夫婦情感

跳至

首頁
12

尾頁
   0


洋房

積分: 85


發表於 07-2-23 13:41 |顯示全部帖子

唔開心,想離婚

和他結婚已差不多十年,一直以來也有爭吵,不是為他家人,就是為子女,有時更為工人而吵架,總之就是問題多多.
一直以來,我都很不滿他愛家人.朋友多過愛我,在其他人眼中,他是一個好好先生,凡是對人非常慷慨,又多多遷就,唯一只是對我呼呼喝喝,完全不留情面.他常說:"駡你是教精你,塞錢入你袋."
在未結婚之前,我已知他是一個"絕頂孝順仔",阿媽說一,他不敢說二,阿媽有吩咐,他立即去做,從不怠慢.
他亦是一個"絕頂大男人",從不揹仔女,未試過同仔女換片,餵奶.又不做家務.
在農曆年前,有幾次在仔女面前同他吵架,他很硬淨,從來吵架都不哭,而我每次都哭出來,阿仔更前來安慰我不要哭.甚至到夜晚也睡不著.更有一次更哭得雙眼也腫了,沒有上班.
他脾氣不好是經常的,也是他的性格,每次他發完脾氣後,過一兩日後都會沒事了,但過不久又再發脾氣.以前每當他發脾氣,我會默默忍受,不作聲,只在心裡怒他,不理睬他,不和他吵,自自然然就無事.但近幾年不知怎的,我已變了,每次他發脾氣,我會和他頂咀,駡他,事情因而越閙越大.
就在農曆年前,在吵架期間,他突然說要同我"離婚",又說不想回這個家,不喜歡對著我,但最後也沒有實踐,拖拖拉拉的又沒事了.自此以後,心裡總有條剌,一有不快或吵架時,必想到離婚.而他的脾氣依然沒有改.
今天,又跟他吵了.在茶餐廳吃早餐,找了個卡位,我就把手抱的女兒放在座椅上,怎知我來不及坐下,個女已把頭伸入座椅間的空隙中,幸好我及時把她拉住,才沒有跌下去.這時,他就在大庭廣眾面前大聲駡我不小心看管個女,每次都是我不小心,我這時也十分氣憤,駡他為何他不來湊,只一味怪我.最後,他竟說:"我廢事同你食嘢"一句就走了,上班去了.而我的眼淚就從眼眶中不斷湧出,直至回到家中,我仍忍不住的哭了出來,且一面哭,一面打這段話.今晚我又睡不著了,我又會哭了.
總之,類似以上的事件沒完沒了的發生,每次吵架後,我都對自己說以後不再理睬他,不再為他哭,但每次我也做不到,也會不開心,流淚,這是否表示我仍愛他?
但如果我跟他離婚,會否會開心些呢?
對於他的脾氣,我真的忍無可忍了,我可以怎樣做?他的無動於衷,我實在咬牙切齒,為什麼他會這樣?拍拖時他不是這樣的.我真的十分心痛....心痛,,,,,,眼淚不住的流下


別墅

積分: 532


發表於 07-2-23 14:00 |顯示全部帖子

Re: 唔開心,想離婚

我相信佢都係緊張個女才一時口快快話『唔想食,要走』.....唔係有心的。你識佢個時都是這種性格,難道你由拍拖開始就期望他婚後會改變嘛?你老公是易發脾氣的人,佢發緊個時乜都會鬧,乜都會講,有時仲要講d好hurt,聽完令你極之難受既對話,但過左啖氣後,轉頭佢又會若無其事,呢d都是佢衝動的性格所致,咁唔代表佢唔愛你喎,所以唔需要講到離婚咁嚴重。
我之前個男朋友都係咁,不過....我每次都有辦法對付佢。最common就係當佢發脾氣時,唔理佢由得佢發,等佢發完之後主動撩你講野,但係你都唔好理佢,一副唔想講的樣子,又或者『哦』一聲應完就算,俾佢知道你是真的不滿意他的態度,看看情況可唔可以改善~


