Re: 請問南棗桂圓水點整??
去藥材舖買半斤南棗(~$60)、半斤桂圓、三兩果皮(要買d好少少既，~$15)，每次放約5粒南棗(有時我會豪夠十粒)、10粒桂圓、一角果皮，略略洗去面o個d塵，輕輕拍下d南棗等佢出味d，放5碗凍水煲(其實d份量唔洗好準，一定要凍水放，如果唔係d果皮會苦苦地)，水滾收細火煲多15分鐘，可以番煲多兩次，最後一次食埋d渣仲有益。
南棗、桂圓、果皮都係好平和既嘢，我開刀生完第二日就開始飲，唔熱氣唔寒涼，又唔會行氣活血(唔似紅棗，有d噪又有d行氣活血)，南棗好甜，如果生完口淡淡可以放多d，有時我會放d炒米or炒黑豆，香口d。
炒米好容易架，我見陪月就咁乾鑊放米(唔好洗，要乾炒)，中火炒到d米轉色(黃黃地有幾粒啡d)，炒定生完煲炒米茶當水飲，用膠盒放好唔洗雪。炒黑豆茶仲正，又香又有d甘甘地好似飲咖啡咁(有咗之後都無飲過咖啡:-()，不過唔係人人都鍾意黑豆既味(即係有d人唔鍾意咖啡咁)。
識網友只限吹下水、交換下資訊、發揮網力，邊個認真就邊個輸。
發表於 
發表於 
返回列表
