論盡家傭

跳至

首頁

尾頁
   0


珍珠宮

積分: 46472


發表於 07-2-28 11:13 |顯示全部帖子

Re: 我的菲姐......

依家做僱主真係唔容易,要同工人玩埋心理戰


男爵府

積分: 6989


發表於 07-2-28 11:25 |顯示全部帖子

Re: 我的菲姐......

哈囉 ! Froggy_joe . 你講得啱. 我暫時仲需要廚師賓,所以都係睇實佢好d. 講真,我同工人相處好簡單. 我講要求,工人去做. 做得好,我覺得佢好,唔满意,話吓佢.實在捱唔住,就換人. 呢個世界,邊有話冇咗邊個唔得呀!

我請廚師賓時,也都同佢講過,我之前請過幾多印姐,請過幾多大陸工人. 因為廚師賓有成四個小朋友要養. 所以, 暫時佢都幾緊張份工.

話時話,係我屋企做,我覺得幾正0架. 我老公係內地返工.周末先返香港. 平時我返工, 工人照顧小朋友, 老人家得閒先黎睇吓. 你話,冇人管住,大把人爭住做添. 廚師賓38歲啦,我相信佢應該識得分析.
快樂的甜芋快樂的甜芋


男爵府

積分: 6989


發表於 07-2-28 11:39 |顯示全部帖子

Re: 我的菲姐......

禽晚我返到屋企,都有開心事,廚師賓整咗煎蒜蓉大虾. 開邊咁煎. 虾身鋪滿金銀蒜蓉. 美觀又好味. 話時話, 睇佢煮0既餸, 又會覺得佢好有心.
快樂的甜芋快樂的甜芋


珍珠宮

積分: 46472


發表於 07-2-28 11:48 |顯示全部帖子

Re: 我的菲姐......

睇到我都流口水,不如你開個topic,分享下你廚師賓姐的菜式啦
我一定好捧場。[quote]
甜芋 寫道:
禽晚我返到屋企,都有開心事,廚師賓整


男爵府

積分: 6989


發表於 07-2-28 11:56 |顯示全部帖子

Re: 我的菲姐......

Froggy_joe : 我地呢度講呀. 佢菜式唔多,但係好有心. 呢樣嘢我真係好多謝佢. 比如,好普通咁蕃茄炒蛋. 我見佢炒出黎. 蕃茄紅卜卜,炒蛋仲落咗浙江醋,好有賽螃蟹feel. 間唔中又會將新鮮豆腐切粒加埋茄汁焗豆同蕃茄炒埋一碟. 就係咁,好有媽媽0既感覺.

你話,都唔知佢問教會d人借乜. 等我今晚問吓佢借d嘢黎用吓先. 等我借多幾次,睇吓佢咩感覺.
快樂的甜芋快樂的甜芋


禁止訪問

積分: 803


發表於 07-3-1 08:01 |顯示全部帖子

Re: 我的菲姐......

提示: 作者被禁止或刪除 內容自動屏蔽


伯爵府

積分: 17037


發表於 07-3-1 09:05 |顯示全部帖子

Re: 我的菲姐......

GIGI 寫道:
[quote]
甜芋 寫道:

話時話,係我屋企做,我覺得幾正0架. 我老公係內地返工.周末先返香港. 平時我返工, 工人照顧小朋友, 老人家得閒先黎睇吓. 你話,冇人管住,大把人爭住做添. 廚師賓38歲啦,我相信佢應該識得分析.


妳話屋企大把工人想做 , 我估我屋企仲多工人想做, 我一家三口, 我囡已上小學, 返8放4:30,在school食lunch, 不用拿lunch box, school係屋企行15min就到 ,兩公婆返工, 屋企大部份時間無人see住佢, 早餐又唔洗煮, sat & sun都唔係屋企食, 啊囡又大我工人係味好舒服呢? ,mon to fri只要cook dinner ,但我都係之前炒左2個工人 , 都唔明d 工人想找咩工
最好就係從來我媽都唔會來, 因我媽age大, 係味咁+無人理[/quote]

我都是返晒工返晒學的屋企,佢地想搵可以日日傾電話,無人管的工,我之前那隻話在我屋企好悶,其實是她根本原全無做野,日頭全日傾電話,炒佢時,她在agent那裡說其他人(即佢既friend)都可以成日傾,你話死唔死)


男爵府

積分: 6989


發表於 07-3-1 10:02 |顯示全部帖子

Re: 我的菲姐......

