夫婦情感

跳至

首頁

尾頁
   1


洋房

積分: 71


發表於 07-3-12 23:14 |顯示全部帖子

自己的故事

在這裡,看到不少與自己相似的case;有些人是A case,有些人是B case,C case...D case...;睇下睇下,我覺得自己係A+B+C+D case囉!在此和大家分享下自己的慒遇:
當年因為年輕,唔識得諗,我和丈夫有了bb後,但就係大家冇經濟基礎下結了婚,婚後租了間屋住,不過好彩為阿媽肯幫我湊仔,我就請了個菲傭幫她;婚後老公就成日無所時事,成日話搵唔到工,後來試過渣的士,又話搵唔到食,去做保險,做到攞哂獎,但又話d保險數搞唔掂,成日要我幫佢填數;後來我屋企人攞錢出來開鋪頭做生意(因為我家姐都想搞下生意),諗住佢會好好睇住間鋪頭,以後有安樂日子過啦!點知佢又成日唔不在鋪頭,話"你邊有見到d老細成日係鋪頭架?!"俾佢激死!佢自己一個月出萬8元糧,但就成日唔係鋪頭,問佢攞家用,又話d糧要供車,又要洗費,所以冇得俾;終於間鋪頭做左三年就執左了,搞到我家姐因為押左自已層樓,就要還款;我又因為佢架車冇錢供,俾車行拖回去賣,差額又係我去還,因為我係擔保人!之後佢就一路都冇做野,成日係屋企切模型,佢話幫人切模型,可賺人工費,為了他成事,我又俾錢佢租個小貨倉來切模型!時間就係咁過左一年又一年,俾左一次機會又俾一次機會,我個仔都15歲了(期間我又生了個女);我冇諗過離開,可能已習慣了吧!唔通呢個時候,先至來搞咁多野咩!又可能我太愛佢了,總係覺得佢一條心係對住我的,唔賺錢回家又有乜所謂呢?!(to be con"t)


別墅

積分: 987


發表於 07-3-12 23:22 |顯示全部帖子

Re: 自己的故事


子爵府

積分: 13005


發表於 07-3-12 23:25 |顯示全部帖子

Re: 自己的故事

暫時睇黎你0既故事都唔係好慘烈。最主要係你仲好愛佢,而佢並唔係變左, 而係一直都冇變過而已。一個願打, 一個願捱, 咁樣一世都唔係唔好。如果你一開始已經想要個上進或有基礎0既老公, 咁佢一早就唔係你杯茶。
而家仔女都咁大, 咁多年都冇改, 冇可能期望佢會改。我覺得佢唔係冇能力 (曾經做保險做都有獎, 都唔簡單)只係佢中意 hea, 中意自由。
同咁0既男人一齊生活經濟上一定比較困難, 但兩睇啦。接受到0既話都冇話唔得0既。不過佢個人實在冇乜責任感, 同埋有0的惰性。
故事下半睇埋先再講啦。
老虎囡2010年2月10日於嘉諾撒出世喇, 早過預產11日~ 重6.71磅


洋房

積分: 71


發表於 07-3-12 23:28 |顯示全部帖子

自己的故事

一路來來,我對佢信任十足!完全冇諗過佢會做d對唔住我的事;誰不知於2005年10月開始,我覺得有些唔妥;佢已有3個月冇掂我了,我覺唔妥,所以問佢,佢話自己好多野諗,好多野煩,唔想諗呢樣野,但唔係對我冇興趣云云.有時又話自己身體出了問題.所以我都好煩.男人係咪係可以煩到連需要都冇嗎?!真係唔理解!我和老公結婚已有14年了,一直都ok的.大家


別墅

積分: 987


發表於 07-3-12 23:31 |顯示全部帖子

Re: 自己的故事

原來未完架,,等我睇埋先............


