基督家庭

收藏本版
發帖
返回列表
跳至頁

首頁
123

尾頁
   0
weloveBB


大宅

積分: 4850


發表於 07-4-1 23:45 |顯示全部帖子

你地有沒有曾經對神失去信心?

你地有沒有曾經對神失去信心? 我有....點解...
我信左神已經二十年, 係D個神既理程上, 我中間有一次對神好失望, 因為佢帶走左我爸爸, 當時我好細, 我媽媽要獨力養大我地5個兄弟姊妹, 供書教學....我當時覺得神唔愛我...所以我拒絕唔返教會.....後來...我再次信番.....

事隔二十年, 我再一次對神失去信心.....因為係我本以為好快樂既時候...我有我既家庭, 有好錫我既老公, 有剛出世好活潑健康既肥BB....點知....我被公司炒左.....D件事對我打擊好大....不過我初初以為神係會安排更好的東西給我, 又或者神想我比多D時間陪個女....., 點知.....我已經搵左好耐工喇....5個月喇....只有見, 沒回音, 有些講到已經想請你....點知又有某某原因而cut埋個位.....一次又一次既失望...令我對神失去信心.....究竟神想點? ....

係D一刻, 我想離開神...因為佢唔再愛我....我一家生活立即成問題.....現在我只係食我自己既積蓄.....而我個女卻一天一天的長大...打針, 日用品...咩都要錢....而我卻..找又找不到工, 天天禱告, 交扥....可惜神卻似乎聽不到, 不再理會我....

我真的好down.....點解....?! 我做錯左咩事..... :-(
私人傳訊

333333


民房

積分: 16


發表於 07-4-7 16:48 |顯示全部帖子

Re: 你地有沒有曾經對神失去信心?

其實我和你的經歷也差不多, 可能在工作上所受到的打擊更大, 因為我以往很 career-minded, 覺得自己做野很掂, 在公司中好像superstar 一樣, 但亦因為這個原因, 招來一些人的嫉忌以及頂頭上司覺得威脅, 后最終也給她用 re-structuring 的理由 layoff了

這件事後, 自己心有不甘了多時, 不份氣,因為覺得自己盡心盡力為公司亦得到這個結果, 加上父母的不体諒, 冷言冷語, 我差不多抑鬱了年多二年

雖然現在有一份工, 經濟收入也差很遠, 但我只想把所有事交託給神, 擔憂也無用, 唯有做好本份 (I do the best and God do the rest ) , 其他所有交給主處理

另外, 對於那個用dirty 方法"扇"了我的女人, 直至現在也很介懷, 但我最後也能將這事交託神, 相信衪是公正的, 所謂人在做天在看", 神必有公正定奪

亦因為自己的好勝要贏的性格, 在layoff 事件中覺得很無面, 神剝削我愛面子的性格, 父母的不体諒更使我心裡絞痛如撕裂, 但感謝主衪醫治我, 儘管世人在你不得意時也離棄你, 但我們的天父沒有離棄我們

到現在回望真要感謝主在無工作期間令我多些時間陪伴家人, 之前兒子由在工人帶時時常生病, 後來自己看顧下身体好了很多, 成績心理上的成長也好了很多

以往因為自己的好勝要贏而犧牲了家人, 很感謝主衪使我知道除了神以外, 家人才是最重要, 其他經濟上的問題, 我也交給主好了
私人傳訊

agape


禁止發言

積分: 7153


發表於 07-4-7 19:10 |顯示全部帖子

del

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

weloveBB


大宅

積分: 4850


發表於 07-4-7 23:21 |顯示全部帖子

Re: 你地有沒有曾經對神失去信心?

感謝 333333
對, 你跟我的情況很似....而我....家人對我雖然好關懷....只可惜...我內心既心結仍未可以解開....

我好想快D見成工, 我唔想再想起以前的事, 我想專心去工作, 我想忘記以往既工作.....我唔想個腦不停的番播以往的事....好可惜, 一次一次的見工失敗...令我失去信心....個人開始想法好灰, 同家人一天又一天的起爭執.....無一日唔爭吵, 無一日安寧...我個心好唔平安....

我每天晚上禱告, 交扥....個人好幼稚, 成日以為神可能聽唔到...一晚又一晚, 一次又一次的不停禱告....可惜都係無用....無論我點禱告...結果都係一樣

到左果刻...我轉移....開始信風水命理.....好恐佈....個人慢慢地步入一個思想...."我看唔到神係度做緊咩".....而風水命理唔同....佢地教我佈局....改變命運.....

