夫婦情感

跳至

首頁
1

尾頁
   0


男爵府

積分: 6171

大廚勳章


發表於 07-2-22 14:16 |顯示全部帖子

年三十同老公嘈左2次 ~

我既結論係最憎過農曆新年!

年廿八開始清潔屋企... 得我一個人清潔, 因老公要返工, 做得很辛苦, 但其實無怨言, 因為係自己屋企. 有盒2磅餅, 是去年(新年)62話買俾阿b食, 但果時我個仔得6個月, 點食?? 果盒餅完全冇開過, 但已經過左期.

事後就同老公講,叫62 99 今年唔好再買野俾阿b食, 因為佢食唔到2磅餅, 原意是無謂浪費, 因近期我老公又係99度拿了一盒餅回來, 我就再話, 一盒都冇食, 又多拿一盒回來, 到最後是垃圾桶. 但我老公唔同意, 因為是一番好意, 唔可以唔收, 就係咁, 大家就為左小事嘈.... 諗返起都白痴, 早知一過期就倒入垃圾桶, 免嘈!

年三十, 例牌要去99度食飯...... (最憎!!!!) 今次最經典, 話左7點食飯, 次次都要搞到遲1-2個鐘至有得食, 大佬呀... 未有得食, 早出聲, 等我落街俾左個仔食左先, 唔使佢係咁嘈!!!

佢果度地方細都算, 佢果度連櫈都唔夠, 開飯時, 我們一家(包括我老公)都冇位坐, 但都冇人理, 我個仔就坐係車仔度食, 我就坐係小朋友櫈仔度食 (P.S. 我大緊肚都冇人俾個位我坐!), 一路餵個仔, 一路食, 果班友就自己食自己, 呢D咁既團年飯, 食唔食都擺. 大伯2伯果D仔女(幾歲), 每人坐一張櫈, 明知唔夠櫈, 就張就下, 但冇喎, 各有各食...

就係咁我同老公complain, 我老公就好上身, 話佢做仔唔掂, 就咁嘈左一晚... 之後我同我老公講, 以後我會食左野至上去佢屋企, (好彩係咁, 因年初二佢地話1點食飯, 到最後3點至開飯, 唔係餓死我地!) 只係上去坐一坐就算, 無謂為左食d唔好食既飯而嘈, 我食少佢一餐好過同老公嘈. 或者下次我唔去, 等老公同個仔去, 反正佢地都係想見我個仔同佢個仔啫......

農曆新年既飯局對我黎講不是團聚, 而是應酬.... 所以我最憎!


男爵府

積分: 6040

醒目開學勳章


發表於 07-2-22 14:29 |顯示全部帖子

Re: 年三十同老公嘈左2次 ~

你大肚無得坐,你老公唔出聲都得,你99o的仔都好得喎,完全唔理你地喎,比我就扮肚痛要坐櫈,


伯爵府

積分: 15430

好媽媽勳章


發表於 07-2-22 14:32 |顯示全部帖子

Re: 年三十同老公嘈左2次 ~

SEricsson,

算啦, 我老公屋企都係咁, 有時話8時食飯, 但等得人齊黎又要整呢樣整o個樣, 吱吱坐坐咪又係成9時先食, 但人總會係咁, 你有時預左幾點出門口, 都可能會因外在環境因素而推遲, 至於要你坐小朋友櫈就好似過份左, 但你有冇暗地裏同老公講, 叫佢搵將大人櫈俾你坐下咁呀.


男爵府

積分: 6171

大廚勳章


發表於 07-2-22 15:02 |顯示全部帖子

Re: 年三十同老公嘈左2次 ~

我老公係最細, 邊度會出聲, 再講, 我老公唔會咁細心!


男爵府

積分: 7747


發表於 07-2-22 15:05 |顯示全部帖子

Re: 年三十同老公嘈左2次 ~

我覺得同99屋企人食飯既感覺係仲慘過應酬. 應酬都話係食完就算, 唔鐘意就去少d, 但同99屋企人食飯就幾唔鐘意都要由頭笑到落尾.


伯爵府

積分: 15430

好媽媽勳章


發表於 07-2-22 15:46 |顯示全部帖子

Re: 年三十同老公嘈左2次 ~

SEricsson,

你老公係最細, 咁咪收番好多封利是咯, 算啦. 男人成日都唔細心, 所以女人有乜野, 真係要攤出黎講, 好過屈屈埋埋係個心度. :wink:

SEricsson 寫道:
我老公係最細, 邊度會出聲, 再講, 我老公唔會咁細心!