子爵府

積分: 11739

好媽媽勳章


發表於 07-2-23 14:01 |顯示全部帖子

Re: 唔開心,想離婚

你不要傷心啦,離婚並不是最理想的解決方法,其實,兩個人的關係好難話點至算好及完美,但如果唔開心o既,就最好講出o黎,因為唔同佢講你唔like佢do野,佢就會以為你accept 倒佢呢個行為,當然,講完都唔一定會改好,正所謂"江山易改,本性難移",但如果佢仲緊張你及小朋友,佢應該會收歛d。
但如果最後佢都無改善,你才考慮其他方法,如分開房o訓,希望佢明白你對佢的不滿已經到了無可容忍的地步,最後才決定離婚吧


子爵府

積分: 11739

好媽媽勳章


發表於 07-2-23 14:17 |顯示全部帖子

Re: 唔開心,想離婚

moonchacha 寫道:
最common就係當佢發脾氣時,唔理佢由得佢發,等佢發完之後主動撩你講野,但係你都唔好理佢,一副唔想講的樣子,又或者『哦』一聲應完就算,俾佢知道你是真的不滿意他的態度,看看情況可唔可以改善~

呢個都係我對付老公的方法,可以一試,但你d EQ一定要有返咁上下


禁止訪問

積分: 67524


發表於 07-2-23 14:29 |顯示全部帖子

Re: 唔開心,想離婚

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


子爵府

積分: 14900

好媽媽勳章


發表於 07-2-23 15:28 |顯示全部帖子

Re: 唔開心,想離婚

我好明白你呀,因為我老公都係咁既人,少少事就對我鬧鬧鬧,不過我巳經習慣了,我都好了解佢,人係冇十全十美,可能你老公巳經比我倨死佬好好多,我老公發脾氣時,咩都講得出,仲要o係屋企係咁掟野,又講粗口,不過近呢一年,我巳經有左應變方法
佢粗口時,我就"哦哦哦"
佢鬧緊時,我就"嗯,係我唔岩,我知喇" / "嗯,我錯喇"
佢掟野時,我就極快手咁執番好哂d 野
最重要係佢無論做d咩,你都笑笑口咁,當佢發脾氣發得7788時就問下佢"老公,要唔要飲下水咁呀,睇黎你仲有排鬧呀,我怕你口渴呀~"之後佢就會死哂狗,萬試萬靈,仲會乙水番我轉頭~
其實當你嫁左俾一個脾氣大既人,首先唔好諗住改變佢,因為改變一個人係好難既事,你想改變人之前就首先改變左你自己先,你自問自己係咪十全十美先?!如果唔係既就盡量改變左自己,再去睇下點去應變下一次既嗌交/佢發脾氣~一次唔得唔work 咪下次囉,最緊要係你自己唔好勞氣,你明知勞氣完激心完都冇用既,做咩要搞到自己咁啵,傻豬,最緊要都係"笑笑笑~
希望可以幫到你啦,唔好少少事就要離婚呀,建立一個屋企係好難,唔好俾呢d少問題就搞到自己白白放棄了親手建立既家呀~


公爵府

積分: 28397


發表於 07-2-23 15:47 |顯示全部帖子

Re: 唔開心,想離婚

candybbnow


你EQ極高....


翡翠宮

積分: 76971


發表於 07-2-23 15:48 |顯示全部帖子

Re: 唔開心,想離婚

Mmm....

