sulamita 寫道:
咁你想點? 離婚? 就因為佢悶?
奇實我老公同你老公好似, 都係幾悶的人,
而我又係好好動, 多言又多朋友的那種人。
佢前妻都係因為咁同佢離婚, 話佢唔好wor!!!!
都唔知有咩唔好!? 我老公不煙不酒(間中飲紅酒唔算)不賭不嫖, 對我同個女又好好, 只係悶左D, 平日又係鐘意係屋企做家務!
我深明這類好男人的缺點就係悶, 無咩情趣, 我會成為佢唯一的朋友及親人, 因為他是不會變的, 所以我會好珍惜佢, 盡量用各種方法使到婚姻生活多姿多彩, 雖然他不主動+悶, 但他不是不動, 那麼就由我來做家庭生活中的主動者, 雖然有時會一時忘了他的個性而發了他脾氣, 但是靜下來之後, 便會記起他是老好人不懂表白罷了!!
所以, 如果你真的那麼看你個好老公唔順眼, 又唔打算珍惜這段婚姻, 咁你咪學我老公個前妻咁!
反正這類好男人本身是福氣來的, 你承受不了這福氣,
就等其他人承受吧! 香港大把好女人未有歸宿, 她們就是因為想找好男人而找不到, 所以單身到如今!
siufung 寫道:
真係要珍惜眼前人呀。
樓主果個擺明係好老公, 住家男人, 好多女人恨都恨唔到。
要知道, 針冇兩頭利, 如果有個外向, 多心思, 懂情趣, 多嗜好0既, 到時你又會嫌佢火麒麟同身癮, 好識(乙水)人, 口甜舌滑0既, 又驚佢心野出去搞搞震。
尤其係結婚耐左, 佢冇嫌生活沉悶已經係好老公0既表現, 只要大家好好溝通, 你多作主動, 關係一定會更好。
梅蘭菊竹 寫道:
mama724
咁你老公現在還有沒有婚外情呀?你如何面對呀?估唔到原來這頪男人也有攪攪震.
我和老公結婚10年,有3個女,現先結婚頭8年,我也很投入這段婚姻,我老公無烟,無酒,是好仔一名,出糧差不多將全份糧交給屋企,但有短點是個人好悶...好悶....個人好木訥,放假就永遠掛住行超級市場買屋企日用品.並且同埋個人轉數慢,自從第3個女出世後,我覺得我已很久沒有和他交談心事,我對佢好似好淡咁,甚至do do 也只是1個月1次,我跟本提不起勁,我知道他從來沒有變,變的只是我,傍人眼中他還是對我很好,但我覺得每逢他做任何事,我都睇佢唔順眼,總覺得他是蠢材.我仲常常問自己,點解會嫁比這個咁悶的人.因我個人性格是好動,很健談.
我嘗試有將此問題和他傾過,他的回應是:結婚久了,是這樣的啦.你哋話是否比佢吹漲.
我開始很嫌惡佢,請問大家是否覺得我變態呢?