別墅

積分: 532


發表於 07-2-22 17:07 |顯示全部帖子

Re: 年三十同老公嘈左2次 ~

我最憎係明明講好7點開飯,點知去到又要左等右等咁,差唔多次次都要2粒鐘後先開得飯,離晒大譜。詐型都無用,個c6只會依依哦哦咁應下你,有時睇到我面色急轉直下,只會係咁意咁tum下叫等多一陣。等到個人都火晒,乜胃口都無


男爵府

積分: 5929


發表於 07-2-22 17:14 |顯示全部帖子

Re: 年三十同老公嘈左2次 ~

我食團年飯都係煩。原本正日食,但無那那個叔仔打來問我年29做什麼,我就咪又係咁過啦,問我會不會約了人,會不會在家食飯?我說就算約了人與無約人都要食飯的啦,但我個女有piano上,故唔會約人。跟著他收了線。轉個頭我奶奶就打來說團年飯改做年29食,我問點解?因為大家係年30都係休息,點解要咁趕?

她說我叔仔的女朋友年29收早,年30要返工,要就她所以要早一日食。我問點解要就她,我奶奶就話是但啦。唉..就她,但就煩到我,我返得工回家都要成7:00pm,我們仲要去大埔食飯...成家係個日要滾水碌腳的上完piano class就要趕頭趕命去大埔食飯,仲要就個女仔...

我食完都背脊骨落。我奶奶問我食唔食得飽,我說唔使咁趕的話,或者會好好多。總之就係煩。

我叔仔話一,我奶奶永遠唔會話二的。總之就算個仔成日話個亞媽都好,我奶奶都係唔出聲的。但我們比多些少意見就會話我們唔孝順成日激她呢..唉..


複式洋房

積分: 357


發表於 07-2-22 18:02 |顯示全部帖子

Re: 年三十同老公嘈左2次 ~

其實大家都有自己的道理. 不過我覺得食團年飯的意義除咗食之外, 應該係有一家團聚的意思, 點解要開飯先到, 唔開飯就唔可以到呢. 我老公又係咁, 就算佢返自己屋企都係咁. 不過我又唔係咁諗, 人大咗, 見到d長輩一個一個咁離開, 都有多少感慨 (其實我都唔鍾意我99d做事手法, 不過人都唔係度就無謂講), 而家得番62, 其實同佢d家姐見面時間都小咗, 有時成個月都唔返去一次. 其他親戚就唔在話吓 (自己嗰d都係), 總之上一輩的都好小見, 總係要等到有人搞喜事或者過年過節先見到, 如果連呢d機會都唔把握, 就好似斷六親咁 (以前細個亞媽都會約埋舅父阿姨成班表兄弟姊妹一齊出來玩, 但人大咗就各有各忙, 不竟大家都各自有家庭), 而家都係靠過年大家一齊去舅父屋企見吓面, 聚首一吓, 我舅父屋都好細, 大家唔夠坐都係有d企係度食, 但係大家都無介意過, 總之大家都珍惜呢個一年一次的家庭聚會. 總之要珍惜啦.
至於話大肚都無人埋要坐小朋友位屈住屈住, 我覺呢個完全係你同你老公的責任, 如果連你老公都唔理, 又點可以怪其他人呢.


男爵府

積分: 5551


發表於 07-2-22 18:12 |顯示全部帖子

Re: 年三十同老公嘈左2次 ~

我屋企都係咁~~
次次個大伯話有事咩,
62,99一定就哂佢地,
我地咩,理得你死,
講明收唔倒工番黎
咪黑面lo,又單打你lo~
唉...同人唔同命啦 :-( :-(
Love is True~ :-D


大宅

積分: 4213


發表於 07-2-22 20:33 |顯示全部帖子

Re: 年三十同老公嘈左2次 ~

同意!
其實邊個忙咪就邊個囉∼第二日右唔係唔得閒.
我媽子都好偏心的,但我唔會理,最重要係o個個人來到的話,我阿媽開心就足夠! :-P
佢地都到晚年啦..無謂計較,年紀月大就月煩,不要為左一啖氣要同佢地鏈過囉.


複式洋房

積分: 363


發表於 07-2-22 20:39 |顯示全部帖子

Re: 年三十同老公嘈左2次 ~

係咁架啦! 我個老公個邊兄弟姊妹又多,又多是非。尤其我係第一個新抱,俾人「話」都話死。過時過節我要返工,99可以打俾我叫我就佢地食飯,要早d放工,我話唔得,佢話我唔尊重佢地,叫我唔好做,我話你養我呀 ? 我咪同佢嘈,宜家我地終於反面。我死都唔會認錯,因為係佢錯。試過之前就佢地啦,點知仲要俾人話我扮野。 所以我宜家就算個心有條剌,我都唔會認自己有錯,因為我真係想唔到有咩理由我係錯。我宜家唔理佢地架啦! 我結婚咁耐,佢地就當我工人咁用。我宜家搬左,又有自己份工,我唔會再俾人點。


