nikinokb 寫道:
請問....我成日都會自己亂諗野...
例如...我成日諗如果老公死左,我點算.
仔仔有咩事..我點算?之後就會自己喊,
喊左1分鐘就會同自己講>痴左線牙,又諗怪野
但我就係會成日諗,出街又諗下自己比人殺會點...
成日覺得自己有病E唔好會幾時死
(我有朱古力瘤,E左半年都未好返.
唔想做手術,1個月痛1個星期倒)
成日諗無錢點算好,
(銀行得返2千蚊,下個月頭唔知點比錢媽咪)
夜晚唔訓係度計下d錢得返幾小
(我同老公分開住的,唔想多提,只是分開住,5年只返過黎3次)
佢每個月都會比錢我,但佢每日早上8點返學,9點半放學
10點返屋企食個面又出去返工,返到夜晚11點返屋企
再做功課,做到2點都未訓,1個月放2日假..
我覺得我累左佢,搞到佢好辛苦.佢對我好好
所以我更加覺得自己係衰人...
我有朱古力瘤企得耐小小都痛,隻腳風濕關節炎
返工我真係頂唔倒..好痛...每個月花2000食中藥
但都無咩效.覺得自己錢又搵唔倒,仲累人累物
我有個仔,1歲7個月,我湊佢唔掂,焗住返呀媽度住
(有屋可以比我同仔仔兩個人住,但我驚黑.咩都驚)
我怕所以返呀媽度住,比得小錢呀媽,$2500一個月
成日比佢鬧,呀爸又係,成日叫我唔鍾意就走
話如果我唔返佢地度,個仔一定湊唔大
話我無用.話我黑心唔理個仔,話我餓死
話我出到去難命一條賤過泥.無人要無人理
我好唔開心,佢地2個老人家其實心地好好
但把口好衰..我知佢地好錫我個仔,都對我已經好好
佢地係大陸人,唔知傷人個心,但我真係好唔開心
我個肚好痛..我真係好無用.點解我要有病...
佢地只係話我1兩句我已經好辛苦會喊...由個仔出世開始
我已經日喊夜喊.又同老公講我想走..但我又怕事
我驚1個人睇唔倒個仔..我驚我個肚痛會忍唔住打個仔..
我同老公好窮..真係得2000蚊...無其他...
下個月我真係唔知點好...我唔可以比香港知我無錢拎政府野
因為我老公係美國搞緊我同個仔去住,(老公係美國搵錢)
比佢知我地拎香港政府錢佢唔比我同個仔去美國,
我好想走..但我又怕事..我覺得自己好無用
想出去做野搵錢,但個仔又無人湊...
請工人我無資格,比其他人湊我又覺得佢地會對我個仔唔好
怕會有人想殺我個仔..因為由有左到仔仔出世大家都好反對
老公媽咪到依家都末見過我,佢想我落左個仔
到今時今日都無見過我同個仔,又話要驗dna,又話我呃佢個仔
雖然依家已經無講d咩,但我仲會諗住,,一諗又好唔開心.
結婚咩都無,簽個字又算,相都無影過,因為根本無錢
我係咪要去睇e生?但我無錢,..真係無,...
我唔想再浪費老公d錢...其實我係咪有病?
我當個仔係我命根...佢有事我一定陪佢去死!
我只係得返我個仔陪我嫁咋...
我知自己諗野有問題嫁..但我控制唔倒呀..
有無人幫下我呀??
我同老公都係得21歲