意見反饋
義工

產前產後 今日: 17|主題: 240820

12345
跳至
查看: 6272 | 回覆: 85
香港人,有有廉恥架?


民房

國民生產總值:39


發表於 07-4-19 10:02 |顯示全部帖子

香港人,有有廉恥架?

話說琴晚搭地鉄,在金鐘上車冇位坐,諗住企陣先啦!等極都冇位喎,企吓企吓終於見到有一個位,我梗行埋去la,點知有個20零歲嘅女仔同我爭位坐 佢望一望我個肚,然後坐低咗
我老公好唔高興,全程怒啤佢!坐佢隔離嘅女人就喺度偷笑
到呢位妙齢少女落車時,佢竟然怒啤我
點解香港人會攪成咁?莫非你屋企人同老師冇教你要讓座比有需要人士?仲有呀!隔離位嘅女士,點解你淨係識偷笑而唔識起身讓座??
我有咗5個月,個肚超大,而且我著住緊身T-shirt,冇可能唔知我大肚架!


男爵府

國民生產總值:7280


發表於 07-4-19 10:09 |顯示全部帖子

Re: 香港人,有有廉恥架?

而家好多人都係甘架,我都係有左4個半月,有時搭地鐵都會暈,妳真係唔好指意人會讓位比妳啦,倒不如自己小心d好過,多人咪避下啦!


大宅

國民生產總值:1552


發表於 07-4-19 10:22 |顯示全部帖子

Re: 香港人,有有廉恥架?

俾我有老公係身邊的話
我一定大大聲係度單打佢 ~~
睇下邊個無面

其實呢D事係人都知唔好
但就因為只係 [唔好] 而唔係犯法唔岩 ~
所以家下D人係唔會理你的 !!!!!

我都怕左出街 ~
有幾次有人讓位
都係男人添 ~~~


大宅

國民生產總值:2300


發表於 07-4-19 10:25 |顯示全部帖子

Re: 香港人,有有廉恥架?

e+ 呢一代唔同以前0架喇, 我大肚果時, 都無期望過有人會讓坐, 有0既咪當 bonus 0羅~~~


大宅

國民生產總值:3315


發表於 07-4-19 10:27 |顯示全部帖子

Re: 香港人,有有廉恥架?

唔止係男人, 仲要係老人家!!
cindybaby 寫道:
俾我有老公係身邊的話
我一定大大聲係度單打佢 ~~
睇下邊個無面

其實呢D事係人都知唔好
但就因為只係 [唔好] 而唔係犯法唔岩 ~
所以家下D人係唔會理你的 !!!!!

我都怕左出街 ~
有幾次有人讓位
都係男人添 ~~~


男爵府

國民生產總值:6639


發表於 07-4-19 10:51 |顯示全部帖子

Re: 香港人,有有廉恥架?

唉!而家d香港左冇禮貌,冇同情心,冇廉恥同埋佢地既妒忌心仲好重!我由大肚開始到生,番工放工出街搭車都冇人讓過位比我架!我前幾日冇推bb車,帶埋bb坐巴士,點知冇位,我都係全程抱住bb直係度 尋日推住bb車出lift,我都未出呀,個亞婆就係甘撞埋黎,係甘撞我架bb車 :-x


別墅

國民生產總值:922


發表於 07-4-19 11:01 |顯示全部帖子

Re: 香港人,有有廉恥架?

睇開d 啦,我同我老婆不知試過幾多次啦﹗
(不過亦間中有好心人讓位)
做好自己亦教好自己的小朋友就好啦﹗


別墅

國民生產總值:779


發表於 07-4-19 11:07 |顯示全部帖子

Re: 香港人,有廉恥架?

係呀,朝早返工,一上巴士,d人馬上訓嗮!
不過都有d好心人,但以爲有教養果d,都令人失望。


男爵府

國民生產總值:9461


發表於 07-4-19 11:09 |顯示全部帖子

Re: 香港人,有有廉恥架?

反而我覺得香港人真係冇咩公民教育就真~

我都唔盼望會有人讓俾我坐,有d人仲衰到只係望住你個肚,好似未見過人大肚咁。睇完就會扮訓咁囉。

咁都冇辦法呀,只好真係教bb等時唔可以咁咋。香港一代已經沒有希望啦。有時我都好擔心bb既成長會俾環境、朋輩同化,所以作為家長既我地只可以以身作則做好本份~

大家都冇謂同d咁既人計較,佢地讀片片大丫麻,哈哈~

小少爺係ma mi 既心肝寶貝


大宅

國民生產總值:1138


發表於 07-4-19 11:16 |顯示全部帖子

Re: 香港人,有有廉恥架?

我果日同我個一肚朋友搭地鐵,我同佢兩個都係8個幾月la,不單止冇人讓位,仲有個嬸嬸喺後面喺咁推我地tim呀,幾恐怖


男爵府

國民生產總值:7831


發表於 07-4-19 11:22 |顯示全部帖子

Re: 香港人,有有廉恥架?

板主唔駛激氣, 呢個情況時常有, 見慣不怪.
或者... 個妙齡女子自己都大左肚呢~ 頭幾個月都唔見肚格, 但個人都會好累的; 又或者... 佢身有隱疾又唔定呢...
I support autism acceptance!


