吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 同住問題

夫婦情感今日: 3|主題: 42423

收藏本版

發帖

返回列表

跳至頁

查看: 1616 | 回覆: 10

同住問題 [複製鏈接]

kchy

複式洋房

積分: 418

1^#

發表於 07-4-18 05:22 |只看該作者

同住問題

我係同6299住既.. 囡囡就7個月喇..
其實我一早已經想同老公講話搬出去自己一家三口住架喇..
不過總係唔知點講.. 本來老公半年前都講過話自己住..
點知前個排見佢搵屋既時候.. 又話搵返間大d..
咁即係又一齊住啦.. 我十萬個唔願意囉!!!!
未有bb之前就話無所謂者.. 而家有埋bb..
梗係想一家三口咁住架啦!! 都唔知點解老公唔明..
佢曾經講, 唔同父母住好似好不孝咁..
但而家個個結婚後都係自己住而唔係同父母住架啦!!!
我真係唔明!! 其實仲有好多問題架..
好似每次抱親囡囡同佢地玩.. 都好似唔想我抱走佢咁..
但好多時明知囡囡夠鐘訓覺.. 佢地都似唔想俾佢訓咁..
係都要同佢玩到好攰先俾佢訓..
係.. 玩到好攰先俾佢訓可能會近得耐d~
但同時又唔諗下, 咁樣, 對佢唔係咁好..
訓覺時有可能伯發惡夢.. 又或者好醒訓..
同佢地講過, 但佢地又要同佢玩.. 有時真係好憫!!

大家覺得我應該點同老公講話分開住好呢??
麻煩晒!!!!

私人傳訊

lau

子爵府

積分: 11754

2^#

發表於 07-4-18 09:50 |只看該作者

Re: 同住問題

我都唔明d男人, 成日好似裙腳仔死都痴住老豆老母, 我個件又係咁, 好似怕人話佢不孝, 唔同住佢地都唔會有事, 最多住近少少, 但起碼大家有空間, 唔駛咁多磨擦, 關係都好d, 我已經同c6講左十年, 都係十年如一日, 住得一日得一日, 若出去租樓住會大開支, 最多呢邊大開支, 個邊開源節流, 慳幾多得幾多, 但講極佢都唔想, 若從新比我簡, 我真係唔會再嫁呢個c6.

私人傳訊

juicypig

珍珠宮

積分: 30278

環保接龍勳章 hashtag影視迷勳章

3^#

發表於 07-4-18 14:54 |只看該作者

Re: 同住問題

相見好同住難, 一齊生活有時真係一種學問, 如果唔夾真係好辛苦好大壓力

你試下同你老公開心見誠講出你既感受啦, 我d朋友同屋企人分開住之後感情仲要好左tim架 :mrgreen:

一個人之所以快樂,不是因為她擁有得多, 而是因為她計較得少

私人傳訊

心滿意足

男爵府

積分: 8661

好媽媽勳章

4^#

發表於 07-4-18 16:36 |只看該作者

Re: 同住問題

我都好唔明有d男人,做乜一定要同父母住呢,
唔同住都可以照顧架嘛,女人米又係結左婚唔同自己父母住,
仲話要新抱服待6299,咁女婿又唔洗服侍老婆既父母?
咁都幾唔平公...
好彩我果個唔係咁既男人

私人傳訊

onon1022

子爵府

積分: 12519

好媽媽勳章

5^#

發表於 07-4-18 19:45 |只看該作者

Re: 同住問題

其實可以直接同你老公講...講出你既感受...兩夫妻有咩唔可以講...直接問清楚...唔需要估黎估去...

[url=http://lilypie.com][img]

私人傳訊

小麵麵

男爵府

積分: 6329

6^#

發表於 07-4-19 00:36 |只看該作者

Re: 同住問題

樓主
你一定要同你老公傾,你好想好想一家三口搬出去,我講我既事比你知喇
我最初未結婚既時候其實諗住同99住係OK既,因為我地之前都幾好相處(一星期見一次)而且佢對我好好,點知結婚開始我就後悔(但未到極點,因為我婚後不是日日返家,我有三日係返娘家SLEEP),但我生左囝囝後就到極限(只返娘家訓一晚)

其實我結婚後都有叫老公返,但係佢話唔好,好似有D不孝,之後發生左事喇,99駡我,當然錯不是我,我同囝囝(幾個月大)走回娘家SLEEP,之後我老公電我話99知錯,已經講SORRY(不是對住我講)叫我比次機會99,咁我未算LO,返到HOME就好似乜事都冇咁,(都冇同我SAY SORRY)我同我老公講,如果有下次我一定走(當然有啦).

