吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 你會點安排?

夫婦情感今日: 3|主題: 42423

收藏本版

發帖

返回列表

跳至頁

查看: 1365 | 回覆: 11

你會點安排? [複製鏈接]

leungsyhk

男爵府

積分: 7079

1^#

發表於 07-3-5 17:10 |只看該作者

你會點安排?

老公遲d可能要去外地做野一年, 屋企只有我同兩歲大的小朋友, 平日我返工, 老爺奶奶會過黎湊bb, 我地放工返屋企佢地就走, 老公去左做野之後, 我想搬返去同亞爸亞媽到住&請工人(因為父母都年紀大), 但老公唔想我返娘家, 話照請工人但留返响自己屋企住, 我唔想, 因為得我同bb兩個我唔放心, 但唔請工人留返响自己屋企, 我就要每日放工趕返屋企同老爺奶奶接更, 因為如果老公响香港佢會早過我返到屋企, 你係我會點安排
注意 : 我同老爺奶奶係無計傾個種

私人傳訊

心滿意足

男爵府

積分: 8661

好媽媽勳章

2^#

發表於 07-3-5 17:24 |只看該作者

Re: 你會點安排?

如同6299真係相處唔到,唔想見到佢地既話
比我會照請工人,叫媽咪過黎我家幫忙睇下個工人,
如唔想媽咪走黎走去辛苦,而又唔想得自己同BB工人住,
咁我會搬去同媽咪住

私人傳訊

onon1022

子爵府

積分: 12519

好媽媽勳章

3^#

發表於 07-3-5 17:31 |只看該作者

Re: 你會點安排?

其實你可以同你老公傾下...話佢去外地做野...屋企得番你同bb...你好寂寞...想暫時搬番去同阿媽佢地住...假期會返自己屋企...

[url=http://lilypie.com][img]

私人傳訊

炸彈

複式洋房

積分: 466

4^#

發表於 07-3-5 19:10 |只看該作者

Re: 你會點安排?

你老公要去外地公幹,我覺得可以的話,要盡量少轉變,因為你老公一唔在身邊,你就要走返亞媽度住,好似要避開你6299咁,唔知你老公會點諗?不如請個工人返黎,照舊比你6299過黎,可能會辛苦d,但係可以比你老公在最放心的情況之下去工幹,我相信你老公會暗暗地感激你!

私人傳訊

finger

男爵府

積分: 9521

醒目開學勳章畀面勳章

5^#

發表於 07-3-5 20:10 |只看該作者

Re: 你會點安排?

咁呢一年佢會住宿舍??
咁你唔做野跟埋去得唔得??
一年咁耐, 我怕你老公會寂寞難耐.............

http://jackylau.com/FreePhoto/PhotoData/U0047102.gif

私人傳訊

bb012506

大宅

積分: 2641

6^#

發表於 07-3-5 20:53 |只看該作者

Re: 你會點安排?

我會照請工人，不過搵自已媽咪

私人傳訊

Via

民房

積分: 23

7^#

發表於 07-3-5 22:14 |只看該作者

Re: 你會點安排?

finger 寫道:
咁呢一年佢會住宿舍??
咁你唔做野跟埋去得唔得??
一年咁耐, 我怕你老公會寂寞難耐.............

Agree, 要同老公分開咁耐好冒險喎。

如果真係唔可以跟佢去(照計事在人位啫)，我會返去亞媽度住，起碼半夜三更有mud事都有人照應。

做老公都唔可以咁專制，自己唔係香港咁耐，但又要遙控老婆，明知老婆同一亞媽冇計傾自己又唔係香港點可以強人所難？有d自私噃。咁如果你老公每星期回香港，就返屋企一家團聚lor.

私人傳訊

mrsegg

大宅

積分: 1967

8^#

發表於 07-3-5 22:43 |只看該作者

Re: 你會點安排?

Via 寫道:
[quote]
finger 寫道:
咁呢一年佢會住宿舍??
咁你唔做野跟埋去得唔得??
一年咁耐, 我怕你老公會寂寞難耐.............

