吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 請問有沒有照顧過老人家經驗的外僱可介紹？ ...

論盡家傭今日: 0|主題: 133703

收藏本版

發帖

返回列表

跳至頁

查看: 854 | 回覆: 6

請問有沒有照顧過老人家經驗的外僱可介紹？ [複製鏈接]

wan-wan-ma

別墅

積分: 574

1^#

發表於 07-3-16 11:11 |只看該作者

請問有沒有照顧過老人家經驗的外僱可介紹？

最初用泰傭，照顧到阿爸鍾意食好食o既住家飯o既要求。但係難溝通，唔識用廣東話同阿爸講時，又唔識用英文同我地 d後生talk，有時好激死！

捱到約滿，請左個菲傭，同我地溝通到，但唔識講廣東話，阿爸明顯講少左野。但好彩佢有讀過護理，能照顧到八十歲行動緩慢o既老人家乾淨企理。可惜續約後諗住地位穩固，就自把自為，夠膽死我阿爸發緊燒，佢坐係梳化做 facial！

因為心急要換人，依家換著個工作表現勁差o既！我有 d埋怨自己！ :cry: :cry: :cry: 佢係本地約滿（前份工做左八年），又係我工人教會d好朋友，諗住佢至少唔會攪家。上工時話mud都得，會睇實我老豆。由於佢識講少少廣東話，上工初段，我阿爸明顯講多左好多說話。我無 mud 懷疑，但係隨住時間過去，越黎越唔妥！

我地發現佢成日話阿爸訓覺，午餐攪到兩點幾至食，問番先知早餐佢十點幾至俾我阿爸食。我地一早同佢講早、午、晚餐要七，十二同六準時做好。同時發現個地下成日都好似無掃地。到新年返齊屋企，大家都發現未行到入屋已經有陣味。屋企隻狗養左十幾年都未試過係咁。最唔開心係初三隔離屋捉住我阿妹問係咪換左工人，話個工人好懶！你地話攪到幾唔好意思！

私人傳訊

twins214wy

男爵府

積分: 5678

好媽媽勳章醒目開學勳章環保接龍勳章

2^#

發表於 07-3-16 11:56 |只看該作者

Re: 照顧老人家，搵怎樣的工人才合適呢？可否教路？

wan-wan-ma，
我印傭個朋友，25 yrs，未婚，系台灣老人中心做左 2 年照顧老人家；系香港 2 年照顧一個細路﹝2歲幾﹞，完約後佢話要休息，所以半年前已經返回印尼，而家又想黎香港打工。我工人話佢廣東話同國語都 ok，煮

http://www.hkicons.com/_2128.gif

私人傳訊

lfung1011

洋房

積分: 97

3^#

發表於 07-3-16 12:57 |只看該作者

Re: 照顧老人家，搵怎樣的工人才合適呢？可否教路？

我會學得請d年紀大少少既菲傭會好d, 因為菲傭一般反而會細心照顧, 同埋唔怕厭戶性既工作. 未必有咁既精力去照顧小朋友. , 反之, 印傭後生未必喜歡照顧老人, 而且精力揍d小朋友會比較適合.

同步地都可以考慮下請local 既全職每日6/8小時或半日去照顧.

為妳~~解決家務上的煩惱歡迎瀏覽本人之網址

私人傳訊

wan-wan-ma

別墅

積分: 574

4^#

發表於 07-3-16 17:19 |只看該作者

Re: 照顧老人家，搵怎樣的工人才合適呢？可否教路？

唔該晒兩位！

其實，我o既意思係再請的話，作為請開菲傭的僱主，我會偏向揀菲傭。因為佢地的確聰明 d，同佢地溝通又容易d，但係我問朋友同 Agent，佢地個個都話印傭照顧老人家好d。我未請過印印，有d猶疑。

我想請問有經驗o既媽咪，妳地可唔可以分享下 d心得。Thanks!

私人傳訊

wan-wan-ma

別墅

積分: 574

5^#

發表於 07-3-17 11:28 |只看該作者

Re: 照顧老人家，搵怎樣的工人才合適呢？可否教路？

最近我自己身體唔係幾好（所以都較少上黎），我朋友笑住提我：「女人四十」我問佢係咪指人到中年身體會差d？問真d先知佢原來提我人到呢個階段有上（八十歲老豆）又有下（六個月o既BB）要顧，好容易掛住照顧兩邊而攪到無時間理自己！

與其自己坐困愁城，我突然想到不如上黎試下問下大家有沒有照顧開老人家o既外僱可介紹？又或者點樣揀先可找到合適o既工人？又或者知唔知邊到有訓練外僱照顧老人家o既課程可讀？……