洋房

積分: 71


發表於 07-3-12 23:41 |顯示全部帖子

自己的故事

自老公返來後,佢已經唔再出夜街,夜晚唔再講電話,佢話要講都會在街外講飽,同埋希望我睇到佢的改變!不過佢已聲明佢和那個女人仍然有聯絡,而佢會慢慢與她疏遠;直至完全冇乜點聯絡時,佢就會俾我看以往的電話紀錄 (因佢知我可上網登入佢的電訊公司網絡睇電話記錄後,佢就改了密碼,之後我就check唔到了!);但因有上次的經驗後,你話要我對佢再有信任,真係要時間的;所以好多時都會打電話俾佢或佢打電話俾我時,我都會問佢係邊,同邊個一起!有時佢答左我,我都會質疑佢!
有晚佢夜晚突然要夜出,我就跟蹤佢,但俾佢發現左!終於,我地又吵起來了,佢話對住我好辛苦,因為無論佢講什麼,我都唔信,又成日問住佢係邊!叫我以後唔好再問佢!於是我就話既然係咁,佢以後都唔好問我的行蹤!佢仲話叫我唔好再為左個外人(個女人)吵架!話我仍未放底件事!個女人只係一個朋友而已!以前只有佢會問我去邊,同邊個一起,而我從不會問的,因為我認為佢有自己的自由,而且當時我還是信任佢的!
如是者,我地就係吵吵鬧鬧了大半年..,期間我學習了點樣對自己好些,不要再為這樣的男人傷心,傷過一次就夠了;於是我整個人情緒漸漸地冇飄忽!也穩定多了!
舊年我發現佢又再講大話,明明有與這個人聯絡,又話好耐冇見,唔知對方近況,明明有這女人的屋企鎖匙+住宅証+車匙,但又唔認!你叫我點忍耐呢?! 做乜要委屈自己呢? 於是我提出了離婚,佢竟然話:"你覺得咁做係開心的,就依你意思去做吧!"
這樣到現在為止,已辦理了5個月了,如冇意外,這個月正式離婚令會於3月底完成!辦理離婚期間我和"他"也有爭吵過!是解脫了嗎?原來不是的,他因為經濟的關係,還未搬走,唉!曾經我嘗試與他商量,買張sofa床回來如他睡,點知他反而"發爛渣"說:「乜離左婚就一定要分開睡嗎?妳唔同外邊人講,都冇人知架!」,吵了整個晚上,都係冇結果!現在我唯有與小女擠在一張床上...我唔決絕地趕佢走,其中原因都係孩子們,他們並不理解也不關心你們大人的事,他們認為是我搞到今時今日的田地,也不希望爸爸離開!我們之間將會因為孩子的關係,了斷不了...可以點做呢?!
朋友成日話我太心軟,應該趕佢走,間屋係我供,家庭開支又係我,做乜要咁驚佢! 唉,老實說,他在孩子心目中實在估了一席位,所以如果我做了一些少對他不利的事,孩子總是覺得係我的錯!我不能令孩子憎恨我的,因為將來我還要和他們一起生活,我唔想和他們的關係不好!現在只有等"他"自動自覺說離開吧!


洋房

積分: 71


發表於 07-3-12 23:47 |顯示全部帖子

自己的故事

我最嬲的是,他舊年1月份因為個女人去了新加坡,他每天都與她IDD,仲要係一日十多個,然後又要SMS,又係十多個!咁都算!點知佢張電話費來到係成2仟幾元(佢用手提),佢竟然走來問我有冇錢俾佢交WOR!!!! 我梗係唔俾啦!!!


洋房

積分: 71


發表於 07-3-12 23:53 |顯示全部帖子

自己的故事

有時我真係唔知D男人心諗緊乜野;佢依家會每天打電話俾我,講下佢自己工作情況等等...;都搞到呢個地步,都唔知打來做乜!?佢曾經講過,佢唔想離婚,佢應承只係因為我死都要搞,咪和應我囉,佢依家只係想大家好好地和平共處,重新建立一份感情,因為佢希望第日同番我一起!
各位,老實說,我對佢已信任破哂產了,佢講乜我都唔會再信,也冇興趣知道佢同個女人搞D乜關係,我只係關心自己日後日子點過!點樣令自己開心D!努力工作!