不過.....我可以同你講....D一刻, 我都唔敢去實行什麼佈局....因為我個心....仍然有神存在.....我愛神已經二十幾年喇.....

希望神都仍然愛我吧....

各位姊妹兄弟.....希望你們為我禱告, 教我把持得住....平安既心, 堅信對神既信任.....比我一份好工作....

私人傳訊

333333


民房

積分: 16


發表於 07-4-8 19:55 |顯示全部帖子

Re: 你地有沒有曾經對神失去信心?

Dear weloveBB,

神要 操練我們的信心,
不要怕, 只要信 (雖然我的信心也是微少)
請只要仰望耶穌, 懇求您不要尋求其他方法 (i.e. 風水命理)
神的時侯不同我們的時候, 如我們在禱告中設定了神答允的時限, 那好像是指揮神去完成某事, 而不是祈求
我自己也是信心微少, 求神憐憫
我會儘量不去指望明天
反之在今天裏, 我問問自己神不是供應了我今天的所需, 我有反吃, 有衣穿, 有屋住
我為今天神的供應獻上感謝
Anyway, I will pray for you
私人傳訊

wawamama


大宅

積分: 2807


發表於 07-4-10 19:28 |顯示全部帖子

Re: 你地有沒有曾經對神失去信心?

當然有。如果沒有曾經對神失去信心，只因信得不夠深。

親人離去，家道中落...不如意的事太多太多。

現在我知道，每次的打擊，都是神要我放下一些東西。
laughin' to keep from cryin'
私人傳訊

雙子媽媽


男爵府

積分: 6830


發表於 07-4-11 12:48 |顯示全部帖子

Re: 你地有沒有曾經對神失去信心?

我曾經信主. 未完全決志, 無返教會, 但會晚晚祈禱. 每時每刻求主某件事, 希望我唔想發生的不要發生. 但神好似無聽我的禱告, 件事依然不停重覆發生. 幾年後的今日, 我都終於放棄. 覺得神唔愛我, 唔肯保守我. 我無再祈禱. 但有時內心有會有掙扎. 我都好矛盾.

weloveBB,

我pm左妳, 搵工方面睇吓我幫唔幫到妳.
私人傳訊

weloveBB


大宅

積分: 4850


發表於 07-4-11 23:01 |顯示全部帖子

Re: 你地有沒有曾經對神失去信心?

雙子媽媽, 多謝你...我已經覆左pm...多謝你的幫忙.
私人傳訊

weloveBB


大宅

積分: 4850


發表於 07-4-11 23:05 |顯示全部帖子

Re: 你地有沒有曾經對神失去信心?

雙子媽媽, 我同你一樣, 個心好矛盾....覺得神究竟係唔係真的愛我...點解基督徒永永遠遠都會遇上好多好多試探.....好多失落.....而果 d唔信既人, 永遠都可以得到佢地想要既野....什麼都有, 錢又有, 生活又開心...而我....永遠都要行歧途呢....神, 不是與我同行嗎????

我唔知D條路要行幾耐....我已經好辛苦...一天一天的過去, 個BB一天一天的長大, 有時我唔知神點解要比BB我, 而又令我無左份工.....

我點生活呢? :-(
私人傳訊

333333


民房

積分: 16


發表於 07-4-12 14:06 |顯示全部帖子

Re: 你地有沒有曾經對神失去信心?

繼續努力吧, weloveBB, 不要放棄, 想一想, 耶穌和你做了多少年朋友?
而我問自己, 世上有冇一個朋友我是認識左20年, 而這20年當中你唔要佢,但20年后又返來找你, 對您不離不棄, 我想人世間真很難找到這份不離不棄的愛

weloveBB, 放心吧!! 這個朋友是絕對信得過, 因我已認識衪20多年

對於你說世人的路通達平坦, 好似好多野都好順利, 都無可否認,
但我又唔覺得佢地真係有快樂 (因為我背道而馳左很多年), 依種快樂唔係講緊去玩唱K之類短暫既快樂, 而係我們認識主, 從天上來, 從心裏湧出來的快樂, 因為我是這樣經歷過!!

