婆媳關係今日: 6|主題: 27693

收藏本版

發帖

返回列表

跳至頁

查看: 9472 | 回覆: 180

12 3 4 5...10

積分: 8594

1^#

發表於 13-9-25 15:50 |只看該作者 |倒序瀏覽 |打印

我好感恩有個好99，我99係傳統家庭主婦，有一雙巧手，除了煮得一手好送，仲好識得車衣縫紉針黹。

未結婚前上去c6屋企食飯一定會好好送，次次食到捧住肚走。而我都會識做幫99洗晒所有碗。後來99知我身體差，成日都會煲滋潤湯水，仲會幫我調理身體。
拍拖時過時過節會邀請我去佢地鄉下玩，鄉下全部c6阿姨都好親切好好玩，冇架子，成班大細路咁同後生玩埋一堆。果陣好羨慕c6，同班親戚可以好warm好團結，好有家庭溫暖既感覺。每年暑假或長假期都成班親戚2，30人包團短線旅遊，嘻嘻哈哈咁玩。

婚後同6299同住，懷孕期間99已作好坐月準備，浸定米煮酒俾我產後補身。隔一段時間就燉鮮奶花膠俾我地食。又教c6點照顧我同一直教導c6唔可以做大爺，要c6就算放工幾攰都要幫下手打理頭家。
99見我冇買大肚衫（因為我一直可以著返自己啲鬆身衫），行街見到岩我就買俾我著，我話俾返錢佢佢係都唔要，話好平街邊貨希望我唔介意。我點會介意呢，難得99行街都掛住我。點知後來俾我發現原來啲衫一啲都唔平，我知道99一定唔肯收我錢，就唯有叫c6求其作個藉口請99食餐勁。
由於99好叻車衫織野，99為bb做準備，親手車左條傳統孭帶，雖然老套，但我好鐘意，因為果份心意真係幾錢都買唔到。99仲織左冷衫冷帽，又親手車左一套床單被袋俾bb，真係好靚好可愛，所以陀bb時我已經胎教bb第時一定一定要好好孝順嫲嫲，因為嫲嫲真係好愛你啊！

到照結構時，亦係bb性別開估時。之前做oscar 醫生話6，7成係仔，我同99講，99都話等照結構先肯定啦。當時我以為99咁傳統，應該會鐘意孫仔。到照結構我叫埋99一齊去，等佢可以睇下bb，當時醫生確定係女，99當時好開心，見到bb好活躍。後來我問99知道係女有冇失望，佢話冇，話仔女都係天賜的，孫仔孫女佢一樣愛錫，仲話佢鐘意女，因為女顧家又孝順，當時我就好感恩我有個好開通既99。

喺準備bb野時，99已經買定好多衫仔俾bb。我同99都認為bb大得快唔駛買貴野，所以99喺大陸買左好多好平既bb衫，係貨辦黎，所以好平，但質地絕對唔差，99買得好開心，邊買邊send相俾我睇，返到屋企仲第一時間洗乾淨晒香噴噴，等我唔駛咁操勞洗bb衫。

99知道大肚婆情緒唔穩定，有次我同c6喺房傾計傾傾下嗌交，我喊到好淒涼，99第一時間入黎攬住我叫我唔好喊，話bb知道架。跟住拉左我c6出去，話c6有咩都要平心靜氣傾，唔好激親大肚婆，話大住肚係鐘意亂諗野，你老婆算好忍得你啦，唔好再激佢。之後入黎房話夜喇，叫我乖乖地訓覺，有咩第日先講。到第二日我同c6訓醒冇事，c6就話我阿媽宜家錫你多過錫我喇，我話唔緊要啦，我爸爸都錫你多過錫我啦，打和。

懷孕後期，99開始預備薑醋，由於我媽咪完全唔識亦冇時間整(working mama)，所以我同c6傾不如99整男家，女家買薑醋券，因為我唔想99辛苦。但99知道後就叫我地唔好嘥錢買券，佢反正整開唔爭在整多啲俾女家，我好感激99啊！於是叫c6俾多啲錢99去準備。99覺得香港啲薑唔夠鄉下果啲靚，專登帶埋架買送戰車返鄉下托左幾十斤薑返黎，仲有其他for我坐月煲俾我沖涼既野，我知道後馬上要c6去關口接99返黎，好心痛個老人家為左我坐好個月而咁辛苦千里迢迢托啲薑返黎，幾十斤啊！返到黎大家好開心咁坐低一齊刨薑皮，又教我點樣睇舊薑靚唔靚，之後教c6炒薑，一連整左幾晚，見佢企喺廚房幾日，攰到要放張櫈仔喺廚房坐，果一刻我同自己講，佢唔止係我99，仲係我媽媽，我要當佢係自己媽媽咁好好孝順佢終老。

