夫婦情感

跳至

首頁
1

尾頁
   0


別墅

積分: 560


發表於 06-12-15 17:57 |顯示全部帖子

激死人呀!!!!

好嬲呀!今日我們要去我媽咪度做冬節. 本來好開心諗往一放工就同老公一起過去. 點知佢臨放工打電話比我話去唔到. 因為佢未做晒d功課.佢話D功課最遲明天一早交( 佢讀緊 MBA 及佢係 HOME OFFICE ). 我聽到之後好嬲呀! 今年係我地結婚後第一次做節 ( 我們今年 10月22日結婚 ) 佢仲要我幫佢打電話比我媽咪解釋去唔到. 我當然唔幫佢la~要佢自己打. 我話佢d功課做咗成個幾星期,日日係 屋企做, 咁都未做晒有無攪錯........之後我同佢講我好嬲呀! 佢就話你嬲都無計la~食完飯返o黎先再講......跟住我嬲到 cut 咗佢線.......
你們話佢係唔係好過份呀!!!!!


伯爵府

積分: 16036

好媽媽勳章 畀面勳章


發表於 06-12-15 18:42 |顯示全部帖子

Re: 激死人呀!!!!

都好明白你感受,做節當然係一家人齊齊整整最好啦,不過你老公唔係去玩喎,佢真係有野做都情有可原,況且大學功課真係唔野少架,果時我哥讀大學時做份功課曾經試過做成兩個月呀,呢d真係好難講既,算啦,唔好嬲啦,搵日同老公二人世界補返做節咪得囉


洋房

積分: 105


發表於 06-12-15 18:53 |顯示全部帖子

Re: 激死人呀!!!!

= = 好小事吧~不用嬲啦~成世人流流長~仲有幾廿年夫妻做呀~


男爵府

積分: 5970


發表於 06-12-15 19:01 |顯示全部帖子

Re: 激死人呀!!!!

聽日我老公都要去温習而去唔到做節, 但我無嬲呀, 如果佢係去玩就一定反枱,但佢只係努力令我哋生活變好, 咁點嬲得落呢 :-P


子爵府

積分: 14349

好媽媽勳章 醒目開學勳章


發表於 06-12-15 19:54 |顯示全部帖子

Re: 激死人呀!!!!

我老公一星期做足7日...做2份工...一星期又3-4日要讀IVE,佢都好耐冇時間番去我娘家食飯嚕~
不過搵食冇計啦~如果佢去玩當然我會嬲死啦~
不過如果係為搵食我覺得你應該體諒下呢~

另外我都係大時大節,例如年28呀果d先會叫老公番去媽咪度~
而我媽咪知道我老公要搵食,為左第時生活好d佢都唔會介意~反而開頭我自己有d嬲架,不過都明白~


大宅

積分: 1208


發表於 06-12-15 20:03 |顯示全部帖子

Re: 激死人呀!!!!

小白兔Nancy,

講真呀...我唔覺得好過份...
佢真係要趕功課嘛...又唔係去玩...
唔好咁細路女啦...我相信妳媽咪一定唔會怪佢...


侯爵府

積分: 24121


發表於 06-12-15 23:02 |顯示全部帖子

Re: 激死人呀!!!!

唉~~ 我老公咪又係, 差唔多成半年冇同我屋企人見過面啦~~ 我已經唔記得對上一次佢地係幾時見過面!!
我都係結左婚一年多dd咋~~

我一開始都係嬲架, 但嬲又點? 佢都係要做野, 又係一星期6日, 日日14,5個鐘, 就算佢星期日早上得閒, 我都叫佢抖下啦!! 唔通仲忍心等佢冇埋個星期日咩!!

唔好嬲啦~~ 我都想我老公去讀埋個phd呀~~ (因為我覺得一個讀到書既人為左屋企而唔讀落去, 真係好side呀~~)
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!


大宅

積分: 2716


發表於 06-12-15 23:45 |顯示全部帖子

Re: 激死人呀!!!!

傻妹,你呢D叫嬲,當你是我仲嬲,有一年做節,個C6應承左返娘家食飯,佢仲咋病冇返工,我見早自己返娘家先,點知7:30pm食飯,7:15打比佢,佢仲在家末出門口,跟住我火都來 ,佢承機發疲氣話唔來,飯都裝好了, 話說仲有我03年註冊,第一個年初一點都要做足功夫去拜年,個C6之前一晚打通宵麻雀,第二朝叫佢起身發疲氣,之後當然冇去啦..... :-( 第二個年初一去左旅行又冇去啦..... :-( 第三個年初一先至有去,仲要PK到買盒Cookie算數,最Pk的是派利士,你們派利是除左小朋友外,是否該派比D末結婚的?個C6竟然話末結婚而大過我(年齡)不淮派,我心想你條Pk寒酸到...... :-( :-( :-( 所以你嬲D乜,小事小事


複式洋房

積分: 268


發表於 06-12-15 23:57 |顯示全部帖子

Re: 激死人呀!!!!

danielmama 寫道:
聽日我老公都要去温習而去唔到做節, 但我無嬲呀, 如果佢係去玩就一定反枱,但佢只係努力令我哋生活變好, 咁點嬲得落呢 :-P

agree!!


別墅

積分: 560


發表於 06-12-16 10:15 |顯示全部帖子

Re: 激死人呀!!!!