我想你要知道佢每次鬧完交你都會喊, 好明顯你都仲在乎呢個人既存在, 我相信到有朝一日你麻木不仁時, 佢鬧你, 你d眼淚都唔曉得掉下來既時候, 先至係你真的心淡了 :cry:

我想話你知, 每對夫妻都有不和既時候, 你既case只係冰山一角啫, 無須用放大鏡黎睇件事 :cry: 你家陣會反駁佢係因為佢已經觸及到你既底線, 其實有樣野你要欣賞下你老公的, 佢須然成日鬧你, 但起碼你知道佢個人無仇恨心, 發洩完belibala完後訓醒覺就當無事發生, 其實呢樣係佢優點黎, 又或者你係受害者所以睇唔到/唔懂得去欣賞佢呢樣野, 但我想你知道, 與其日吵夜吵, 倒不如向佢既優點學習, 吵完大家反醒一下, 大家邊到有唔著既地方須要改善, 咁先至可以白頭皆老, 否則即使比你兩個再有第二春的話都只會重蹈覆轍咁將個問題又一次反應出黎 :-| 我建議你搵日平心靜氣去同佢討論下啦, 唔得就要傳紙仔方式, 你既case我都唔係未試過, 只不過提出離婚既人係我而唔係我老公啫 男人對自己老婆唔細心都唔只係你老公先會架 :-( 我家陣都學緊凡事向好個方面諗, 著眼佢既優點真係會鬧少d交架 :cry: :cry:


子爵府

積分: 14900

好媽媽勳章


發表於 07-2-23 16:10 |顯示全部帖子

Re: 唔開心,想離婚

jojoplanet 寫道:
candybbnow


你EQ極高....


nonono~其實我唔係eq高,相反我eq係好低,就係因為知道自己eq低,如果我少少事都同佢一樣佢嘈我又嘈,咁唔想頭家散都幾難啦,佢發脾氣掟野係o係我身上學番黎,我以前發脾氣,我會咩都唔理又打又鬧又掟野,不過現家知道咁樣做,頭家就會冇,先學會點控制自己~
初初既時候係好難好難,會係咁死忍難忍,唔出聲,但唔出聲,佢又會話我俾面色佢睇,又會話我"西"面,之後我就慢慢嘗試,終於都做到"你嘈咪嘈囉,我就唔理你咁多,你鬧我當你唱歌仔",慢慢次次佢發完脾氣之後,我就會好似教仔咁"你知唔知你咁做係唔岩架" "你頭先咁講會hurt 親我架" "你頭先咁惡死,現家我要你煮野俾我食"~


子爵府

積分: 14900

好媽媽勳章


發表於 07-2-23 16:12 |顯示全部帖子

Re: 唔開心,想離婚

差d 唔記得講埋,佢發脾氣時,你應該第一時間開著屋企既電視,因為咁會分散你自己既注意力,我成日都一路睇電視,一睇用第3隻耳仔聽佢講d咩~


公爵府

積分: 28397


發表於 07-2-23 16:26 |顯示全部帖子

Re: 唔開心,想離婚

candybbnow

但係講粗口就好唔得囉..我覺得好侮辱如果有小朋友會教懷佢..不過你個辦法係好過一齊閙..


子爵府

積分: 14900

好媽媽勳章


發表於 07-2-23 16:30 |顯示全部帖子

Re: 唔開心,想離婚

jojoplanet 寫道:
candybbnow

但係講粗口就好唔得囉..我覺得好侮辱如果有小朋友會教懷佢..不過你個辦法係好過一齊閙..


現家個死佬巳經改緊,用生果代替,不過有時掉轉幫佢諗下都真係好難改,佢做運輸果d,日日見住d人,句句都有2 3個粗口咁...唉,不過都巳經好叻架喇,有時我會好似教仔咁"嘩,老公你好叻呀,唔講粗口"...唯有係咁架咋~


洋房

積分: 85


發表於 07-2-23 16:36 |顯示全部帖子

Re: 唔開心,想離婚

好多謝大家給我的意見,現在我的心情已平復些了.
不過,每次他發脾氣之前,主要是他說話的語氣很重,大聲兼嚴厲,令我受不了我才反駁他,而終致吵架收場.例如你問他明天會否早收工,他會答"鬼知呀"總不能好聲好氣的說,有時更不回答你.
他也不甚懂得哄人,拍拖時也少甜言蜜語,就算於吵架後也是.
回過來想,如果每次也要忍,也要受他的氣,實在需要很大的忍耐力,是否兩夫妻真的很難達至和諧?
我想我們在很多方面也不太夾,包括價值觀,做人處事,喜好等...


