夫婦情感 今日: 0 | 主題: 42740

積分: 14

1^#

發表於 07-4-17 23:06 |只看該作者

屈埋o係個心好唔舒服, 可以同我分擔下嗎?

有D關於同我奶奶o既相處問題, 我儘量唔想煩到我老公, 唔想比佢知我o係度講, 所以原諒我開個新a/c.

我係一個幾"林"o既人, 同所有人相處都係和和氣氣, 特別係對住我老爺奶奶, 佢地支配慾都幾強, 我儘量都好順佢地意, 我唔想有婆媳問題煩到我老公, 因為佢係一個幾孝順o既仔, 我唔想佢難做之餘, 亦知道同老爺奶奶唔妥o既話, 自己一定無著數.

可能係我一直太"林", 所以越來越發現我奶奶開始好多野都要控制同話事...

由我地攪結婚講起: 我地原本鐘意簡簡單單o既婚禮, 但係老爺奶奶鐘意攪個豪門夜宴, 我係咁同自己講, 佢養到我老公咁大, 我地應該個婚禮都算係為佢地而攪, 所以依佢要求有幾豪攪幾豪... 當事我老公好忙, 成個婚禮得我一個人攪, 面對佢地一個又一個o既要求, 我都不停o甘滿足佢地, 好多麻煩野我都忍, 到最後個婚禮順利完成, 我地超支成二十萬, 算啦, 錢可以再揾返, 婚禮得一個, 但求大家開心就算... 當事我鬆一口氣, 以為過左個婚禮就唔駛煩...

點不知, 結婚之後, 奶奶同我講, 邊個生肖夾佢, 叫我安排o個年先生BB, 跟住講邊個生肖唔夾佢, 叫我千其唔好生o個D生肖o既BB... 我起初聽完都一笑置之, 直到佢講完一次又一次, 好似驚我唔記得o甘...

到左今年, 佢係o甘話係金豬年, 不停叫我生金豬仔, 仲話一定要係仔, 唔要女... 然後每次食飯見面, 就問我有BB未

之後一次佢同我講, 佢已經安排同計畫好曬. 我問計畫o的o羊? 佢話會同老爺退休o係屋企照顧我個仔, 叫我快D揾定份工, 到時生完仔就出去做野, 唔好o係屋企. 我一早已經講明如果有小朋友, 我會做full-time mom, 但係我奶奶總係好似聽唔到o甘

由於我地同老爺奶奶住得好近, 成日都見面, 見親面都係o甘講講講, 真係好煩...

至於我老公o既反應呢? 就係令我更不安... 對於佢亞媽o既言論, 佢會話, "老人家係o甘架啦, 恨偢孫好正常呀", "未發生o既野, 你唔駛擔心", "你自己偢返個BB無問題呀, 不過到時咪比佢地日日黎望下個孫囉"... 其實佢未至於完全偏幫我奶奶, 但係我覺得佢係唔想煩, 想息事寧人, 最重要係, 佢唔多覺佢亞爸亞媽有問題....所以我同佢講o甘多都無用.

其實我好鐘意BB, 已經開始左個做人計畫, 但係每次一見完我奶奶, 我就心理壓力好大, 覺得好煩... 有時甚至有唔想生o既念頭...

我唔知應該點做好......

私人傳訊

onon1022

子爵府

積分: 12596

好媽媽勳章

2^#

發表於 07-4-17 23:56 |只看該作者

Re: 屈埋o係個心好唔舒服, 可以同我分擔下嗎?

其實你老公知道佢父母係一個點既人...所以你老公先叫你唔好介意...其實你試下學你老公...意見接受...態度照舊...聽完咪算囉...唔鍾意聽咪當佢地唱歌...唔好比太大壓力你自己...

[url=http://lilypie.com][img]

私人傳訊

alvinchanmama

積分: 4233

3^#

發表於 07-4-18 00:18 |只看該作者

Re: 屈埋o係個心好唔舒服, 可以同我分擔下嗎?

