意見反饋
義工

夫婦情感 今日: 102|主題: 38911

查看: 1340 | 回覆: 10
同住問題


複式洋房

國民生產總值:418


發表於 07-4-18 05:22 |顯示全部帖子

同住問題

我係同6299住既.. 囡囡就7個月喇..
其實我一早已經想同老公講話搬出去自己一家三口住架喇..
不過總係唔知點講.. 本來老公半年前都講過話自己住..
點知前個排見佢搵屋既時候.. 又話搵返間大d..
咁即係又一齊住啦.. 我十萬個唔願意囉!!!!
未有bb之前就話無所謂者.. 而家有埋bb..
梗係想一家三口咁住架啦!! 都唔知點解老公唔明..
佢曾經講, 唔同父母住好似好不孝咁..
但而家個個結婚後都係自己住而唔係同父母住架啦!!!
我真係唔明!! 其實仲有好多問題架..
好似每次抱親囡囡同佢地玩.. 都好似唔想我抱走佢咁..
但好多時明知囡囡夠鐘訓覺.. 佢地都似唔想俾佢訓咁..
係都要同佢玩到好攰先俾佢訓..
係.. 玩到好攰先俾佢訓可能會近得耐d~
但同時又唔諗下, 咁樣, 對佢唔係咁好..
訓覺時有可能伯發惡夢.. 又或者好醒訓..
同佢地講過, 但佢地又要同佢玩.. 有時真係好憫!!

大家覺得我應該點同老公講話分開住好呢??
麻煩晒!!!!


子爵府

國民生產總值:11754


發表於 07-4-18 09:50 |顯示全部帖子

Re: 同住問題

我都唔明d男人, 成日好似裙腳仔死都痴住老豆老母, 我個件又係咁, 好似怕人話佢不孝, 唔同住佢地都唔會有事, 最多住近少少, 但起碼大家有空間, 唔駛咁多磨擦, 關係都好d, 我已經同c6講左十年, 都係十年如一日, 住得一日得一日, 若出去租樓住會大開支, 最多呢邊大開支, 個邊開源節流, 慳幾多得幾多, 但講極佢都唔想, 若從新比我簡, 我真係唔會再嫁呢個c6.


珍珠宮

國民生產總值:30256

環保接龍勳章 hashtag影視迷勳章


發表於 07-4-18 14:54 |顯示全部帖子

Re: 同住問題

相見好同住難, 一齊生活有時真係一種學問, 如果唔夾真係好辛苦好大壓力 你試下同你老公開心見誠講出你既感受啦, 我d朋友同屋企人分開住之後感情仲要好左tim架 :mrgreen:
一個人之所以快樂,不是因為她擁有得多, 而是因為她計較得少


大宅

國民生產總值:4776

好媽媽勳章


發表於 07-4-18 16:36 |顯示全部帖子

Re: 同住問題

我都好唔明有d男人,做乜一定要同父母住呢,
唔同住都可以照顧架嘛,女人米又係結左婚唔同自己父母住,
仲話要新抱服待6299,咁女婿又唔洗服侍老婆既父母?
咁都幾唔平公...
好彩我果個唔係咁既男人


子爵府

國民生產總值:11965

好媽媽勳章


發表於 07-4-18 19:45 |顯示全部帖子

Re: 同住問題

其實可以直接同你老公講...講出你既感受...兩夫妻有咩唔可以講...直接問清楚...唔需要估黎估去...



[url=http://lilypie.com][img]


男爵府

國民生產總值:5762

2018勳章


發表於 07-4-19 00:36 |顯示全部帖子

Re: 同住問題

樓主
你一定要同你老公傾,你好想好想一家三口搬出去,我講我既事比你知喇
我最初未結婚既時候其實諗住同99住係OK既,因為我地之前都幾好相處(一星期見一次)而且佢對我好好,點知結婚開始我就後悔(但未到極點,因為我婚後不是日日返家,我有三日係返娘家SLEEP),但我生左囝囝後就到極限(只返娘家訓一晚)

其實我結婚後都有叫老公返,但係佢話唔好,好似有D不孝,之後發生左事喇,99駡我,當然錯不是我,我同囝囝(幾個月大)走回娘家SLEEP,之後我老公電我話99知錯,已經講SORRY(不是對住我講)叫我比次機會99,咁我未算LO,返到HOME就好似乜事都冇咁,(都冇同我SAY SORRY)我同我老公講,如果有下次我一定走(當然有啦).