Agree, 要同老公分開咁耐好冒險喎。

如果真係唔可以跟佢去(照計事在人位

私人傳訊

小麵麵

男爵府

積分: 6329

9^#

發表於 07-3-5 23:01 |只看該作者

Re: 你會點安排?

其實你放心既話可以只請工人,62,99唔洗日日到你家,又或者你可以比bb返幼兒班(全日)

私人傳訊

Leolonglongma

複式洋房

積分: 426

10^#

發表於 07-3-5 23:04 |只看該作者

Re: 你會點安排?

我老公都係大陸工作, 如果你係一個比較倚賴或者缺經驗o既媽媽, 住近老人家比較好, 我試過阿囝4個月時, 無故肚瀉, 吃奶嘔奶, 晚上帶他看醫生時已寫定入院紙, 剛吃完藥好像好了點, 但半夜四點忽然咕嚕咕嚕聽到他放屁, 打開尿片原來又再瀉(灰灰綠綠的大便, 而且好"水"), 半夜天寒地凍, 唔想嘈醒唔同住o既父母, 自己好掙扎, 唔知應該等天光再帶佢去睇還是即刻去醫院. 最後換衫坐的士去浸會, 慶幸身上有700元, 因一程的士已花了100元, 還要到浸會看病, 又唔知要多少錢. 其實都幾徬徨. 樓下看更伯伯見到自己一個半夜揹住個BB出街都問:"吓, 你自己一個呀?" 睇完醫生已經天光 6:30, 再搭的士返屋企瞓到8:00, 再換衫揍BB去媽咪那兒放下(一個地鐵站), 自己又要返工. 問題係無人商量, 驚自己做錯決定, 累了小朋友. 呢D係大陸工作的男人唔會知o既苦況, 好彩自己比較硬淨, 睇番轉頭, 都覺得自己好利害, 不過唔希望其他人有同類經驗, 因為唔值得經歷!

私人傳訊

pigpig

琥珀宮

積分: 152003

秋日勳章炎夏勳章遊學勳章春季勳章趣教勳章冬日勳章畀面勳章環保接龍勳章大廚勳章親子達人勳章 wyeth冷知識勳章叻叻勳章有「營」勳章

11^#

發表於 07-3-5 23:07 |只看該作者

Re: 你會點安排?

我會請工人，然後9時9返去自己娘家住下，得閒先返去老爺、奶奶樹睇下......反正你老公唔係hk，講真，你想去邊樹住，佢都管唔到你 :mrgreen: 因為我老公都去左外地做野半年有多，我自己鐘意點就點，最緊要我開心 :mrgreen:

My Two Princess

私人傳訊

leungsyhk

男爵府

積分: 7079

12^#

發表於 07-3-6 11:36 |只看該作者

Re: 你會點安排?

多謝你地的回應, 我本身有份收入同福利都唔錯的工, 所以唔會跟老公一齊去, 而佢去的地方比較遠, 所以最快都只可以三個月返黎一次, 中間我有假期我都會帶亞囝飛過去探佢, 我唔係好依賴個類, 好多野都可以自己攪掂, 只係擔心囝囝或我有唔舒服會麻煩d, 因為我都試過盲腸炎老公唔係香港, 又唔想嚇親老人家, 自己忍痛一晚, 第二朝抱住亞囝去睇醫生, 醫生話要寫紙比我入院, 但當時一個人抱住個囝點入院, 所以都係等老公返黎同佢商量院隔日先入院做手術.
囝囝九月會返半日n1, 6299會湊佢放學, 我放工會返去接手, 只係我份工, 有時唔可以準時收工, 要成八點先返到屋企, 到時6299可能有微言
我都明老公唔想我搬返娘家住(因為佢好大男人), 當然如果我堅持佢都無辦法
我諗我可能留返响自己屋企, 請個家務助理(每日傍晚兩-三個鍾), 週末先返娘家

私人傳訊