男爵府

積分: 5598


發表於 07-3-13 00:00 |顯示全部帖子

Re: 自己的故事

佢梗係唔想離婚啦, 佢咬左老軟咁耐, 離左婚你有好大機會唔俾錢佢洗嫁嘛, 俾我都唔離啦, 對個家一d責任都唔負, 成頭家你一個人揹哂, 俾著我唔洗等佢有女人先離婚, 佢咁既款咬老軟)我都一早走"甲"唔"投"啦


別墅

積分: 987


發表於 07-3-13 00:02 |顯示全部帖子

Re: 自己的故事

點解你可以容忍佢唔做野既??????????
我覺得佢唔想離婚既原因係你可以養佢...........


洋房

積分: 252


發表於 07-3-13 00:10 |顯示全部帖子

Re: 自己的故事

hi,

聽落覺得你好辛苦, 我也身同感受, 曾被背叛, 當時簡直好像一個瘋婦似的, 每天都像揭發了他的一些秘密或蛛絲馬跡. 當我帶著兩個小孩離開一個曾以為屬於自己的家, 其實也希望給他反醒的機會. 起初, 他也說要求我們回家, 甚至寫情信和要求擺和頭酒, 在親戚面前發誓等等...但當在我的考慮期間, 我的鄰居告訴我, 他帶了女朋友回家過夜, 和帶這個女子去見我們的朋友. 當時, 我真的心如刀割, 我便很決絕的離開了, 甚至幫女兒轉校.

事隔五年, 自己和小孩和前夫都好像獲得重生, 自己和小朋友現在過得很自在, 因沒有了一個時常在家吵吵鬧鬧的男人. 關係也好起來, 好像朋友般, 他, 也再婚了......

希望你能夠懂得放開懷抱, 不要再為些沒有良心的人難過和傷心.

lisa
曾經聽過一個老人家教如果去選終生伴侶, 佢地話好似買鞋, 要睇中個款後, 然後親自去試清楚, 舒服才買, 不要信別人的意見, 因為真正的用家係你. 同意嗎?


子爵府

積分: 12510

好媽媽勳章


發表於 07-3-13 00:12 |顯示全部帖子

Re: 自己的故事

其實你可以同你既子女傾下...講出你既感受...你地夫妻之間既問題...你唔好以為小朋友仲細...好多野佢地唔會明白...唔會理...你唔講...佢地唔會知道你既難處...



[url=http://lilypie.com][img]


子爵府

積分: 10782

醒目開學勳章 2011至尊種植勳章 畀面勳章


發表於 07-3-13 00:14 |顯示全部帖子

Re: 自己的故事

如果佢"dum"得你開開心心, 服侍得你週到就話jey, 你都攞苦黎辛咁耐啦, 趕佢走啦
仲有, 睇完你段野之後, 我好想打把佢
momo_bb 寫道:
點解你可以容忍佢唔做野既??????????
我覺得佢唔想離婚既原因係你可以養佢...........


伯爵府

積分: 18251


發表於 07-3-13 00:24 |顯示全部帖子

Re: 自己的故事

睇曬個故事之後,都十分認同OneTwoThree既睇法,
唔洗做有錢洗有地方住wor,
yo...佢洗咩驚姐,
玩女人都難接受ga啦,
仲要無錢玩走黎問自己老婆攞,
真係好難接受



我都有好似樓主咁樣既經歷,
應該係比你羞好多好多,
太長講唔曬比大家知,
自己既經驗咁睇:

1.首先對方知唔知自己做錯事先!?
2.對方有無"真心"去認錯!?
3.最後對方有無用"真心"去補救!?