佢要控制你們都冇可口非. 因為個仔由細到大都喺由你6299管開. 管人喺佢地生活一部份. 無咗唔喺你6299.
壓力就大咗啲. 不過你冇同佢地一齊住已經好好啦.
講真喺你唔想生bb住, 你現在咪自己做好防禦設施啦. 千其唔好靠男人. 唔喺好易中蕉. 佢地見你一年又冇二年又冇聲氣, 自然咪收聲.
有時候借咗聾耳陳隻都幾好, 鐘意咪聽, 唔鐘意咪唔聽.
你話成日都會見到佢地你運路行, 一喺時運高睇唔到見唔到. 出親街帶mp3出街, 成日喺道聽歌, 帶太陽眼鏡扮沈思, 佢地唔叫你, 你就唔好應佢著, 佢叫你, 你好6299早晨, 我趕時間, 走啦byebye, 講得多佢地自然無引.
一於當佢地唱歌. 意見接受, 作風照舊.
你已經喺一個好好女仕, 會識得為老公設想. 你的eq好高呀, 比我就冇咁能力, 佢幫我諗, 佢幫我做晒就更加好.
唔好話自己林善, 只喺唔想同人嘈.
唔過份咪由佢囉.
唔生bb咬得你入咩, 我諗佢地唔會通街唱你無得生, 唔會叫個仔休咗你. 咩年代呀. 生男生女冇人預計得到.
總之個肚喺你, 你鐘意點就點.

王菀之年度創作專輯《On Wings Of Time (CD+DVD) 》現已上市
請支持正版...請支持唱作女皇
(隻碟要煲架--不是放落個煲道煲...)
click入去試聽下..月亮說
飯婦人Blog

私人傳訊

yinmelody

超級版主

積分: 92450

2025勳章 2025勳章蛇年勳章 2018復活節勳章好媽媽勳章醒目開學勳章畀面勳章超級版主環保接龍勳章大廚勳章親子王國15週年勳章

4^#

發表於 07-4-18 01:12 |只看該作者

Re: 屈埋o係個心好唔舒服, 可以同我分擔下嗎?

1.結婚果時係咪你地兩公婆自己出$架

佢話要豪者...叫佢自己豪飽佢囉...anyway..都過左...我都知.自己個心梗係'銀住銀住'唔舒服
2.生bb生肖唔夾,叫佢唔好抱丫...佢都傻傻地.咁叻.佢自己生丫笨 :tongue: 如果生女咁又點者...唔係佢個孫呀

咁佢咪唔好抱囉...仲好添呀...唔洗比佢見...最緊要自己開心..洗咩理佢未...生男生女話唔定架播...佢再叫你生仔..你問下佢有無野食左可以百分百生到生添呀...

3.佢退休佢既事...好似好偉大咁...幫手湊孫 :tongue: 聽到都想嘔

你都話自己湊啦...洗咩佢者..多餘啦佢...食古不化
4.好彩你地唔係一齊住...對得佢耐d...命都短幾年

5.你老公:老人家係o甘架啦, 恨偢孫好正常呀------>咁你咪話囉...你呀媽話要男孫播....如果照左唔係.係女的話...係唔係落左佢丫

"未發生o既野, 你唔駛擔心", ------->嘩...等到發生先黎擔心..就太遲啦.'d男人係唔會覺得自己父母有咩問題...是是但但...乎蜆你...有咩事..自己心嗡咋
唔好理佢地...亦都唔洗比壓力自己...生左出黎又唔洗佢地比$你養.洗咩理佢者...令到自己唔開心...鬱住個心....放鬆啦

雖然我在線,但可能行開左

私人傳訊

該用戶已被刪除

5^#

發表於 07-4-18 01:24 |只看該作者

Re: 屈埋o係個心好唔舒服, 可以同我分擔下嗎?

提示: 作者被禁止或刪除內容自動屏蔽

私人傳訊

alvinchanmama

積分: 4233

6^#

發表於 07-4-18 01:33 |只看該作者

Re: 屈埋o係個心好唔舒服, 可以同我分擔下嗎?

happybaby&mom 寫道:
"男人係唔會覺得自己父母有咩問題" ---呢句真係冇花假, 所以你想反擊都幾難, 只好當借聾耳陳隻耳..

即是阿女不會話阿媽不是．　
阿仔都唔會話自己阿媽有問題囉．

私人傳訊

siufung

子爵府

積分: 13005

7^#

發表於 07-4-18 01:34 |只看該作者

Re: 屈埋o係個心好唔舒服, 可以同我分擔下嗎?

盡少接觸為妙

老虎囡2010年2月10日於嘉諾撒出世喇, 早過預產11日~ 重6.71磅

私人傳訊

小麵麵

男爵府

積分: 6329

8^#

發表於 07-4-18 02:10 |只看該作者

Re: 屈埋o係個心好唔舒服, 可以同我分擔下嗎?

