~點解硬係做 Facial D 美容師必定要 Hardsell，佢哋（Alqvimia）唔會覺得咁係趕客架咩？∼
早排有個 bk 姊妹話 Alqvimia 呢隻牌子好好用，當時有八折優惠，咪約佢一齊出去買 d 產品試吓！當時啱啱 facial 又做緊半價優惠，個 bk 姊妹極力推薦，又話佢哋好少有呢 d 咁平嘅優惠，而我見果位 bk 姊妹 d 皮膚真係好靚，我都問清楚佢會唔會 hardsell，佢重介紹埋邊個唔會 hardsell 嘅美容師比我，我先敢試吓，點知都係 "奶" 嘢.......
二月尾去開半價優惠，包括一次玫瑰 facial，一次玫瑰 body treatment 及一次玫瑰 body message，佢即時接受及收錢，我重即刻 book 埋三月頭，話明試玫瑰 facial 先！當日去到，個美容師見到我，話我 d 皮膚比較敏感，唔適合做玫瑰 facial 住，會浪費咗個 facial，可能更會導致我的皮膚更敏感，提議我比錢做防敏感嘅 facial 先，講到好 "pro" 架，咁我都知我 d 皮膚比較敏感，當時咪信佢囉，因為我信 bk 個姊妹嘛！做完皮膚真係有改善，佢就話不如開個防敏感 course 先，改善吓 d 皮膚先，咁我問佢可唔可以五次一款，另外五次又另外一款呀，佢話出去幫我問吓，問完就話唔得，要同一種 facial，佢話可以每次落唔同嘅油，就有唔同嘅效果架啦，既然佢有呢個承諾，我咪開咗十次防敏 course 囉，因為我都想 keep 番好 d 皮膚！跟住 book 埋一星期後 facial 加玫瑰 body message 試吓！
第二次去到，佢話首先要做個 "陰陽測試" 先，做完之後，就話我唔適合做玫瑰 body message 住，叫我試個 relax 嘅 message 先，佢話 member 有生日禮物 $500 蚊，我加百幾蚊就可以試個啱我今次身體狀況嘅 relax body treatment，我見加百幾蚊，又試吓先啦，做完又 ok 喎，好 relax，佢話如果開埋個 body message，就可以做埋 "白金 member"，又可以 keep 住 relax，又多 d 優惠，買嘢又有八五折，我心軟，又開埋！然後再 book 下個星期第三次 facial 加 body message！都 book 得好順利架！
到第三次去，佢話早排有個優惠，有 d member 錯過咗，咁打去寫字樓投訴，依家公司做番呢個優惠，就係比 $15,000 蚊，就有 $20,000 蚊去扣，做任何 facail or body treatment 都得，又問我有冇興趣，我果時至 feel 到有問題，原來呢度又係咁 hardsell 嘅，我咪話點解上兩次叫我開 facial 同埋 body treatment 時唔講，我依家都開咗兩個 course 啦，重開，唔係嘛！佢話其實個優惠完咗架啦，係有 member 要求至有番，所以至問我有冇興趣唧，我話我果 20 次都有排做啦，諗諗先，佢喺做 facial 時不停講話好抵，又可試唔同嘅嘢，又送 $5,000 蚊，即係成七折架啦，係咁不停咁講，我緊係繼續話諗諗先，因為佢重幫我做緊架嘛，費事佢整差我塊面啦！
終於做完出嚟，佢重係咁 sell，我見我重有咁多次要做，緊係完滑 d 咁推啦，又話老公唔比，又話信用卡未截數，比我諗清楚下次先啦，嘩！諗唔到佢居然話可以碌咗卡先，keep 住張 voucher，下星期先幫我過數喎，真係嚇死我啦......後尾我堅持話要走，跟住即刻起身，佢至 "啤" 住我走咋！
跟住唯有打電話去想 book 時間，點知成日都話 full，book 嚟 book 去都 book 唔到，我咪問佢到底咩時間至有，佢居然只比到我要返工果 d 時間我喎，我投訴佢，話我二月開果半價優惠佢哋話要兩個月內做晒架嘛，依家居然成個四月都比唔到時間我，咁果兩次 body 點先，後尾佢至比少少時間我，依家成個四月剩係 book 到三日咋........
Re: ~點解硬係做 Facial D 美容師必定要 Hardsell，佢哋唔會覺得咁係趕客架咩？∼
Another Modern Beauty,
I feel sorry for you B二姑媽,
You are so kind to share your experience here with us, so we won't go there. I was thinking to try their products too. But after hearing your case, no more.
And I will tell my friends too.
，是一隻不懂捉老鼠，而且會和老鼠一同偷食物吃的大花貓，但我絕對不是白老鼠！
發表於 
返回列表
