳資力多少少o既奶 ma 都曾經經歷過, 有問題多 d 上o黎問 or 上o黎睇多 d 資料. 加油


別墅

積分: 754


發表於 06-12-14 01:05 |顯示全部帖子

Re: 呀女滿月後大食咗,點算?

多謝幾位媽媽支持,我會盡量堅持,希望唔好苦了小b餓瘦佢啦 :-( :-(

首頁
1

尾頁

跳至
你需要登錄後才可以回帖 登入 | 註冊