前前後後我已經做到最好,我冇唔專重99(但唔喜歡),我冇講D難聽說話比佢聽,不過我都係唔開心(自己做到好假)因為我都係想搬....有句說話,[size=medium]只要有恆心,鐵柱磨成針我老公係今年年頭同我講,決定搬

我當時有D覺得好假咁,我話(你唔係話唔搬咩)我話想搬都講左兩年,比老公拒絕左都係兩年,我真係好開心,因為老公話覺得對我唔住,當時佢唔識諗下我既唔開心,但佢見到我一日比一日唔開心(係屋企)但一出左門口就好正常,SO佢就覺得唔可以再同99住,因為佢知道我會有一日帶埋囝囝走,直到我有自己既家

我冇直接迫老公搬,我只係每做一樣事都係忠於自己,
到現在老公已明白,同住日日見唔代表孝順,唔同住好少見唔代表不孝,因為日日見到都係冇野講,而且有時重令我倆冇自由
你直接講啦,唔講比你老公知佢係唔會為你諗,你又唔係要你老公同62,99絕交,係未

SORRY呀!長氣得濟

私人傳訊

renren

子爵府

積分: 12024

好媽媽勳章

7^#

發表於 07-4-19 01:12 |只看該作者

Re: 同住問題

我同樓主情況幾似..個99又係懶係野以為亞b跟佢多d,成日對我講:睇下,亞b跟我!唔跟你.亞b俾野佢,又話:睇下,又唔見佢俾你?講埋呢d說話有咩用呢?聽到就硬耳但又費事出聲.夜晚明知佢碌黎碌去準備瞓走入房係要撩亞b玩,玩到醒晒瞓唔著,玩完拍下個欏柚走人,然后我要執手尾從頭拍過亞b瞓.....生活唔夾,我鐘意乾淨企理細細聲,佢地偏偏污漕辣塌無手尾大大聲(無論講野或任何動作)好多野積埋積埋好鬼激氣,叫左c佬要搬又係拖字缺,一味借聾耳陳隻耳扮聽唔到,聽到都無反應.后尾有一日,我忍無可忍發佢爛渣,我話有無理到我係呢間屋o既感受,我活動範圍淨係房同廁所,完全唔覺係自己屋企,借人地方住咁.有你老豆老母一日我都唔願响間屋樹,我俾佢揀一係你老母串我,我即刻還拖,我唔再忍口.我見到唔順眼就開聲話,一係我地搬,一係我地離婚,我唔想有個咁負責任o既老公,個細跟住佢地亦無好處,學埋d衰野(而家已經學左撩鼻屎啦,個99日夜隻手唔停咁撩)又講埋d俗語:咀啖先,點溝女先...
之后咪同意搬,而家努力搵屋中....
男人係要俾壓力佢至得,尤其鐘意黐住屋企果d,因為佢知道亞媽同佢做晒野,搬出黎之后唔多唔少要幫手做家務.我呢件就係咁心態.真係後悔跟著呢件嘔心.

春有百花秋有月夏有涼風冬有雪若無閒事掛心頭便是人間好時節

私人傳訊

KarmanTang

複式洋房

積分: 363

8^#

發表於 07-4-19 01:34 |只看該作者

Re: 同住問題

I totally agree ar! Because I lived with 6299 for 2 years. They talked the same thing and did the same thing. Until one day I argued with 99 then my husband realize I am getting crazy ......You must let him know you are the member in the family too, not only his parents, he must understand and respect your feelings. I support you! :lol:

私人傳訊

米米女

別墅

積分: 728

9^#

發表於 07-4-19 04:43 |只看該作者

Re: 同住問題

樓主，
你囡囡半夜會醒嗎？會嘈到你老公嗎？如果係，你可以借呢樣野，因為我知ｂｂ最好訓得定時，同白日唔好訓太多，才可以一覺訓天光，如果你６２９９係呢方面唔合作，你可以唔太強硬，等佢地令ｂｂ真係晚上易醒，醒咗你又唔好咁有效率令ｂｂ快快訓著，當６２９９ｄ問題直接影響到你老公（無覺好訓），咁佢就會有唔同想法．

”偉”屈你囡囡同你老公一排之後，你就可以同你老公講，６２９９唔俾囡囡訓，令佢訓覺時間好亂，半夜常常醒，令你訓唔到日日都好辛苦（你老公到時可能會感同身受

），再追問佢幾時搬開住，細細地咁一家３口就得，唔想佢供樓供得咁辛苦．如果佢仲話同埋６２９９一齊搬，你可以叫佢想清楚咁往後每日ｂｂ都會半夜醒，再遲ｄｂｂ大少少懂貪玩時會更唔肯訓，到時睡眠情況會比宜家更差，所以才想快ｄ搬，搬出都會返來探６２９９，．．．如果佢同意，你索性話咩咩咩屋苑（你ｄ心水屋），咩咩咩ｓｉｚｅ，都只係＄ｘｘｘ，好唔好？如果佢ｏｋ，你可以提意你得閒睇下先，平樓要慢慢搵，唔係想搬就會有，分分鐘等半年幾１年都無心水單位放盆，搵到心水樓時再叫佢一齊睇．