複式洋房

積分: 101


發表於 07-2-22 22:39 |顯示全部帖子

Re: 年三十同老公嘈左2次 ~

食物可捐去聖雅各福群會, 無謂放到過期浪費, 團年飯一年一劑忍耐吓, 香港地寸金尺土, 我哋返齊有二十幾人, 老人細路至有櫈坐, 年輕力壯夾注餸要彈開食, 其實煮嗰個最辛苦, 煮完都無胃口食


琥珀宮

積分: 152003

秋日勳章 炎夏勳章 遊學勳章 春季勳章 趣教勳章 冬日勳章 畀面勳章 環保接龍勳章 大廚勳章 親子達人勳章 wyeth冷知識勳章 叻叻勳章 有「營」勳章


發表於 07-2-22 23:24 |顯示全部帖子

Re: 年三十同老公嘈左2次 ~

我老公唔係hk,我自己一個帶囡囡返99屋企食開年飯,囡囡平時6點半就食飯,但99果日同我姑仔話食左年糕,所以一D都唔肚餓;餐飯等到9點幾先有得食 我又無帶野俾囡囡食,囡囡已經叫左好多次肚餓,99當聽唔到!到開飯時,先至話“我唔記得xx未食飯” 我又唔可以出聲!
所以我最怕去我99屋企食飯 :tongue:
My Two Princess


大宅

積分: 2417


發表於 07-2-23 01:33 |顯示全部帖子

Re: 年三十同老公嘈左2次 ~

SEricsson,

我覺得你有你的道理, 你老公也是很難做的, 佢好難佢絕d老人家, 你咪收左盒餅, 自己食又好, 送比人又好, 無謂嘈。

至於佢d屋企人唔比個位你, 確係怪, 你又大肚又有bb, 你d62,99同大伯咁唔識做, 但係作為你老公真係好難開口叫人比個位你。

我都化晒, 我99成日叫我攞呢樣攞個樣, 我老公拒絕都硬要比佢, 試過有一次硬要我攞底3斤幾重既糕返屋企, 長途跋涉,個日得我一個人, 咩住個1歲既女, 拖住個3歲既女, 仲要我攞住底3斤幾既糕, 上車落車, 又要轉車, 你話我99係咪有 問題??我好激氣, 我落到街將底糕掉了。佢知我唔中意攞野走, 就靜雞雞塞左6大個橙比我個女攞走。於是我嬲得滯, 下令我d女唔準向我99到攞任何野。, 所以e+等我來拒絶, 99知我唔中意, e+都好少叫我攞野走。

我99屋企遲開飯都係例牌, 慣lu, 最緊要唔好傷到你同老公感情, 你過多幾年就慣, 開心咪多d上去食兩啖, 唔開心咪淨係過節先上去應酬囉 !


侯爵府

積分: 23569


發表於 07-2-23 03:32 |顯示全部帖子

Re: 年三十同老公嘈左2次 ~

我以前都係拒絕唔到, 拎左就要受佢恩惠, 成日有說話聽, 唔拎又比佢話我矜貴, 咩都唔要, 想對我好都唔得!!

於是我乜都話我事事聽老公(即係佢個仔)講, 佢叫我拎乜野都好, 我都會話叫老公黎拎, 等老公去reject佢, 起碼我同99唔使反面, 而家係佢個仔唔要佢d野, 唔關我事!! 佢要講都只可以講佢個仔, 唔可以講我!!
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!


大宅

積分: 2417


發表於 07-2-23 13:02 |顯示全部帖子

Re: 年三十同老公嘈左2次 ~

小寶貝兒 寫道:
我以前都係拒絕唔到, 拎左就要受佢恩惠, 成日有說話聽, 唔拎又比佢話我矜貴, 咩都唔要, 想對我好都唔得!!

於是我乜都話我事事聽老公(即係佢個仔)講, 佢叫我拎乜野都好, 我都會話叫老公黎拎, 等老公去reject佢, 起碼我同99唔使反面, 而家係佢個仔唔要佢d野, 唔關我事!! 佢要講都只可以講佢個仔, 唔可以講我!!


你老公肯拒絶就ok無問題, 但我老公就係唔識, 費是令佢難做, 寧願我同99d關係唔好, 好過同老公關係唔好。住得近都無所謂, 長途跋涉咁。起初結婚頭幾年都有同老公講唔好拎野, 因為要帶住兩個女返屋企, 好辛苦, 但佢都係話99錫我地, 所以咪順下佢意, 我都無謂再講, 令佢左右做人難。

首頁
1

尾頁

跳至
熱門主題