母乳餵哺

跳至

首頁
1

尾頁
   0


洋房

積分: 195


發表於 07-2-18 23:44 |顯示全部帖子

阿B黃要補奶點算?

阿B出院時黃,已照左一日燈,咁姑娘話餵人奶之後要補奶,要補多90ml奶粉or人奶,(但其實阿B食吾到90ml,因之前已食左D人奶)人奶我冇咁多,咁奶粉補邊種好?其實好矛盾,一直想全人奶,但而家阿B黃,我又吾敢吾補奶,有冇人好似我咁?


大宅

積分: 2457


發表於 07-2-18 23:55 |顯示全部帖子

Re: 阿B黃要補奶點算?

我阿B 果時要每星期到健康院check 黃,密d 餵奶有助退黃,我果時兩個鐘或兩個半小時就拍醒佢食奶,make sure 每邊食到最少十五至二十分鐘,餵晒兩邊。


男爵府

積分: 8799


發表於 07-2-19 00:07 |顯示全部帖子

Re: 阿B黃要補奶點算?

你可以比亞b食多幾餐,啜多d,d奶先會多d,我亞女都照過3日燈,出院後都係全人奶,無補奶粉,你留意下佢大小便嘅次數,每日有6條濕片,keep住返健康院觀察,我個女打滿月針時都仲黃,要返醫院抽血化驗,好彩都無事,人奶b係會黃耐d架,而家已經無黃lu,到而家都仲係全人奶b
未經本人許可, 不得轉載


男爵府

積分: 6628


發表於 07-2-19 00:09 |顯示全部帖子

Re: 阿B黃要補奶點算?

晒太陽都有效喎, 不過千奇唔好晒到對眼


男爵府

積分: 5736


發表於 07-2-19 00:16 |顯示全部帖子

Re: 阿B黃要補奶點算?

食密d都得


男爵府

積分: 9383


發表於 07-2-19 00:36 |顯示全部帖子

Re: 阿B黃要補奶點算?

晒太陽都有效,但要脫晒衫褲,丁丁未滿月時,丁爸經常這樣做,因丁丁出院頭幾日要日日返健康院CHECK黃,我地唔想佢入院,結果丁爸就同佢晒太陽,但冇晒對眼,當然我好努力咁二小時餵一次.我都有補奶粉,因為遲上奶,冇計喎,但丁丁二個月大之後咪又係可以全人奶.補得合宜,是不怕的,

BB健康最重要!


大宅

積分: 1646


發表於 07-2-19 11:43 |顯示全部帖子

Re: 阿B黃要補奶點算?

補得合宜真是不怕的,我bb又早產,出世5lb3, 體重跌得又多又快,又要照燈2日,7日先出院,出院得番4lb11。兒科醫生覺得餵人奶好d,但係最初都要我補奶粉,補左一,兩日,上左奶我pump到有奶至補人奶。黃的時候唔夠奶都補奶粉至第9日覆診醫生就話唔駛再補奶粉,現在兩星期多都全人奶。

我初初都怕bb敏感唔想補奶粉,但為左要全人奶搞到bb長得唔好,自己壓力大就更加冇奶。後來放鬆d,必要的時候就補奶粉,好快就多d奶啦。
耶和華是我的牧者.我必不至缺乏。Thanks God for my lovely family.


洋房

積分: 195


發表於 07-2-19 12:30 |顯示全部帖子

Re: 阿B黃要補奶點算?

nikitac 寫道:
我阿B 果時要每星期到健康院check 黃,密d 餵奶有助退黃,我果時兩個鐘或兩個半小時就拍醒佢食奶,make sure 每邊食到最少十五至二十分鐘,餵晒兩邊。

咁我想問你阿B係咪好快退黃勒?每邊食15-20mins,咁食吾食到後奶?我每次只餵一邊,下次輪到另一邊,可以嗎?同埋阿B 食30mins後你地會吾會再pump清D奶?因我餵後仲覺得谷喎 ?-(


洋房

積分: 195


發表於 07-2-19 12:35 |顯示全部帖子

Re: 阿B黃要補奶點算?

bbpooh 寫道:
晒太陽都有效,但要脫晒衫褲,丁丁未滿月時,丁爸經常這樣做,因丁丁出院頭幾日要日日返健康院CHECK黃,我地唔想佢入院,結果丁爸就同佢晒太陽,但冇晒對眼,當然我好努力咁二小時餵一次.我都有補奶粉,因為遲上奶,冇計喎,但丁丁二個月大之後咪又係可以全人奶.補得合宜,是不怕的,

BB健康最重要!
脫晒衫褲連片都吾用?怕吾怕冷親?


大宅

積分: 3540


發表於 07-2-19 17:36 |顯示全部帖子

Re: 阿B黃要補奶點算?

cancam,
我很明白你的心情, 我7個半月前都係咁, bb又黃又成日掛住瞓, 每次餵人奶都瞓到死豬咁, 但黃又唔退, 大小便又唔夠, 兒科醫生要我補奶粉, 婦產科醫生又勸我唔好咁緊張, 於是都係醫院乖乖地補奶粉, 但係我好唔開心, 覺得自己好無用, 又唔知可以點, 因醫生嚇我一定要食奶, 當時選安嬰兒A+, 間中泵奶補人奶, bb照左一日幾燈, 醫生話可以出院, 但每星期仍然到健康院check, 三星期後話冇事
回家頭兩天堅持全人奶, 第三朝零晨覺得好倦, 成個人散晒,我陪月阿姨幫我開了一次2安士奶粉俾bb, 自那唯一一次開始, 我心情突然豁然開朗, 認為真係唔夠奶咪最多補少少奶粉囉, 成個人放鬆晒, 反而唔再擔心任何事, 之後一直全人奶至今日, 所以我唸心情及身體最緊要
加油努力!!!!


大宅

積分: 2457


發表於 07-2-20 01:17 |顯示全部帖子

Re: 阿B黃要補奶點算?

我阿B 黃到個半月大之後就無事lu。每邊要正正經經的食到15-20 分鐘,不計睡著覺。

>我每次只餵一邊,下次輪到另一邊,可以嗎?

可以。我每次餵完奶已很累,沒有精力去泵奶了。

首頁
1

尾頁

跳至
你需要登錄後才可以回帖 登入 | 註冊