早晨呀 ! 歌莉亞 & GIGI. 講真係講電話度,我凈係係工人黎到我屋企0固晚講明,電話唔可以跟身,即係煮飯喂奶做家務時,電話放係手袋,就得啦.間唔間中有朋友打黎,佢得閒時覆,我唔介意. 所以話,請到一個自我控制能力好0既工人,真係難.
快樂的甜芋快樂的甜芋


子爵府

積分: 10622

醒目開學勳章


發表於 07-3-1 13:12 |顯示全部帖子

Re: 我的菲姐......

甜芋,

報告,報告!

昨晚問陽光賓廚師賓D o野,情況已經發展到一完崇拜(約13:00),廚師賓就會走,陽光賓上個月放了3個星期日,我問陽光賓last sunday有無見到廚師賓時,佢淨係講:我...覺得呢個人俾我感覺唔好,所以我唔想同佢做朋友,呀mum唔好叫我同佢一齊啦!(一路揮隻手say no!)
佢話另一個姊妹講呀廚師賓有次叫佢o地一齊行街傾計,陽光賓就話佢無錢買o野,行街只會使錢所以唔去留係教會度。

佢講我聽係教會度做義工(都係同電腦有關),教會有廚房,所以成班好賓會留係教會整o野食,每次夾$10~$15整大食會咁,夜晚就會$10~$15夾錢係街食,全日都係教會的,所以無機會使錢,可以儲錢 大約20:00就會散會返家(其實我set佢最遲22:00 不過佢未試過遲過21:00 )

我諗廚師賓D假期點過應該無得理佢哪,佢已經放棄成班好賓,你咪淨係睇佢工作表現咪得囉!
傾完做得好,已經解決了問題,唔使諗咁多,其實佢已經好唔錯,算把啦,比起之前果4件極品已經叫脫苦海啦!


珍珠宮

積分: 46472


發表於 07-3-1 13:32 |顯示全部帖子

Re: 我的菲姐......

winnie_sh,
聽到你講成班好賓的聚會,感覺到你工人的教會生活好甜蜜,做僱主亦都會好放心,唔怕工人學壞。


男爵府

積分: 6989


發表於 07-3-1 13:58 |顯示全部帖子

Re: 我的菲姐......

哈囉 ! winnie_sh . 多謝晒呀 ! 呢個廚師曳曳原來夠膽放棄阿mum幫佢揾0既"歸宿"?!佢都大膽啦.

話時話,禽晚我同廚師曳曳傾解,問佢,去邊度食飯.佢話中午通常係教會,下午,就去街度行吓,或者都會係教會.晚飯就去元朗廣場,牛肉飯做特價.16蚊.間唔中食.食完就返屋企.不過佢返屋企真係幾早.有次6點就返黎啦.平時就8點或者8點1,2.

講真,mila真係比我之前請0既印姐好好多.呢樣嘢無可否認.我依家好有興趣知佢同邊0固行街街. 等我得閒再同佢傾吓先.

話時話,你可以同陽光賓講.星期日係教會見到mila.就話,你mum頭先打電話黎,話一陣黎教會食你煮0既9大簋呀.

順便再幫我問吓陽光賓,mila問教會姐妹借乜呀?多謝晒先.
快樂的甜芋快樂的甜芋


子爵府

積分: 10622

醒目開學勳章


發表於 07-3-1 14:32 |顯示全部帖子

Re: 我的菲姐......

甜芋,

問o左啦,今日陽光賓知我有興趣知廚師賓D o野,問我係咪你想知,好大膽,竟然知我o地目的

係教會內:
佢話廚師賓初來時大家覺得佢咩都無,又係絕世好賓帶入去,所以大家都好照顧佢,可以借的同用的都俾佢,後來發生借電話卡事件...(你都知啦!)之後成班賓姐傾計(即係八婆咁八開 )陽光賓先知佢有問幾個姊妹借電話煲粥同借錢(幾十蚊咁啦,係呢班"孤寒精"眼中就已經好勁 最後係有還的,但係佢地來講,借都係有問題 )我問佢咁有無問你借呀?佢答我唔多同廚師賓傾計,話年紀唔同無話題喎,所以無問過佢借野,反而問過你想等果個R妹妹借錢(不過無借到 )

佢話廚師賓初期真係留守到夜晚散band,但兩個月唔夠就好間中先見到佢同點幾就會走,無留底;我問佢會唔會係你地成班唔啋佢啞?佢答話唔會,因為大家都係同鄉,要互相照應。


男爵府

積分: 6989


發表於 07-3-1 14:58 |顯示全部帖子

Re: 我的菲姐......