前前後後我已經做到最好,我冇唔專重99(但唔喜歡),我冇講D難聽說話比佢聽,不過我都係唔開心(自己做到好假)因為我都係想搬....有句說話,[size=medium]只要有恆心,鐵柱磨成針我老公係今年年頭同我講,決定搬 我當時有D覺得好假咁,我話(你唔係話唔搬咩)我話想搬都講左兩年,比老公拒絕左都係兩年,我真係好開心,因為老公話覺得對我唔住,當時佢唔識諗下我既唔開心,但佢見到我一日比一日唔開心(係屋企)但一出左門口就好正常,SO佢就覺得唔可以再同99住,因為佢知道我會有一日帶埋囝囝走,直到我有自己既家

我冇直接迫老公搬,我只係每做一樣事都係忠於自己,
到現在老公已明白,同住日日見唔代表孝順,唔同住好少見唔代表不孝,因為日日見到都係冇野講,而且有時重令我倆冇自由
你直接講啦,唔講比你老公知佢係唔會為你諗,你又唔係要你老公同62,99絕交,係未
SORRY呀!長氣得濟


子爵府

國民生產總值:12004

好媽媽勳章


發表於 07-4-19 01:12 |顯示全部帖子

Re: 同住問題

我同樓主情況幾似..個99又係懶係野以為亞b跟佢多d,成日對我講:睇下,亞b跟我!唔跟你.亞b俾野佢,又話:睇下,又唔見佢俾你?講埋呢d說話有咩用呢?聽到就硬耳但又費事出聲.夜晚明知佢碌黎碌去準備瞓走入房係要撩亞b玩,玩到醒晒瞓唔著,玩完拍下個欏柚走人,然后我要執手尾從頭拍過亞b瞓.....生活唔夾,我鐘意乾淨企理細細聲,佢地偏偏污漕辣塌無手尾大大聲(無論講野或任何動作)好多野積埋積埋好鬼激氣,叫左c佬要搬又係拖字缺,一味借聾耳陳隻耳扮聽唔到,聽到都無反應.后尾有一日,我忍無可忍發佢爛渣,我話有無理到我係呢間屋o既感受,我活動範圍淨係房同廁所,完全唔覺係自己屋企,借人地方住咁.有你老豆老母一日我都唔願响間屋樹,我俾佢揀一係你老母串我,我即刻還拖,我唔再忍口.我見到唔順眼就開聲話,一係我地搬,一係我地離婚,我唔想有個咁負責任o既老公,個細跟住佢地亦無好處,學埋d衰野(而家已經學左撩鼻屎啦,個99日夜隻手唔停咁撩)又講埋d俗語:咀啖先,點溝女先...
之后咪同意搬,而家努力搵屋中....
男人係要俾壓力佢至得,尤其鐘意黐住屋企果d,因為佢知道亞媽同佢做晒野,搬出黎之后唔多唔少要幫手做家務.我呢件就係咁心態.真係後悔跟著呢件嘔心.
春有百花秋有月 夏有涼風冬有雪 若無閒事掛心頭 便是人間好時節


複式洋房

國民生產總值:363


發表於 07-4-19 01:34 |顯示全部帖子

Re: 同住問題

I totally agree ar! Because I lived with 6299 for 2 years. They talked the same thing and did the same thing. Until one day I argued with 99 then my husband realize I am getting crazy ......You must let him know you are the member in the family too, not only his parents, he must understand and respect your feelings. I support you! :lol:


別墅

國民生產總值:722


發表於 07-4-19 04:43 |顯示全部帖子

Re: 同住問題

樓主,
你囡囡半夜會醒嗎?會嘈到你老公嗎?如果係,你可以借呢樣野,因為我知bb最好訓得定時,同白日唔好訓太多,才可以一覺訓天光,如果你6299係呢方面唔合作,你可以唔太強硬,等佢地令bb真係晚上易醒,醒咗你又唔好咁有效率令bb快快訓著,當6299d問題直接影響到你老公(無覺好訓),咁佢就會有唔同想法.

”偉”屈你囡囡同你老公一排之後,你就可以同你老公講,6299唔俾囡囡訓,令佢訓覺時間好亂,半夜常常醒,令你訓唔到日日都好辛苦(你老公到時可能會感同身受 ),再追問佢幾時搬開住,細細地咁一家3口就得,唔想佢供樓供得咁辛苦.如果佢仲話同埋6299一齊搬,你可以叫佢想清楚咁往後每日bb都會半夜醒,再遲dbb大少少懂貪玩時會更唔肯訓,到時睡眠情況會比宜家更差,所以才想快d搬,搬出都會返來探6299,...如果佢同意,你索性話咩咩咩屋苑(你d心水屋),咩咩咩size,都只係$xxx,好唔好?如果佢ok,你可以提意你得閒睇下先,平樓要慢慢搵,唔係想搬就會有,分分鐘等半年幾1年都無心水單位放盆,搵到心水樓時再叫佢一齊睇.

