少年成長

跳至

首頁
1

尾頁
   0


大宅

積分: 2340


發表於 03-10-29 12:32 |顯示全部帖子

我個女真係好難教,請問有冇媽咪可以幫o下我.................

各位bk媽咪,

小女今年七歲,成日話學校o的小朋友蝦佢,又叫我同佢個班主任講o下,我都有解釋比佢聽,小朋友o既事,小朋友自已解決番,但佢有時好唔開心,以我個女o既性格,我相信佢都有小小問題,但我又唔知點幫到佢。

我個女讀緊o既係一間名校(女校), 一年級o既時候,讀書成績幾好,佢份人個心好散,要"dot"住,又成日鍾意睇電視,到o左二年級,唔知係唔係我比好大壓力佢,佢竟然數學唔合格(重係偏低分果隻),但我同佢溫書果陣,佢識曬,我問佢數學老師,老師都話佢平時表現屬於中上,佢都好愕然,可能我個女緊張,我見到佢o既成績,我喊o左出o黎,我覺得我比o左o甘多心機同佢溫書,佢攪成咁,當堂無曬"mud",我老公就話我緊張得o齊

o尋晚,我叫我個女自已在房做功課同溫書,佢就睇都唔睇條數學題問物,就話唔識,我同佢講,你o甘依賴,你測驗、考試可唔可以叫亞媽入試場講條題目比你聽,佢話唔得,然後,我出返房,佢唔夠1分鐘,就叫我再入去,問我條數點解,我當時好嬲,同佢講,你o甘唔比心機,你可以唔做功課,你唔交功課都得o架,跟住我就入o左去沖涼,沖完涼出o黎,佢做曬所有功課。

然後,我叫佢溫書,佢猛話識,我同佢默書,默到第二句就唔識,我真係好擔心佢o的成績,迫佢又死,唔理佢又死,我亞媽話:係咁o架啦,慢慢教啦。我同我亞媽講,我o地細個都無人跟我o地
o的功課,你梗係咁講喇,講講o下,我都無心機講喇。

請問有冇邊位媽咪,可以教o下我點教我個女???!!!! :-x :-x :-x
上主是我的牧者, 我實在一無所缺
祂使我臥在青綠的草場, 又領我走近幽靜的水旁
還使我的心靈得到舒暢
祂為了自己名號的原由, 領我踏上了正義的坦途....
祢的牧杖和短棒, 是我的安慰和舒暢........
在我一生歲月裡, 幸福與慈愛常隨不離
我將住在上主的殿裡, 直至悠遠的時日


男爵府

積分: 8786

環保接龍勳章 畀面勳章


發表於 03-10-29 16:41 |顯示全部帖子

Re: 我個女真係好難教,請問有冇媽咪可以幫o下我.................

Hi!beaclem,

你唔好怪我啊,看完你篇野後,我覺得要再教育的是你,不是你女兒,可能我咁講是誇張了,但育兒的大忌你似乎都範了不小。

首先你daughter話在校有人蝦佢,你冇正視問題,也沒有細心聽她傾訴,你叫她自己解決,佢咁細個又點識處理?

你似乎只著重她學業的表現,你可知成長路上,除了學業外,仲會有好多問題,這些正需要父母耐心的教導&指引。

我建議你不如去上1些如何教導子女的講座,(明愛or社署都有),相信你必有得益!


大宅

積分: 2340


發表於 03-10-29 19:11 |顯示全部帖子

Re: 我個女真係好難教,請問有冇媽咪可以幫o下我.................

Dear GiGiMum,

你都講得好o岩,我老公都話我緊張。今日我個女派o左英文測驗,都O.K.,佢仲話常識有成90分,我都覺得我真係緊張o左
o的。

另外,你唔明我個女o架啦,佢真係好"yai"(頑皮),呢個唔係剩係我o既評語,連我老公、我亞媽、佢姑媽...........等等都係咁話,佢有時真係幾鍾意撩事鬥非o架。又成日蝦個菲傭,重蝦我亞媽(即係佢亞婆),有時連我講o既o野佢都唔聽,我亞媽都話頂佢唔順呀 :-x :-x :-x
上主是我的牧者, 我實在一無所缺
祂使我臥在青綠的草場, 又領我走近幽靜的水旁
還使我的心靈得到舒暢
祂為了自己名號的原由, 領我踏上了正義的坦途....
祢的牧杖和短棒, 是我的安慰和舒暢........
在我一生歲月裡, 幸福與慈愛常隨不離
我將住在上主的殿裡, 直至悠遠的時日


