跳至

首頁
1

尾頁
   0


大宅

積分: 1032


發表於 07-2-20 19:04 |顯示全部帖子

點算呀?22個月啦!BB仲係好認人!怕生步!

見到D親戚好似顚左咁,係度勁 :-( ,唔知BB係唔係心理有問題,仲有呀!BB好硬頸呀!見到想要個樣野就一定要取到,如果唔比,又係用個招----勁 :-( 勁尖叫,真係搞佢唔掂呀???


大宅

積分: 1074


發表於 07-2-20 22:34 |顯示全部帖子

Re: 點算呀?22個月啦!BB仲係好認人!怕生步!

唔使擔心啦!我細孖都係一樣,但係大孖就唔係,有d係天生.

rebecca


大宅

積分: 2079


發表於 07-2-20 23:04 |顯示全部帖子

Re: 點算呀?22個月啦!BB仲係好認人!怕生步!

Brandon就唔係好怕陌生人同見得少的人. 但都係一樣硬頸同固執. 脾氣有時都幾大. 都係不滿時鐘意尖叫. 有時仲打人. 叫佢同爺爺講恭喜發財. 佢話"唔恭喜" 心情好時就肯講. 最近特別暴躁. 我都 好百厭. 要講道理先平靜. 要點對付? :-( 有時氹得人好開心. 有時激到斷氣 :cry:


大宅

積分: 1708


發表於 07-2-21 13:00 |顯示全部帖子

Re: 點算呀?22個月啦!BB仲係好認人!怕生步!

而家 d 小朋友真係好難教. 我個人處理方法, 有時會同佢講道理, 不過有d 道理講得太多, 就唔會再講, 直接鬧, 或者有時會罰佢企. 有時亦會扣減佢原本有o既福利.

例如原本答應同佢買玩具, 唔聽話就唔買. 或者原本佢係有糖食, 就唔比佢. 扣減同獎勵係唔同. 扣減係原本有, 但係因為唔聽話, 所以冇左. 但獎勵就係做得好先會有. 再比佢知道係有分別.

小朋友最叻就係另大人尷尬同唔開心, 我地先要處理自己個情緒, 繼而處理佢地個情緒. 我自己脾氣都唔好, 我發現如果我同佢一樣發脾氣, 件事就會好難攪, 而且解決唔到. 我而家會迫自己深呼吸, 自己平靜左再同小朋友講, 頭先件事要點處理. 而家我個女一見到我忍住道氣, 佢就會學左我深呼吸.

至於怕陌生o既問題冇辦法, 一定要多 d 帶佢出去. 唔係同佢買送咁簡單, 因為佢地已經大個, 係要有正常o既社交圈子. 佢地要同其他小朋友相處, 先會有改善. 當佢地見到其他小朋友係好定唔好, 佢地會眼甘甘睇住, 咁我地就要教佢分析好與唔好喇. 多 d 同小朋友相處, 一齊玩, 對佢地個情緒, 情格發展, 對人處事都會有進展.

比小朋友番 playgroup 有少許幫助, 但因見面時間太短, 所以效果唔係太明顯. 如果可以, 請考慮比小朋友番幼兒學校, 果度可以教到小朋友同人相處, 紀律等等. 學說話, 自理等等都會有幫助.

而家 d 小朋友o既成長, 絕對快過我地預期, 所以一定要同佢鬥智, 我地要不斷諗有咩方法對付佢地. 只要用o岩個方法, 佢地就會貼貼服服.


民房

積分: 9


發表於 07-2-21 20:53 |顯示全部帖子

Re: 點算呀?22個月啦!BB仲係好認人!怕生步!

我亞女都係怕生保,一見陌生人或者一d少見的人都會即刻好似隻樹熊咁攬實我,不過已經比細個d果陣好好多喇!希望佢繼續進步啦!

首頁
1

尾頁

跳至