咁就怕你老公拖字訣

kchy 寫道:
但好多時明知囡囡夠鐘訓覺.. 佢地都似唔想俾佢訓咁..
係都要同佢玩到好攰先俾佢訓..
係.. 玩到好攰先俾佢訓可能會近得耐d~
但同時又唔諗下, 咁樣, 對佢唔係咁好..
訓覺時有可能伯發惡夢.. 又或者好醒訓..
同佢地講過, 但佢地又要同佢玩.. 有時真係好憫!!

大家覺得我應該點同老公講話分開住好呢??
麻煩晒!!!!


複式洋房

國民生產總值:309


發表於 07-4-19 14:25 |顯示全部帖子

Re: 同住問題

renren 寫道:
我同樓主情況幾似..個99又係懶係野以為亞b跟佢多d,成日對我講:睇下,亞b跟我!唔跟你.亞b俾野佢,又話:睇下,又唔見佢俾你?講埋呢d說話有咩用呢?聽到就硬耳但又費事出聲.夜晚明知佢碌黎碌去準備瞓走入房係要撩亞b玩,玩到醒晒瞓唔著,玩完拍下個欏柚走人,然后我要執手尾從頭拍過亞b瞓.....生活唔夾,我鐘意乾淨企理細細聲,佢地偏偏污漕辣塌無手尾大大聲(無論講野或任何動作)好多野積埋積埋好鬼激氣,叫左c佬要搬又係拖字缺,一味借聾耳陳隻耳扮聽唔到,聽到都無反應.后尾有一日,我忍無可忍發佢爛渣,我話有無理到我係呢間屋o既感受,我活動範圍淨係房同廁所,完全唔覺係自己屋企,借人地方住咁.有你老豆老母一日我都唔願响間屋樹,我俾佢揀一係你老母串我,我即刻還拖,我唔再忍口.我見到唔順眼就開聲話,一係我地搬,一係我地離婚,我唔想有個咁負責任o既老公,個細跟住佢地亦無好處,學埋d衰野(而家已經學左撩鼻屎啦,個99日夜隻手唔停咁撩)又講埋d俗語:咀啖先,點溝女先...
之后咪同意搬,而家努力搵屋中....
男人係要俾壓力佢至得,尤其鐘意黐住屋企果d,因為佢知道亞媽同佢做晒野,搬出黎之后唔多唔少要幫手做家務.我呢件就係咁心態.真係後悔跟著呢件嘔心.



to:renren
講得好~~
我果件c6同你一樣...雖然我唔係同奶奶住,但我果件又係個心好鍾意痴住佢屋企人,一番去食飯就成個開心生猛晒(我地日日都番屋企食).佢呀媽講乜都係對的,.....佢呀媽話(米田共)係香,我唸我果件都會話香... ?-( 我老公甩一條腳毛,都要同佢呀媽講.. ?-(
我老公又係覺得痴住佢屋企咩家務都唔駛做,好似裙腳仔咁覺得好enjoy>~~
我愛鱆魚&小b~


複式洋房

國民生產總值:363


發表於 07-4-20 20:01 |顯示全部帖子

Re: 同住問題

我想問下你地宜家係唔係在香港住 ? 如果以我個人意見,分開住係會好好多,因為大家好多生活上的習慣都唔同,尤其係佢地始終唔係你親生父母,可能大家都未必會有咁大的胸襟去包容對方。如果知道大家有可能會發生磨擦,最好分開住,好似我咁,我就最後都同佢地「反晒面」至可以有安落日子過。其實同另外一家人相處真係好大學問,個男人擔當好重要的角色,但d男人最鍾意避,佢地覺得個老婆可以應酬佢屋企人,但咁樣係好錯,因為9962其實又係睇個仔「點做」。如果佢地發覺個仔都唔係好理野,咁佢地就會試下個「底線」,即係睇下個新抱可以有幾聽話。尤其係老一代,大部份都會認為個女仔嫁左之後要聽男家話,d老人家如果無野做就會不停咁想像好多野。當然都會有好的父母。「俾面」同尊重老人家係應該,但如果對方唔尊重自己就唔得,試下用一個堅決而又溫和的手法令佢知道你都唔係「好好蝦」,千萬唔好俾佢覺得你有空間可以俾佢控制,但又要對佢有禮貌。我覺得有時真係好似返工咁。


© Baby-Kingdom.com Limited. All rights reserved.