如1.2.3點既答案係no既話,sorry呢個男人唔洗恨囉



子爵府

積分: 13005


發表於 07-3-13 00:51 |顯示全部帖子

Re: 自己的故事

睇完個故事, 真係好"鄧"你不值。如果你老公只係衰懶惰,而你又一早已經接受左。我都覺得唔會係太大問題,雖然男主內女主外仲未受人接受, 但如兩公婆可協調到, 一家人0既事, 都未嘗為大過。
之但係, 而家佢衰不忠, 呢樣野都點都唔可以原諒。我都好同意其他姊妹0既分析, 佢而家一路死纏唔走, 只係因為利用你。如果佢有錢又唔需要依賴你,你唔趕佢佢都走, 仲會大聲過你, 唔使做埋0的戲叫你等佢證明0的咩。
而家你比佢仲住0係度, 見面形同陌路, 你0既感受都唔好。仲要冇端端養埋佢, 你多方面都吃虧。照道理離婚的話男方要比贍養費, 而家反而要你養佢, 於理不合。
仲話要訓番埋同一張床, 就更不當。
不如先同小朋友傾下, 我諗佢地會明白, 因為佢地都十幾歲, 離左婚並唔係冇左個爹地, 只係變左另一種相處方式。
離左婚仲一齊住, 除非好有希望會復合, 否則真係好唔正常。都係要佢搬啦, 佢個女友有地方住又有車, 大家又係拖友, 一定容納到佢0既。
老虎囡2010年2月10日於嘉諾撒出世喇, 早過預產11日~ 重6.71磅


民房

積分: 33


發表於 07-3-13 02:15 |顯示全部帖子

Re: 自己的故事

You need to talk to your kids and tell them the truth and the reasons why you have decided to file for divorce with their father. Or else, you will find them hating you when in fact they should be loving you and hating their father.
Be strong!


民房

積分: 26


發表於 07-3-13 06:30 |顯示全部帖子

Re: 自己的故事

My mother in law has the same case. She got an affair for 20 years and still with the husband. She pretend to her cousins and friend that they are still goo couple (like share wine and food). The worst thing is I knew her husband knew he has wear a green hat and still ML with the wife. WHAT KIND OF WORLD IS THIS!!!!. I cannot live with this kind of people........I felt very disappointed with my mother in law. She was the best mother in law who take care and care for me more then my mom, but I cannot forgive her in this matter.
She put my C6 in fear (parents divorce) since he was 8 and I cannot agree with her as the world is so "open" now!!!!!!!!
I was really upset. I cannot agree with her, I have to strongly disagree her action. Agree= I will allow my C6 to go and get some girls later on. :-( :-( :-( :-( :-( :-( :-( :-( :-( :-( :-( My c6 is her only son and even we moved out she still did not change. I am super disappointed.


別墅

積分: 572


發表於 07-3-13 10:37 |顯示全部帖子

Re: 自己的故事

OneTwoThree 寫道:
佢梗係唔想離婚啦, 佢咬左老軟咁耐, 離左婚你有好大機會唔俾錢佢洗嫁嘛, 俾我都唔離啦, 對個家一d責任都唔負, 成頭家你一個人揹哂, 俾著我唔洗等佢有女人先離婚, 佢咁既款咬老軟)我都一早走"甲"唔"投"啦


同意 !!!

妳都識個女人, 點解唔直接打比佢, 話唔同佢爭, 叫佢接妳 c6 走呀 ???


男爵府

積分: 9099


發表於 07-3-13 10:58 |顯示全部帖子

Re: 自己的故事

趕佢走啦!比d仔女知有個咁既軟飯王做老豆執到都喊十聲啦!留佢係度只會令仔女更加睇唔起佢,你飬左佢咁多年咩都夠啦!你欠左佢咩?!都離左婚就唔該佢走啦!佢一d都唔要面既



複式洋房

積分: 290


發表於 07-3-13 12:05 |顯示全部帖子

Re: 自己的故事

佢咪有個女人既車匙既!趕佢走,叫佢去女人架車度過夜lor!

而家d小朋友好懂事架喇!當我地被人"過份"傷害,要作出適當環擊,唔好死忍,否則大吉利事講句,唔係將來我地既小朋友長大左,萬一遇到一樣既情況,一樣學我地死忍架!

而且比小朋友知道,原來被人"過份"傷害,就要離開,才是走出困局既方法。

首頁

尾頁

跳至