組長 寫道:
我老公平時成日偷屋企錢,
次次出糧都話比人扣錢,
本來6000蚊人工,
但月頭出糧次次都有借口比人扣錢,
所以每月只有4000蚊左右,
搞到要去申請綜綬,
平時日日係屋企飲酒飲到嘔,
我為佢好叫佢唔好飲佢係都唔聽,
我問佢係飲完就嘔同倒D錢去馬桶有咩分別,
佢就唔出聽當聽唔到,
呀B滿月既時候親朋戚友比利是,
計埋有5000蚊左右,
佢就走去偷左千五蚊,
我問佢做咩拎左呀B利是錢,
佢就話無拎過,
屋企一家三口仲有邊個偷,
做賊既都唔會偷幾封利是留反個利是封比我啦,
我生完BB滿45日就要我搞野,
我話好痛佢就要霸王硬上王,
唔比佢就黑面,
到而家呀B一歲都係,
年三十晚比我見到佢身上有包K仔,
佢話人地比佢索唔洗錢買,
但點知咁岩果日我奶奶唔見左二百蚊,
到今日初六我去我朋友屋企拜年,
之後去我奶奶屋企食飯,
期間我老公神神秘秘要出街話去逗利是,
佢就話幫呀B逗既,
我叫佢同我同埋個仔去,
佢就話唔洗反來比一百蚊利是我,
我問佢點解無利是封,
佢就話拆左,
我問佢做咩要拆呀仔D利是,
佢就話拆咪拆囉,
因為我每年都同呀B儲利是,
所以會在利是封上寫上人名/年份/幾錢,
仲係食飯前後發現佢索K,
食完飯返屋企我朋友打比我,
話我老公偷左佢工人個電話,
我問佢點解話係我老公,
佢話佢個仔見到,
我問點解佢個仔唔出聽,
佢話小朋友會驚架麻(佢個仔得5歲),
我個朋友識左十年,
我好清楚我朋友係咩人,
同埋個小朋友真係好乖,
我問佢係點問你個仔,
我朋友話唔想大家有誤會,
來回問左個小朋友十幾次,
我朋友問:你有無講大話話叔叔呀,
佢個仔就發皮氣話:我無講大話,
我朋友問:叔叔係邊拎左工人個電話,
佢個仔就話:係工人房申隻手係上格床拎好快放入褲袋,
我朋友問:當時姨姨做緊咩野,
佢個仔就話:姨姨去左丟尿片,
我朋友問:媽媽當時去左邊,
佢個仔就話:媽媽行緊去洗手間,
我朋友問:之後叔叔做咩野,
佢個仔就話:抱反BB出房,
之後就係我老公叫我抱住個仔話去洗手間,
去完洗手間出來就話要走了,
我地走左之後佢個仔就去拎工人個電話影相,
點知拎左好來都無,
我朋友問佢個仔個電話拎左去邊,
小朋友就答比叔叔拎左.
我真係好嬲,
嬲到打比我奶奶同佢講左件事,
仲講埋我要離婚,
我同我奶奶講,
佢索K偷錢我咩都忍,
同佢講真佢就當我耳邊風,
我真係忍無可忍,
之後我老公同左佢個妹講,
佢仲同左佢個妹去唱K,
唱完之後佢個好打比我問我係咪信我個FD,
我話係因為你呀哥太多大話,
我講晒以上既說話比佢知,
就同佢講係比一個理由要我信佢無做過,
平時佢點樣我都忍,
我亦都比過最後"終局"佢,
叫佢以後唔洗反來呢個屋企我唔會要佢,
姑仔問我咁點,
我話我會同佢離婚,
同呢D人一齊無將來,
我要做單親媽媽,
要返一個似樣既家,
唔要有呢D敗類係屋企,
你地話我做得岩唔岩,
希望有人同我分擔一下. :-(
發表於 
不過睇你寫d野都係一個正常既媽媽牙.佢係d咩人你嫁比佢個時唔係噤架?你離開佢係一件好事,噤廢既人都唔會比到一個好家庭你啦!如果你同佢一樣得十六七歲,噤仲好大把青春,唔好跟佢搵個仲好。
返回列表