依樣野可能我真係太細路女la~ 我都知佢咁辛苦讀書都係為咗我地第日生活再好d. 不過佢昨晚好衰呀!!!我返到屋企之後佢都無同我講野, only 在書房做功課. 咁我當然無理佢la~我就去咗洗澡...之後我聽到電話響..個 c6 好大聲咁講咗句 " 返咗o黎 la " ( d 語氣好差 )之後就 cut咗線. 我知o個個係我媽咪問我係唔係安全返到屋企. 佢就係咁成日用d 好差o既語氣同我d屋企人講野. 我娘家d人個個都好怕個c6成日都以為佢有d咩咁唔開心咁唔仲意佢地. 我媽咪仲驚到唔會點同佢講野, 又驚講錯野個c6會同我吵架........

之後我洗完澡, 佢都無講比我知媽咪打過電話比我. 我好嬲呀...就抱埋豆B ( 我地隻dog ) 入 bedroom 訓無再理佢, 佢都可能知道我真係好嬲, 佢就開門睇吓我係唔係真係訓咗及拎咗部暖風機入o黎..但我一直都無理佢, 直到今早返工都無同佢講過一句野呀! :tongue:


翡翠宮

積分: 76971


發表於 06-12-16 11:41 |顯示全部帖子

Re: 激死人呀!!!!

今次我都唔幫你隻佬喎, 唔關細唔細路女事, 冬大過年仲要係今年第一年添 :cry: 好彩你媽咪佢地唔介意咋 不過我想問為何你家人咁驚佢呢 會唔會係呢個原因所以攪到佢好得戚呀 不過見佢攞部暖風機比你就知佢好鍚你啦 所以萬大事有商量, 有空傾下同佢講下愛屋及烏既道理 過時過節唔好再將d唔開心事放在心上, 聖誕節係譜天同慶既大日子開開心心一齊過啦 可能佢就係想趕起d功課同你過一個愉快既x'mas呢


洋房

積分: 162


發表於 06-12-16 11:41 |顯示全部帖子

Re: 激死人呀!!!!

小白兔Nancy,
唔係激你,你c6 雖係做HOME OFFICE,但都係要做野,有時又做野又讀書真係幾辛苦,好似我讀degree咁一星期返三至四日,又要溫書又要做功課,又要養家,都係想將來生活好D者[size=large]你估我好想攞苦黎辛咩!但係返到屋企又要睇埋老婆面色,你都咪話唔惡頂,有時要嬲首先諗下人地啦
歡迎到以下小豬b之家:oops:


公爵府

積分: 27367


發表於 06-12-16 12:33 |顯示全部帖子

Re: 激死人呀!!!!

小白兔Nancy

其實如果d功課真係咁趕...可以早d食完早d返屋企繼續做咪得lor,過節緊係要一家人齊齊整整架ma,比著我..我都會好 呀,不過算啦...都過左去喇...唔好再嬲喇,同你老公講清楚...唔可以再有下一次lor


子爵府

積分: 11968

好媽媽勳章


發表於 06-12-16 14:44 |顯示全部帖子

Re: 激死人呀!!!!

其實你老公因為做功課唔去你阿媽到食飯...都可以諒解...但係如果佢對你屋企人語氣差...你就要好好咁同佢傾下...因為你阿媽始終都係佢長輩...



[url=http://lilypie.com][img]


別墅

積分: 628


發表於 06-12-16 16:30 |顯示全部帖子

Re: 激死人呀!!!!

我會嬲, 呢 d 就係唔識分配時間囉! 我 c6 都係咁, 咩都校到好 '炆' 先來做, 去街又係咁, 做公司野又係咁, 完全無時間觀念. 做人唔係咁做法架!

而且我覺得你 c6 既態度都好有問題, 今年係第一年結婚, 就對自己外母咁差, 好似完全都唔當你外家係一回事咁, 仲發番你脾氣, 我覺得好差囉!

時間係自己分配, 唔係話急起上來就放棄是旦一樣, 咁既做人態度真係好差, 仲要唔知錯,
.


別墅

積分: 560


發表於 06-12-18 14:09 |顯示全部帖子

Re: 激死人呀!!!!

我有同個c6講我唔仲意佢d態度. 佢話佢都知自己d性格唔好態度差, 叫我比d時間佢改. 佢依家其實都改咗好多, 佢話o個日唔係專登咁大聲同我媽咪講野, 佢話個電話有d問題佢講咗好多次我媽咪都聽唔到, 佢先至咁大聲. 佢都好緊張咁同我解釋叫我唔好嬲 & 誤會佢. 之後我都仲有d嬲呀! 佢都知我條氣未順返. 跟住個c6知我約咗d朋友 shopping 佢就打電話比我叫我見到仲意o既野就買la! 用佢張附屬咭比錢, 佢話係 X'mas 禮物 & 陪罪, 佢話佢自己今年真係好busy無時間去買禮物 ( 因為佢年年都會送X'mas 禮物比我 )...
算佢la~都知道自己做錯咗! 我返到屋企就無再嬲佢la~我仲玩佢話我買咁個 6k o既手袋, 佢聽到之後成個呆咗...個樣仲好攪笑.... ( 咁我當然就唔係買咗個咁貴o既袋la~我只係買咗件衫比佢咋 ) 之後我地就無事la~~
最後, 好多謝各位o既回覆呀~~~~ :-P

首頁
1

尾頁

跳至