洋房

積分: 85


發表於 07-2-23 17:56 |顯示全部帖子

Re: 唔開心,想離婚

想補充多句:
佢發脾氣時,不管何時.何地.在何人面前也照發顛可也.經常在子女(一子一女)面前,又試過在工人面前,甚至在大庭廣眾也照發脾氣可也.也試過跟他談過這問題,但始終也沒有效,總之一發脾氣就不可收拾,什麼也忘得一乾二淨.被他這個駡法,你說還有尊嚴嗎?真丟臉!
我發覺自己也有些反常的表現,以前被他駡,總是很能忍,不作聲,但內心卻難受,不快樂,彼此的吵鬧少!不知是否被他駡多了,現在見到他,也有些怕他,有時見他樣子嚴肅時,更不敢與他談話.接近,怕他一開口便駡人.若然他真的開口駡我,我亦不期然的不甘心被他駡而反駁,大家便吵起來.自己的脾氣也越來越不好.
也不知是否遺傳,個女的脾氣也不好,一不喜歡就擲東西,又懂得"戀地".
除非大家都上班去,放假時相處的機會多了,定會有磨擦,一星期至少會吵一至兩次.
如果繼續這樣下去,大家會越來越疏遠,感情會越來越淡,結果會是......
真可悲!!!


大宅

積分: 1179


發表於 07-2-23 22:47 |顯示全部帖子

Re: 唔開心,想離婚

[quote]
bkfans 寫道:

你唔好再期望鬧交後佢會


子爵府

積分: 11965

好媽媽勳章


發表於 07-2-23 23:15 |顯示全部帖子

Re: 唔開心,想離婚

其實由你認識你老公開始...佢脾氣你已經好清楚...佢對佢家人好...你唔係結左婚先知道...你覺得你老公既脾氣越黎越唔好...點解會咁...會唔會係佢工作上既壓力...或者佢見你脾氣唔好...成日搵一d野黎嘈...例如佢家人...佢朋友...而且你都話你既脾氣越黎越唔好...大家磨擦既時候...就傷害大家既感情...因而佢開始對你越黎越差...由你同佢結婚之後...就係兩個家庭...兩個唔同環境長大既人結合...佢唔係你...你唔係佢...每個人都有自己既思想...生活...性格...大家要互相遷就...如果你唔願意行出第一步...佢都唔會行出第一步...試下心平氣和傾下...講出你既感受...亦都聽下佢既感受...



[url=http://lilypie.com][img]


大宅

積分: 3625


發表於 07-2-24 02:47 |顯示全部帖子

Re: 唔開心,想離婚

不如你試


民房

積分: 52


發表於 07-2-24 04:58 |顯示全部帖子

Re: 唔開心,想離婚

[quote]
lawmiki 寫道:
不如你試


子爵府

積分: 14900

好媽媽勳章


發表於 07-2-24 10:23 |顯示全部帖子

Re: 唔開心,想離婚

agree 呀,乙水 呢樣野真係好重要,唔好以為男人唔需要 乙水,其實佢想俾人 乙水 既需要高過好多女人,你睇下幾多男人包2 奶 就知啦,一黎好色,2 黎上面既女人識得"柔情似水"~


公爵府

積分: 26011

2019新春慶豚圓


發表於 07-2-24 11:58 |顯示全部帖子

Re: 唔開心,想離婚

係男人都鍾意人氹, 鍾意人錫, 鍾意女人溫柔呵護 ...... 男人受軟唔受硬, 就算係佢地唔o岩在先, 佢地都唔鍾意女人硬 "bang bang"同佢argue, 日嘈夜嘈......

佢地唔係大男人, 而係你既"大仔"

首頁
12

尾頁

跳至