樓主
其實你算好嫁喇,唔洗同62,99住,雖然住得好近,但係未真係一定要見到佢地呢?
我真係好唔明點解d62,99咁不知所為,咩豪門夜宴,又唔係佢地比錢,你真係啋佢地都有味,我當時既情況同你唔同,但都係我老公比錢,冇超支,不過似佢(99)擺酒多d lo,而且重鬧我,我當時差走左去唔影相,但我冇你咁"林"lo,我同佢既所有親戚影相,我都黑面 :tongue:
你千其唔好聽你99話邊個邊個生肖利佢而生呀,而且你要自己湊bb,一定唔好返出來做事,如果唔係,你一定後悔,你要記住,個肚係你既,你喜歡幾時生就幾時生,生咩生肖自己決定,生出來係囝or囡都唔關佢地事,佢話生女唔like,咁你就生個女比佢地睇,記住唔好太"林"呀!
你申比老公聽,但你又覺得冇乜用,咁你同佢申完之後未唔好理佢答你乜lo(如果唔好聽)好聽既就先聽,你可以上bk到講下申下,我地大把媽咪幫你分擔

私人傳訊

sa2501

禁止訪問

積分: 2729

9^#

發表於 07-4-18 05:28 |只看該作者

Re: 屈埋o係個心好唔舒服, 可以同我分擔下嗎?

提示: 作者被禁止或刪除內容自動屏蔽

私人傳訊

momama

積分: 1720

10^#

發表於 07-4-18 09:15 |只看該作者

Re: 屈埋o係個心好唔舒服, 可以同我分擔下嗎?

"老人家係o甘架啦, 恨偢孫好正常呀", "未發生o既野, 你唔駛擔心", "你自己偢返個BB無問題呀, 不過到時咪比佢地日日黎望下個孫囉"...

你老公講得好啱, 亦好支持你, 係你諗得太多!!! 我99喺Ｎ年前夠話如果我生ＢＢ, 佢兩老會唔做嘢從美國返HK同我湊, 結果囡囡差唔多２歲提都冇再提

船到橋頭自然直!!!

私人傳訊

fifi1018

積分: 1401

11^#

發表於 07-4-18 09:32 |只看該作者

Re: 屈埋o係個心好唔舒服, 可以同我分擔下嗎?

我都同意其他媽媽的意見
1. 0的老公係咁, 實係話未發生既野, 唔好理啦., 女人就唔係咁諗, 好多野諗, 呢個係正常既....不過我同意您老公講, 有左先算啦, 唔使諗定煩定先...

2. 話叫您返工佢地湊仔, 您係阿b既阿媽, 最緊要係您老公都同意您做全職媽媽咪得囉, 個b係您, 您係阿媽, 順理成章, 您咪話9962年紀大, 怕您地辛苦, 想同阿b玩就無所謂, 之但係怕您地辛苦, 都係我自己湊OK啦

3. 生仔都咩生肖又要係仔, 您問下您99有咩心得囉, 同埋生仔生女係個男人決定, 唔係女人個邊話事既, 準備0的文章關於生男生女俾佢睇, 定99去煩您老公....哈, 定佢幫佢阿媽口, 仲有呀, 同99講, 越講就越無, 您知啦, BB小氣嘛, 同埋成日提, 有壓仔, 唔好話生仔, 便秘都會好0的啦

4. 其實生仔生女有乜所謂, 都係自已骨肉, 我同意有一個媽媽講, 係唔係生左係女就落左佢, 係唔係生左係女就9962唔湊佢, 又唔鐘意? 如果係, 咁又唔怕, 最好生女, 唔使佢地黎煩

5. 其實您好好架啦, 唔使同6299一起住, 如果唔係, 仲煩死您呀

卓瑤私相集

私人傳訊

露絲

積分: 1255

12^#

發表於 07-4-18 10:39 |只看該作者

Re: 屈埋o係個心好唔舒服, 可以同我分擔下嗎?

Jackiekan,
我諗你都要考慮清楚先生bb, 唔好99話生就生, 佢隨時sin你一獲, 你就好慘. 為人生bb而唔係做足心理準備去迎接新生命, 係最愚蠢的, 到時拿手唔成世, 就慘.

我都係比我老公同99 sin 獲金既. 我初初結婚時3個月左右, 我99成日嗌生金猪, 佢屬猪既, 所以最好生金猪(唔係今年個隻), 又話幫我揍, 又話出'買'尿片奶粉都無問題. 我老公仲衰, 話無禁容易有bb, 結果唔到4個月到就有咗bb, 從此沒有2人世界啦~~ :evil:

但係好景不常, 我99又開始發作及痴痴地線, 懷孕無耐就話佢要入長洲住, 唔可以照顧我及唔會幫我揍bb, 我當時真係晴天霹靂, 因為我成日想嘔又吃不下東西又睡不好, 家下佢又禁樣玩我, 我好唔開心, 我連個bb都怒.
就是因為這樣原古+上我更本唔想禁快有bb, 同時我又無做足準備去生bb, 變咗後期因辛苦及無揍bb既知識, 導致我而家都唔係好喜歡個大b. (我99好衰無口得, 仲到我個大b衰到+ 0 1, 試過放工回99家, 一入門口我99同個大b笑笑口講 : 八婆返黎啦. 又試過放工回99家, 一入門口我大b同我講 : 我強姦你) 所以我好鬼死憎恨我99.