大宅

國民生產總值:1308


發表於 07-4-19 11:28 |顯示全部帖子

Re: 香港人,有有廉恥架?

annshiu 寫道:
話說琴晚搭地鉄,在金鐘上車冇位坐,諗住企陣先啦!等極都冇位喎,企吓企吓終於見到有一個位,我梗行埋去la,點知有個20零歲嘅女仔同我爭位坐 佢望一望我個肚,然後坐低咗
我老公好唔高興,全程怒啤佢!坐佢隔離嘅女人就喺度偷笑
到呢位妙齢少女落車時,佢竟然怒啤我
點解香港人會攪成咁?莫非你屋企人同老師冇教你要讓座比有需要人士?仲有呀!隔離位嘅女士,點解你淨係識偷笑而唔識起身讓座??
我有咗5個月,個肚超大,而且我著住緊身T-shirt,冇可能唔知我大肚架!

我7個月時都有一模一樣的經歷, 同我爭位既係一個40多歲師奶, 佢不單啤我, 坐低後仲拎份報紙出黎睇, 幾咁悠閒.


男爵府

國民生產總值:7097


發表於 07-4-19 11:30 |顯示全部帖子

Re: 香港人,有有廉恥架?

我抱住阿b咪一樣無人讓位!
[


伯爵府

國民生產總值:18078

畀面勳章


發表於 07-4-19 11:38 |顯示全部帖子

Re: 香港人,有有廉恥架?

:tongue: 無公民教育


男爵府

國民生產總值:5818


發表於 07-4-19 11:40 |顯示全部帖子

Re: 香港人,有有廉恥架?

算啦, 大家唔好咁勞氣, 激親自己同BB就唔好啦. 我依家8個幾月, 個肚大到就黎生得咁樣, 搭十次地鐵都無一次會有人讓位俾我坐啦, 的人離遠見到我上車,特別係o個的十零廿歲既後生仔女,仲即刻全部扮


大宅

國民生產總值:3406


發表於 07-4-19 12:16 |顯示全部帖子

Re: 香港人,有有廉恥架?

我之前都讲过或回应过,你都要小心呀,唔好将自己0既唔好心情带給BB,无为另到呀B唔开心啦,你都想呀B长胎
0家吗

不过我都知好激气。


男爵府

國民生產總值:5266


發表於 07-4-19 12:43 |顯示全部帖子

Re: 香港人,有有廉恥架?

我平時返工都要搭地鐵,不過好彩既係每次都有位剩唔洗睇人面色先有得坐。而其他時候冇得揀先會搭地鐵(通常都只係一兩個站個種先搭),所以都唔期望有人讓,不過都好彩試過有個"賓賓"及女人讓位俾我,我好多謝佢地既好意,不過因為就到,所以都唔想坐喇!! 有次係香港站上車,所有OL同西裝友都坐哂D位,又咁啱放工時間,我又唔想企門口位同人迫,所以企正佢地前面,理所當然地,佢地緊係個個扮訓覺好攰咁啦。係有個CAUSAL打扮既阿叔見我咁,就即刻拍下我隻手叫我坐,我先有得坐下咋!!
唔好話搭地鐵呀,坐巴士都係一樣,我有次返工坐巴士,都係企正係D正常人既前面(係男人),佢就咁望下我個肚,冇理我。到架車轉迥旋處時,我真係企唔隱,差D失平衡而大叫一聲,所以有人望住我,係我面前既男人都俾我嚇親,我話讓位俾我,我就同佢講:我就到喇,唔洗喇!!
所以第日我地除左話俾小朋友聽要點做,仲一定要以身作則,身體力行咁做俾佢地睇,仲要即埸教D小朋友,等其他人都聽到,等D人反省下


子爵府

國民生產總值:14476


發表於 07-4-19 12:53 |顯示全部帖子

Re: 香港人,有有廉恥架?

Me too, 9個月時,10次約有3,2次有人讓坐。


男爵府

國民生產總值:8475


發表於 07-4-19 13:02 |顯示全部帖子

Re: 香港人,有有廉恥架?

其實個政府, 社會環境搞到而家d人唔知乜嘢叫禮貌, 自私到死. 我試過等巴士比個AR嬸打尖,我係第一個排隊, 後面再有一個女人,之後都冇人排隊,但巴士黎到,個AR嬸唔係邊度無啦啦咁”閃”出來,一支箭咁標去我前面上車,我即刻話佢打尖,後面個女人都話佢,但個AR嬸話,都係得3個人,使乜咁執著,我咪好大聲話,我地係咁執著GA LA,打尖就係打尖,就算得2個人,你都係打尖, 跟住佢都冇再出聲,你地話啦,到底香港人仲知唔知乜嘢叫禮貌呢?
好在我等的巴士站係一定有位座.


複式洋房

國民生產總值:408


發表於 07-4-19 13:17 |顯示全部帖子

Re: 香港人,有有廉恥架?

其實呢個問題就反映出,唔理係香港人還是內地人架問題,而係個人架品格問題。

不過我都幾好彩,通常坐地鉄都會有人讓比我坐,反而有時要返深圳做野,喺火車就真係十不離九沒人讓坐啦!

我老公係我以前深圳架同事,後來我同佢結婚後,佢過黎香港幾次,見過人地一二次讓位比D有需要架人坐後,佢之後都好自覺架,見年幾大少少、大肚婆或者抱住個小朋友架,佢都會好自然咁起身讓座架,所以我覺得呢D係良心同品格修養架問題囉!

不過你都唔好咁唔開心啦!為左D咁架人唔開心,唔值得架。


12345
跳至
© Baby-Kingdom.com Limited. All rights reserved.