最后我想講係, 從operational 的層面, 我們有時也要去堅決拒絕一些負面的思想不斷侵蝕我們 (令我們沒有出路), 而去禱告/選擇一些正面/優質的思想
私人傳訊

Cheerfulmama


大宅

積分: 1004


發表於 07-4-12 14:50 |顯示全部帖子

Re: 你地有沒有曾經對神失去信心?

weloveBB,我唔係太同意您話"點解基督徒永永遠遠都會遇上好多好多試探.....好多失落.....而果 d唔信既人, 永遠都可以得到佢地想要既野".

古人有云"人生不如意的事十常八九", 其實基督徒與否都會遭遇困難, 不同的是基督徒有主我平安, 勇氣去正面渡過.

幾個月前, 我要面對一次不輕的手術, 有擔心, 但想起過去神如何祝福自己, 如何幫助自己, 便對神很有信心, 結果整個過程十分十分體會神的預備, 神是信實的

明白weloveBB 您現在的難處, 為您祈禱, 希望您快點找到工作, 同時在難處中體會神的同在, 唔好放棄呀, 努力!
私人傳訊

terry909


大宅

積分: 1277


發表於 07-4-14 09:40 |顯示全部帖子

Re: 你地有沒有曾經對神失去信心?

當然有失去信心，在初初信時的生活和難處比唔信時更多事發生更難度過，一個谷低又去到另一個更深的谷低，真是非常失望，最失望是教會內的事情，令我從此再不返教會覺得好傷心。

之後沒有返教會約4年左右，其實不知不覺地越走越錯好個人越來越壞，之後知錯時，發覺靠自己沒有有用的只有依靠神才能生活得到，現在又返番教會約有4年了，依然都是發生好多事都有好多難處，只有不停地學習不停地禱告不停地........，依靠神幫我開出路和看多些神給我最好的東西，唔好看難處和去多些公園或郊外看神的大自然，這樣就覺得有力量生活了!
私人傳訊

weloveBB


大宅

積分: 4850


發表於 07-4-14 10:06 |顯示全部帖子

Re: 你地有沒有曾經對神失去信心?

多謝各位....大家的說話令我流淚....對, 一次又一次的離開神, 卻又一次又一次的求神, 好似有事才想起神.....我覺得自己好衰....同炒左我個衰老板無分別....都係利用完便唔要.....我個心好內疚...唔知點講

昨天我知道我part time的公司請長工, 而我竟然好肉酸地sent 左個message比老板, 希望佢推薦我.....anyway, 我未收到佢既reply, 可能佢唔refer我, 因為我只係做左3個星期.....不過....我唔知點解....個人有一種無形的推動力....如果係前一個月, 我都唔會咁...我怕人地reject我.....

係神嗎? 神既指示嗎? 我唔求老板答唔答應refer我....起碼我行出第一步.....

感謝大家.....更....感謝神....對我不離不棄...而我卻在外亂行亂衝.....我唔可以原諒自己....

多謝大家為我找尋工作而禱告.....我自己每天都為此事而禱告.....我深信神....為我預備了最好的工作....
私人傳訊

該用戶已被刪除

發表於 07-4-14 22:55 |顯示全部帖子

Re: 你地有沒有曾經對神失去信心?

提示: 作者被禁止或刪除 內容自動屏蔽
私人傳訊

weloveBB


大宅

積分: 4850


發表於 07-4-17 14:06 |顯示全部帖子

Re: 你地有沒有曾經對神失去信心?

感謝主, 教我可以值著BK來講出自己心聲, 自己困擾.....

神必愛我, 因為好多兄弟姊妹都愛我....多謝你們為我禱告....神必聽到~

我好想浸禮, 之前因為有左BB, 而沒有受浸, 已經安排左受浸, 可能當時身體問題, 未能進行....現在好想好想~
私人傳訊

Cheerfulmama


大宅

積分: 1004


發表於 07-4-18 11:30 |顯示全部帖子

Re: 你地有沒有曾經對神失去信心?

weloveBB,

好開心您積極起來! 多禱告, 神是信實呀.
私人傳訊

funlaw


男爵府

積分: 6620

大廚勳章


發表於 07-4-22 23:18 |顯示全部帖子

Re: 你地有沒有曾經對神失去信心?