話咁快bb出世喇，住院期間一日3餐都係c6喺屋企帶黎醫院既超正99飯。bb未出世前我叫99唔好黎醫院，因為唔想佢辛苦走黎走去（99腳唔好有關節痛）。到bb出左世，99黎到醫院見到bb第一下，果個開心樣我呢一世都記得，係好慈祥好和藹既嫲嫲樣。99知道我早在bb出世前已決定餵人奶，佢都好支持，喺醫院bb要食奶，我都唔介意喺99面前餵，99問我有冇奶，由於我唔識，所以99幫我用手擠同按摩，好成功令我好快上奶。
好順利地，bb出世第二日我就同bb出院了，99同c6黎接我，有99幫手抱住bb，c6就可以扶住我慢慢行。
我99咁錫我，坐月當然係超好超豐富，上奶湯炒米茶薑飯補品乜都有，總之我坐月除左餵奶同訓覺外，其餘時間就係食食食，99話坐月一定要坐得好，身體分分鐘好過以前架。
當中我最深刻最感動就係每日的五更飯，99話坐月一定要食五更飯，即係每日清晨5點食飯，係最補的。好記得我坐月果陣係冬天最凍果陣，由於99辛苦左成日湊bb同幫我坐月，所以我同c6講夜晚我一定要自己湊bb，我想99好好休息。不過每晚凌晨3點，就會聽到99起身喺廚房煮飯，天寒地凍要踢開張被起身煮飯我食，我相信我媽咪都冇咁偉大啊！每日準時5點99就會畢好一碗新鮮熱辣辣既五更飯同用暖壺裝住炒米茶，入黎我房叫醒我起身食飯，食到咁上下又入黎睇我食完未，幫我執走啲碗等我快啲訓返覺。但我真係非常之過意唔去要個老人家咁樣服侍我（我每次都話要自己做但99唔俾一定要我休息），持續左幾日之後我同c6講我寧願唔補身唔食五更飯，都唔想見到99咁辛苦（我有次起身去廁所見到99著住大褸擔左張櫈仔坐喺廚房烚著左，我叫99返去訓我睇火，佢唔肯，話好凍叫我快啲返上床坐月婆唔可以凍親），c6馬上叫99教識佢煮五更飯，以後呢餐飯由c6煮。

之前睇開婆媳版，成日見到jm話99搶湊b，我初時都擔心自己會咁諗。但當99湊bb時，我冇覺得99搶湊b，相反我好感激99已忙於為我張羅一切，仲幫我手教我點照顧bb。亦會喺適當時候放手，俾我地做返爸爸媽媽既責任。從來都冇俾說話我聽，例如話我地唔識湊呀，佢湊大咁多個都係咁呀果啲。相反99都算接受新派湊法，好似我餵人奶bb唔駛飲水，初時99話冇可能唔俾bb飲水，但經我解釋人奶成分有88%係水分，加上佢餵bb好多次bb都唔肯飲水，佢都冇再堅持。而原本有啲我唔認同既湊法，我都作出讓步，認為只要唔係危害bb健康，我係應該要放心交俾99湊。當然，我99湊bb湊得好好，每事都會同我傾同我講。我返緊工，99會send相或短片俾我，話我知佢同bb做緊咩等等。所以我真係好感恩上天賜我一個咁好既99。c6有時俾99哦兩句就發脾氣，我會提醒c6 99幫左我地好多好多，一定要孝順同氹返99。連我媽咪有時都會呷醋，話我成日將99掛喺口邊，緊張99多過緊張佢，但我將99對我做既事同我媽咪講，我媽咪都好感謝99照顧到佢個女咁好。

宜家我同bb都身體健康，bb活潑聰明，呢啲全部都係99既功勞。衷心希望我99身體健康，長命百歲，我好想盡我努力，俾到好好既生活俾我99，俾機會我好好孝順99，以報答佢為我地無私的付出。