我老公勁愚考, 咩都幫住個痴線99, 成日同我閙交, 明知亞媽做錯都話佢arm.

結婚個晚, 回到99家, 我99仲痴線到同我數利事, 幾乎想同我分賀禮tim, 我緊係唔理佢啦~~ :tongue: (邊有人禁失禮架!)

每逢假期都分附我老公出長洲幫大老做野, 不但只這樣, 而且仲要我出去幫手, 全部由佢作主, 當時我好唔開心, 平時已無街去, 家下連紅假都係禁, 我當時想死, 不過我老公唔覺有咩問題. 結完婚當晚回家, 我99都short short地, 話見到有份夜間工wor..想叫我老公做, 佢都有問題, 人地剛剛結婚還未開始2人世界, 就要早晚分離見唔到對方, 我點都諗唔到佢衰到禁地步.

至於, 你99講咩野, 你千奇唔好聽, 唔好理, 如果唔係就好似我e個人版禁, 同老公閙足10幾年交. 諗起都無謂. 同老公講無用架, 佢一定幫自己媽咪.

不過你要清楚話佢(c6)知, 法律上雖然係夫婦, 但唔等同你一定要照佢既意思去做, 你有權跟與不跟, 思想上係獨立的. 至於99方面, 你唔好同c6閙交, 不過要同佢講明, 你同c6係獨立既個體, 結婚只不過係想結束男女朋友既關係, 而開始夫婦關係, 唔等同我已完全屬於你 (1部分), 我只屬於自己爸媽及自己. (你唔係賣咗比你c6架嗎), 相反你問c6:你係唔係全屬於我呀? 如果答係, 即是係唔係我可以控制你的一切呀? (包括有權控制99)

不過, 生完有排煩, 好多好多好多數不清既問題會走出來, 到時你仲頭痛, 包你仲煩過而家幾10倍.

(教養及揍既方法) 99有可能話你比唔夠錢揍bb, 有可能話你點揍bb...唔識揍唔好學人揍, 唔識生唔好學人生. 又可能話...你點生架, 咩個孫禁蠢架, 一d都唔似老豆.

你睇.........幾多問題, 死未!

想清楚先生bb, 唔係.........就後悔莫及.

露絲

私人傳訊

該用戶已被刪除

13^#

發表於 07-4-18 11:16 |只看該作者

Re: 屈埋o係個心好唔舒服, 可以同我分擔下嗎?

提示: 作者被禁止或刪除內容自動屏蔽

私人傳訊

積分: 14

14^#

發表於 07-4-18 12:51 |只看該作者

Re: 屈埋o係個心好唔舒服, 可以同我分擔下嗎?

好多謝大家既留言, o係個心好煩好煩既時候, 知道有人support自己或者點醒自己係咪做錯, 個人都會舒服D....

私人傳訊

積分: 14

15^#

發表於 07-4-18 12:56 |只看該作者

Re: 屈埋o係個心好唔舒服, 可以同我分擔下嗎?

onon1022 寫道:
其實你老公知道佢父母係一個點既人...所以你老公先叫你唔好介意...其實你試下學你老公...意見接受...態度照舊...聽完咪算囉...唔鍾意聽咪當佢地唱歌...唔好比太大壓力你自己...

onon1022

我都儘量學緊當佢地唱歌, 不過有時真係令我好唔舒服o既言論, 我就好易屈住o係個心度囉, 所以要上BK減壓.

私人傳訊

積分: 14

16^#

發表於 07-4-18 13:02 |只看該作者

Re: 屈埋o係個心好唔舒服, 可以同我分擔下嗎?

alvinchanmama 寫道:
講真喺你唔想生bb住, 你現在咪自己做好防禦設施啦. 千其唔好靠男人. 唔喺好易中蕉. 佢地見你一年又冇二年又冇聲氣, 自然咪收聲.

其實我自己好想生BB, 亦努力緊, 不過我意思係, 成日聽到我99既言論, 攪到我對大肚同第日揍BB之類既問題好擔心, 甚至有怕生BB既念頭...