子爵府

積分: 11510


發表於 03-10-29 22:23 |顯示全部帖子

Re: 我個女真係好難教,請問有冇媽咪可以幫o下我.................

beaclem:

你有無諗過,可能你囡囡就係因為覺得連你都唔幫佢唔信佢而變得反叛??我細個都有D似你個囡囡咁,細個成日响學校俾同學蝦,又俾同學冤枉話我出貓,佢地又將D垃圾踢黎我個位度,踢到我對腳損哂...我話俾老師知,老師唔理,話俾老豆知,老豆又只會話係我衰先同埋都唔會幫我同老師澄清番...我當時好嬲佢,自己老豆咁樣諗自己都有,又唔幫人,睇住我俾人冤枉同欺負都唔信我又唔理我,所以我咪唔尊重佢囉,因為佢都唔尊重我感受!我大概都記得我細個有咁既感受~! :-( 反而有時見我四叔就對自己仔女好好,見到仔女受委屈,都會好正義咁幫仔女出頭,所以我堂細妹由細到大都好開心!亦都好輕鬆咁去完成自己既學業(大學畢業)~!其實細路讀書得唔得都好睇佢平時有無受人尊重囉,如果平日佢都好唔開心,無人睇得起佢,個個人都話佢唔岩多過岩,批評多,無讚賞,咁你試吓將心比己,如果轉左係你,做咩都無人讚只會批評同鬧,咁你仲有無心再做好落去??還掂做咩都無人欣賞架啦,做黎得個辛苦二字...

同埋你囡囡有數學唔識唔明,正常梗係會問你架啦...你又唔教佢,仲鬧佢,我又覺得佢俾你鬧得好冤枉囉,其實佢呢個action係正確喎...尤其數學呢D野,係唔明就會唔明架啦...中文健康教育就話可以搵書睇姐...數學真係要計得多同埋有人指導先至識架喎,你咁鬧佢,係我就算明明唔識都唔敢再同你講唔識啦,死都話識左先,費時又俾亞媽鬧...咁樣不但幫唔到個女,而且仲會令佢越黎越衰囉...;如果你個女真係好曳,我相信學校老師既評語都唔會話你個女好,點解學校佢表現好,屋企表現咁唔好呢???同埋佢明明有溫書,溫果陣乜都識,測驗果陣乜都唔識,會唔會係因為你係咪都鬧佢唔陪佢幫佢溫習,令佢有無形壓力??同埋有無聽過'閱讀/學習障礙症'???我細佬有個女同學都有咁既問題,都係次次默書前就乜都默得識,但到左真係默書果陣就一隻字都默唔到...跟住睇左心理學家先至知佢有咁既困難...你不妨留意下...

講真,你個女得果七歲,仲好細個架咋...點曳都唔曳得去邊,真係曳既話老師都唔會讚佢學校品行中上啦...試吓同自己講,唔好諗到自己囡囡咁壞先,試吓好好聽佢講,始終細路都會有自尊心既...你都唔好咁緊張囉...


洋房

積分: 186


發表於 03-10-30 06:06 |顯示全部帖子

Re: 我個女真係好難教,請問有冇媽咪可以幫o下我.................

我女兒也是一樣有與同


男爵府

積分: 8786

環保接龍勳章 畀面勳章


發表於 03-10-30 10:35 |顯示全部帖子

Re: 我個女真係好難教,請問有冇媽咪可以幫o下我.................

Hi!

我很認同bandband的說法。試想想女兒每天都要上學,在學校生活不愉快是1件痛苦的事,在朋友間被排儕,不能被認同,自信心&自我形像大受傷害,回家向mama說,mama也不理她,你叫她不變反叛才怪呢!!!

好多時小孩變反叛必有其原因,多數是想吸引大人的關懷&注意,其次便是她內心不愉快,想藉此發洩。你應該好好珍惜這幾年的時間,她現在巳7歲,她對你訴說你唔聽,你想她以後有事向你說就難了,另外,她會覺得與你難溝通,母女間的隔膜愈來愈大,日後想修補就難了。

不要過份著重成績,你對她考試低分便哭了出來,1來你有點幼稚,2來你增加了她莫大的壓力,這又何必呢!