咁就怕你老公拖字訣

kchy 寫道:
但好多時明知囡囡夠鐘訓覺.. 佢地都似唔想俾佢訓咁..
係都要同佢玩到好攰先俾佢訓..
係.. 玩到好攰先俾佢訓可能會近得耐d~
但同時又唔諗下, 咁樣, 對佢唔係咁好..
訓覺時有可能伯發惡夢.. 又或者好醒訓..
同佢地講過, 但佢地又要同佢玩.. 有時真係好憫!!

大家覺得我應該點同老公講話分開住好呢??
麻煩晒!!!!

私人傳訊

貪靚鬼

複式洋房

積分: 309

10^#

發表於 07-4-19 14:25 |只看該作者

Re: 同住問題

renren 寫道:
我同樓主情況幾似..個99又係懶係野以為亞b跟佢多d,成日對我講:睇下,亞b跟我!唔跟你.亞b俾野佢,又話:睇下,又唔見佢俾你?講埋呢d說話有咩用呢?聽到就硬耳但又費事出聲.夜晚明知佢碌黎碌去準備瞓走入房係要撩亞b玩,玩到醒晒瞓唔著,玩完拍下個欏柚走人,然后我要執手尾從頭拍過亞b瞓.....生活唔夾,我鐘意乾淨企理細細聲,佢地偏偏污漕辣塌無手尾大大聲(無論講野或任何動作)好多野積埋積埋好鬼激氣,叫左c佬要搬又係拖字缺,一味借聾耳陳隻耳扮聽唔到,聽到都無反應.后尾有一日,我忍無可忍發佢爛渣,我話有無理到我係呢間屋o既感受,我活動範圍淨係房同廁所,完全唔覺係自己屋企,借人地方住咁.有你老豆老母一日我都唔願响間屋樹,我俾佢揀一係你老母串我,我即刻還拖,我唔再忍口.我見到唔順眼就開聲話,一係我地搬,一係我地離婚,我唔想有個咁負責任o既老公,個細跟住佢地亦無好處,學埋d衰野(而家已經學左撩鼻屎啦,個99日夜隻手唔停咁撩)又講埋d俗語:咀啖先,點溝女先...
之后咪同意搬,而家努力搵屋中....
男人係要俾壓力佢至得,尤其鐘意黐住屋企果d,因為佢知道亞媽同佢做晒野,搬出黎之后唔多唔少要幫手做家務.我呢件就係咁心態.真係後悔跟著呢件嘔心.

to:renren
講得好~~

我果件c6同你一樣...雖然我唔係同奶奶住,但我果件又係個心好鍾意痴住佢屋企人,一番去食飯就成個開心生猛晒(我地日日都番屋企食).佢呀媽講乜都係對的,.....佢呀媽話(米田共)係香,我唸我果件都會話香... ?-( 我老公甩一條腳毛,都要同佢呀媽講.. ?-(
我老公又係覺得痴住佢屋企咩家務都唔駛做,好似裙腳仔咁覺得好enjoy>~~

我愛鱆魚&小b~

私人傳訊

KarmanTang

複式洋房

積分: 363

11^#

發表於 07-4-20 20:01 |只看該作者

Re: 同住問題

我想問下你地宜家係唔係在香港住 ? 如果以我個人意見，分開住係會好好多，因為大家好多生活上的習慣都唔同，尤其係佢地始終唔係你親生父母，可能大家都未必會有咁大的胸襟去包容對方。如果知道大家有可能會發生磨擦，最好分開住，好似我咁，我就最後都同佢地「反晒面」至可以有安落日子過。其實同另外一家人相處真係好大學問，個男人擔當好重要的角色，但d男人最鍾意避，佢地覺得個老婆可以應酬佢屋企人，但咁樣係好錯，因為9962其實又係睇個仔「點做」。如果佢地發覺個仔都唔係好理野，咁佢地就會試下個「底線」，即係睇下個新抱可以有幾聽話。尤其係老一代，大部份都會認為個女仔嫁左之後要聽男家話，d老人家如果無野做就會不停咁想像好多野。當然都會有好的父母。「俾面」同尊重老人家係應該，但如果對方唔尊重自己就唔得，試下用一個堅決而又溫和的手法令佢知道你都唔係「好好蝦」，千萬唔好俾佢覺得你有空間可以俾佢控制，但又要對佢有禮貌。我覺得有時真係好似返工咁。

私人傳訊