哈囉 ! winnie_sh. 多謝晒呀! 再幫我8吓,係唔係0固班姐妹都借錢同電話俾佢打呀? 咁多人借,佢都發達啦. 一個借10蚊,20蚊.幾個就50,100啦.你講得真係搞笑,人地得揾3400咋,10蚊,20蚊梗係好貴重啦.

我都唔知我同R妹妹有冇緣份.我都想有呀.但係我唔知我有冇呢個命.

我自問對工人幾好0架.如果MILA唔珍惜.係佢冇運行啫.如果乖乖同我做,阿MUM攬住佢鍚都得.
快樂的甜芋快樂的甜芋


子爵府

積分: 10622

醒目開學勳章


發表於 07-3-1 15:29 |顯示全部帖子

Re: 我的菲姐......

甜芋,

我一問陽光賓,佢比個巢哂皮o既樣我睇,話唔多理佢地錢銀問題,係八開先知廚師賓有問姊妹借,但佢無再八邊個借o左 跟住同我講其實最緊要有借有還已經好好,佢問番我轉頭係咪呀mum唔鍾意佢? 屋企家務得唔得?我講話有頭髮問題...陽光賓再比個"超級"巢皮樣我睇,話唔得有頭髮,要掃床單後先掃地...下刪二百字
比佢盤番我轉頭添


男爵府

積分: 6989


發表於 07-3-1 16:10 |顯示全部帖子

Re: 我的菲姐......

winnie : 巢皮樣.. mila係清潔方面真係求其0架.佢之前做4000呎屋,香港地係400呎,要精益求精的嘛. 但係偏偏佢係清潔度,就用一個工人清潔4000呎,兼且係用清潔貨倉0既方式同我做.

唔緊要,睇黎d頭髮我都係執硬啦. :-( :-( 咁點呀?R姐姐大把人爭,我命水唔好,所以就要執頭髮同CHEF LALA同居嘍.
快樂的甜芋快樂的甜芋


男爵府

積分: 6989


發表於 07-3-1 16:14 |顯示全部帖子

Re: 我的菲姐......

WINNIE:你頭先話陽光賓巢晒皮0既樣,我LALA都有0架.LALA笑時,好燦爛,成塊面笑到似一朵菊花.
快樂的甜芋快樂的甜芋


大宅

積分: 4108


發表於 07-3-1 17:24 |顯示全部帖子

Re: 我的菲姐......

唔好意思﹐搭訕一下...

Froggy_joe,
你要小心個bonus制度。我同我老公都有考慮過俾bonus﹐但係個個月都出bonus會令bonus變成每月renumeration的一部份﹐咁到有一日佢做得唔好你唔想俾﹐工人係可以告你架。情況同幾年前經濟突然下滑﹐d人argue年尾雙糧個case係一樣架。
雖然你個係好賓﹐都係小心為上。


民房

積分: 25


發表於 07-3-1 17:33 |顯示全部帖子

Re: 我的菲姐......

甜芋,

唓.....你個LALA賓我覺得都無咩大問題吓? 你係到緊張啲咩呀?


大宅

積分: 1785


發表於 07-3-1 17:44 |顯示全部帖子

Re: 我的菲姐......

見到你們傾工人的8掛嘢, 好溫馨好攪笑呀...
我件印印尋日走左lor, 我提早3日俾她走, 同她講唔續約時,
都出我意料唔係太大反應, 不過第日她同我講瞓唔左, 食唔落...好徬徨... 我個日已即時幫她打電話俾agent, 她的朋友幫她找工la... 又特別放她假去agent處見僱主, agent尋日同我講她已有僱主簽左啦, 係照顧老人家, 希望她會好好珍惜啦...
本來做到3/3, 但呢幾日她整壞我水龍頭, 攪拌器(我們都信唔係有心,應該係粗心大意), 我驚她再整壞我的貴價電器, 算啦, 早走早著...
我要開始過無工人的日子, 鍾點下wk來... :-(
都真係好忙下...
我將個房即日執靚,換晒床單... 見到咁靚, 真係唔捨得再俾工人住呀... :tongue: (係將來囡囡個房)

cat_house,

我用左你教我個方法同她講唔續約的理由(即係無講到).
唔該晒.



甜竽,

你認得我嗎 ? 你來過我屋苑playgroup呀, 我好記得你.
看妳千篇不厭倦,看妳的感覺像春天;美麗的季節,動人的詩篇;妳的唇齒之間, 印著我的親吻;妳的一切移動, 左右我的視線;妳的言語哭笑, 扣動我的心弦;擁有妳的感覺, 每日就似春天!


禁止訪問

積分: 22268

好媽媽勳章


發表於 07-3-1 18:52 |顯示全部帖子

Re: 我的菲姐......

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽

首頁

尾頁

跳至