私人傳訊

積分: 14

17^#

發表於 07-4-18 13:26 |只看該作者

Re: 屈埋o係個心好唔舒服, 可以同我分擔下嗎?

yinmelody 寫道:
1.結婚果時係咪你地兩公婆自己出$架
佢話要豪者...叫佢自己豪飽佢囉...anyway..都過左...我都知.自己個心梗係'銀住銀住'唔舒服

---> 攪結婚D錢係我地自己既, 我原本以為就佢地去間好D 既酒店擺酒就OK, 點知佢地仲要求揾人佈置(好彩無堅持用鮮花), 揾人做司儀, 揾live band, 亞婆都要揾化妝..... 夾價夾到我C, 結果都咪超支囉.... 不過過去左, 算吧啦....

2.生bb生肖唔夾,叫佢唔好抱丫...佢都傻傻地.咁叻.佢自己生丫笨 :tongue: 如果生女咁又點者...唔係佢個孫呀咁佢咪唔好抱囉...仲好添呀...唔洗比佢見...最緊要自己開心..洗咩理佢未...生男生女話唔定架播...佢再叫你生仔..你問下佢有無野食左可以百分百生到生添呀...

---> 其實佢有講D古法秘方架 (飲食同姿勢), 我面都紅埋...聽完就算囉.... 不過令我唔舒服係, 我發現我老公之後既飲食就照樣跟住, 原來反而佢自己唔係聽完就算囉....

3.佢退休佢既事...好似好偉大咁...幫手湊孫 :tongue: 聽到都想嘔你都話自己湊啦...洗咩佢者..多餘啦佢...食古不化

----> 咪就係我講完自己湊, 佢下次又用第二個方法重覆話佢地湊囉.... 唉... 都唔知佢係咪聽唔明廣東話...

4.好彩你地唔係一齊住...對得佢耐d...命都短幾年

----> 我都慶幸唔駛一齊住, 不過而家都唔好得幾多, 因為真係住得好近, 我好驚第日生完BB (o甘大壓力都有既話), 佢地日日黎我屋企我可能會痴線......

5.你老公:老人家係o甘架啦, 恨偢孫好正常呀------>咁你咪話囉...你呀媽話要男孫播....如果照左唔係.係女的話...係唔係落左佢丫 "未發生o既野, 你唔駛擔心", ------->嘩...等到發生先黎擔心..就太遲啦.'d男人係唔會覺得自己父母有咩問題...是是但但...乎蜆你...有咩事..自己心嗡咋
唔好理佢地...亦都唔洗比壓力自己...生左出黎又唔洗佢地, 比$你養.洗咩理佢者...令到自己唔開心...鬱住個心....放鬆啦

---->唯有嘆自己唔夠亞Q, 放唔開令自己唔開心, 而家要學緊放鬆, 當佢地唱歌.....

私人傳訊

積分: 14

18^#

發表於 07-4-18 13:34 |只看該作者

Re: 屈埋o係個心好唔舒服, 可以同我分擔下嗎?

小麵麵寫道:
樓主
其實你算好嫁喇,唔洗同62,99住,雖然住得好近,但係未真係一定要見到佢地呢?

---> 而家都OK, 係個個星期食飯無得走囉, 如果生完BB, 我預計係會日日見....唉....

我真係好唔明點解d62,99咁不知所為,咩豪門夜宴,又唔係佢地比錢,你真係啋佢地都有味,我當時既情況同你唔同,但都係我老公比錢,冇超支,不過似佢(99)擺酒多d lo,而且重鬧我,我當時差走左去唔影相,但我冇你咁"林"lo,我同佢既所有親戚影相,我都黑面 :tongue:

----> 我都有D覺得結婚o個日自己唔係主角.... 6299威唔緊要, 最怕係連佢D唔知O羊親戚都比你更似新娘.... 想返起真係得啖笑....

你千其唔好聽你99話邊個邊個生肖利佢而生呀,而且你要自己湊bb,一定唔好返出來做事,如果唔係,你一定後悔,你要記住,個肚係你既,你喜歡幾時生就幾時生,生咩生肖自己決定,生出來係囝or囡都唔關佢地事,佢話生女唔like,咁你就生個女比佢地睇,記住唔好太"林"呀!

----> 我成日笑我老公, 生對twins女, 哈哈.....

你申比老公聽,但你又覺得冇乜用,咁你同佢申完之後未唔好理佢答你乜lo(如果唔好聽)好聽既就先聽,你可以上bk到講下申下,我地大把媽咪幫你分擔

私人傳訊