我建議你&你女兒都應加強EQ的訓練,特別是你呢,你的問題有80%,而你女兒只有20%,如果你自己肯改變的話,相信她的問題不難解決。

最後我建議你可幫女兒參加一些EQ訓練營,小童軍,or義工等,希望籍此能改變她的性格,擴大她的生活圈子。 :-P :-P :-P :-P :-P


子爵府

積分: 11510


發表於 03-10-30 22:03 |顯示全部帖子

Re: 我個女真係好難教,請問有冇媽咪可以幫o下我.................

[quote]
Hellobaby**baby 寫道:
我女兒也是一樣有與同


子爵府

積分: 11879


發表於 07-9-25 14:00 |顯示全部帖子
其實我都有D差唔多的問題.女8嵗,讀一年班時,好自覺溫書,到二年班可能係細佬出世的關係,開始心散.唔溫書.到考試測驗,就要我陪据一齊溫,如我無時間,就唔睇拉.打天才波.雖然成績一直都好好.不過我就話過距的學習態度唔好,女就:得啦,知啦.
而家,三年班啦,放學回來就吃,睡,玩.. 到夜啦至做功課.同据檢查,叫距改正,就唔高興,黑面,搏嘴,眼厲厲.真係火都黎埋
有兩次墨寫唔合格,番黎要我簽名,問距,你有無溫習?女話..甘點解唔合格? 哦.默時唔記得. 你真係有溫的,媽咪唔怪你,但如你講大話, 就要罰... 女:有溫,你信我.得拉,其實我識傢. 甘, 好,你抄2次俾我睇下. 女即刻入房,又唔睬..同据傾計時, 距就咩都話好,明白.知道.轉頭又係甘
昨日,放學到家, 我見到女又咬住下唇,就話:唔好再咬啦,已經咬到有一舊白色的肉仔拉.女細聲答,痴綫. 我問女,咩意思?女無睬我就番房.再問都係唔睬,好激氣


珍珠宮

積分: 32752


發表於 07-9-26 00:12 |顯示全部帖子
原文章由 lok^^b 於 07-9-25 14:00 發表
其實我都有D差唔多的問題.女8嵗,讀一年班時,好自覺溫書,到二年班可能係細佬出世的關係,開始心散.唔溫書.到考試測驗,就要我陪据一齊溫,如我無時間,就唔睇拉.打天才波.雖然成績一直都好好.不過我就話過距的學習態度唔 ...


各位:

我估大家嘅問題, 都係忽畧咗讚(佢得嗰d)同鼓勵, 剩係睇到佢地差左嘅地方, 不停的「話」令佢地產生抗拒, 用駁咀等來「對撐」!
試吓調較一下自己, 同佢地坐埋set個timetable, 將功課時間分段, 完成得到就讚同獎, 並盡量減少話!


男爵府

積分: 8120


發表於 07-9-26 02:35 |顯示全部帖子
我覺得你個囡囡係想得到你的支持同認同!你地個個話佢曳..根本已經lable左佢係一個曳0既小朋友!佢係極度雖要媽媽的支持估勵!我想佢應該有好多心事係可以同你講..但係你應該係無理過佢囉!學校係一個小社會,可能佢同同學之間相處仲欠缺一d技巧!你可以問下佢響學校同同學相處0既情況..然後教佢適當0既處理方法!!多d作"正面"的估勵(講正面的說話)..."負面"的說話就少講喇!(我想囡囡現在比較"負面"(曳)你地多少都要負返d責任!
...我覺得成績係重要,但係人0既品格係更加重要!而家社會雖然係有好多人成績係好好,但係品格好多係有缺憾..導致佢地人生唔快樂如意或會走上歪路!如果能注重德育方面的培養..我想佢地思想正確..生活應該比較正面同快樂!:-P


禁止訪問

積分: 995

好媽媽勳章


發表於 07-10-24 01:11 |顯示全部帖子
提示: 作者被禁止或刪除 內容自動屏蔽


大宅

積分: 3854


發表於 07-10-26 13:15 |顯示全部帖子
名校累事!
媽咪你太大壓力了!
:cry:

首頁
1

尾頁

跳至