我想將我找工的差不多二個多月的經歷說給大家知道．
1) 在12月聖誕節老公跌親腳, 我請左2日假比公司咋形, 而家當時公司經濟情況不太樂觀, 會摺, 所以決定走, 因為之前找工作都比較容易, 相信有神與我同行應該很太找到工作．（當時我有為教會服待）
2) 但一個月左右有很多見工機會,有一次有份工叫我ｉｎ　成３次，以為神為我預備，只知再一次失望．新年來到,我仍未找到工作, 開始有失望． :-(
3) 新年過後, 仍有很多工見, 是不是我出現什麼問題, 為何仍未找到, 我開始反思自己的信仰, 反思自己見工的表現, 反思我是不是要去拜黃大仙.......................
4) 3月初終於有一份工請我了, 但是返5.5日, 相信不太差, 返工第一天整天頭痛, 中午與同事食飯, 原來未過試用期返紅假要扣人工, 心想...........明天不用返工了, 太刻薄, 終於辭職了.
5)我開始反思自已想找一些條件的工作：5日工, 準時放工, 大公司, 福利好, 人工不錯, 同事融洽, 我將自己的要求重新交回給神, 再想一想我初信主時, 對神的信心沒有一點疑惑, 為什麼自己要取回主權, 自己承受壓力,
6) 3月中我終於見成工了, 以上我要求的條件都有
終結以上, 我學到, "1)不要怕, 只要信, 2)將眼見定晴在耶穌身上, 3) 不要單靠自己的能力, 將自己的問題與傳道人分享, 4) 要數算神的恩典, 5) 禱告 6) 流淚禱告 7) 呼喊禱告 8) 將自己的要求求告神, 9) 傳福音, 10) 事奉神
以上就是我差不多3個月的得著, 希望可以為你帶來果效．
私人傳訊

weloveBB


大宅

積分: 4850


發表於 07-4-27 17:55 |顯示全部帖子

Re: 你地有沒有曾經對神失去信心?

你前part的經驗很似我....好可惜, 我仍未得到神的安排....仍然在等, 在試...在信....神必為我安排一份最適合我的工作....

之前的工, 沒有回音, 可能因為我信心未夠....而現在又見了一份工, 是舊老板, 舊同事介紹的, 可惜仍未call for 2nd interview....D份工係返回舊公司做....2年前我離開D間公司係因為一啖氣....希望可以成功吧~
私人傳訊

annayee


大宅

積分: 2546


發表於 07-4-30 05:15 |顯示全部帖子

Re: 你地有沒有曾經對神失去信心?

HI weloveBB

其實係人生既路途上經常都有起跌，這是很正常的，你應該慶幸你有這個經歷，因為這是好寶貴的經驗，當你能將一個又一個的難關跨過之後，你會比之前更堅強，你的子女也會以你為榮，這條路不是容易過，但有天父陪伴你們一家度過，無論你相唔相信他，他會無條件的愛你，耶蘇也是無條件地為著我們的罪而被釘十字格，是嗎？

在我信主的路途上，都有好多起跌，但係我不會求神給我有幾好的生活，因為神巳一早安排最好的給我們，只要你細心想想就會明白，我們現在擁有的一切，都不是必然的，是嗎？只要我們做好本份，繼續以基督的愛去愛我們身邊每一個人，這巳經很足夠了！
你們應該一無掛慮；要在禱告中把你們所需要的告訴上帝， 用感謝的心祈求。上帝所賜那超越人所能理解的平安， 會藉著基督耶穌，保守你們的心懷意念。(腓立比書4:6-7)
私人傳訊

weloveBB


大宅

積分: 4850


發表於 07-5-5 08:44 |顯示全部帖子

Re: 你地有沒有曾經對神失去信心?

多謝你...我希望我真的可以對神存有信心及相信神與我同行....一次又一次的失敗.....上星期見的工, 是舊老板介紹的都沒有回音, 真的令我好失落....唔知點講好...是否"天意弄人", 永遠都唔可以比你"如意"一點呢?! 現在只有一份part time可以支持下去....不過part time始終都有完的一天...我怕那時生活又成困境....現在無論我幾慳...小朋友仍然要支出, 要用錢.....咬緊牙關的唯有係自己吧~

我可否係度感慨一聲...."神, 你往了那裡去?", "神你想我點做?" "神, 你是否陪伴我一起走過人生的路?, "神, 我應該點?".....

D一刻係我心裡有千般的疑問.....百段的擔憂.....誰人明白我?! :-(
私人傳訊


首頁
123

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見