意見反饋
義工

夫婦情感 今日: 78|主題: 38911

查看: 1975 | 回覆: 9
老公有少少驚恐症抑屈症, 我點做好呢?


別墅

國民生產總值:722


發表於 07-4-19 23:08 |顯示全部帖子

老公有少少驚恐症抑屈症, 我點做好呢?

今日老公好唔舒服, 我陪佢去睇醫生 (係個世叔伯睇住佢大), 身體上無咩問題, 只可以懷疑係壓力致唔舒服, 個醫生開始同佢詳談做評估, 我老公話佢3年前有段時間好驚, 以後都會久唔久有d不明嘅情緒低落, 對多人地方好有can't breath嘅感覺 (我都有印象果排佢想搵心理醫生睇, 但過一排就無野啦), 醫生話佢有驚恐症.抑屈症, 先開2日"震"靜劑, 叫佢考慮下做唔做治療 (食藥+開導).

我想問下大家意見, 在我角色應點呢? 同平時一樣? 少d說話等佢多d安靜? 多d講開心野??? 有無咩建議呀?


子爵府

國民生產總值:11965

好媽媽勳章


發表於 07-4-20 02:03 |顯示全部帖子

Re: 老公有少少驚恐症抑屈症, 我點做好呢?

其實你可以同你老公講...有咩唔開心...可以同你講...你會係佢身邊支持佢...當然勸佢睇心理醫生...然後問醫生既意見...你需要點樣幫你老公...起埋心理醫生同你老公傾完...知道你老公點諗...可以比到專業意見你...



[url=http://lilypie.com][img]


禁止訪問

國民生產總值:4834


發表於 07-4-20 02:17 |顯示全部帖子

Re: 老公有少少驚恐症抑屈症, 我點做好呢?

提示: 作者被禁止或刪除 內容自動屏蔽


別墅

國民生產總值:745


發表於 07-4-20 02:22 |顯示全部帖子

Re: 老公有少少驚恐症抑屈症, 我點做好呢?

我之前都有驚恐症,亦去左睇政府心理xx員(到而家我亦仲睇緊)
但我覺得最大幫助係身邊的人支持...好似你要同佢講你好支持佢呀...會幫佢等等...第二就要好睇佢自己點樣諗,成日要令自己諗野要正面d等等...



別墅

國民生產總值:722


發表於 07-4-20 02:46 |顯示全部帖子

Re: 老公有少少驚恐症抑屈症, 我點做好呢?

唔該你地呀, 剛才同老公一齊見醫生, 我唔敢問醫生我應該點做, 怕令老公覺得好大件事. 我會多d聽佢講野, 耐心d.

cat83,
我想問下係咪要醫生refer, 要排期好耐架? 謝謝


子爵府

國民生產總值:11319


發表於 07-4-20 09:16 |顯示全部帖子

Re: 老公有少少驚恐症抑屈症, 我點做好呢?

我bf之前都試過咁既情況, exactly同你老公一樣... 行行下街會無啦啦話好驚, 搭緊車又試過話唔知點咁好似呼吸唔到咁.. 我都同過佢睇醫生, 因開頭唔知做咩, 又突然係咁就同左佢去睇政府, 跟住政府彈左佢呢個case去精神科tim... 不過要等成年先有得睇, 不過暫時已經冇事lu...
其實當時我都唔知點做架... tum下佢囉... 我成日同佢講話, 你唔好諗咁多唔開心既野, 公司既野睇開d, 公司既人唔好理, 唔好only諗d衰野... 個人就好d架啦! 我仲同佢講其實而家你有呢d咁既唔舒服全部都係你控制架咋麻... 我幫你唔到架喎, 我唔係你個腦, 但你自己係可以控制自己架麻... 咁又有d幫助咁啦!
我諗係多d同佢傾計啦! 唔好畀佢感覺得佢一個啦! 畀佢覺得我係一定支持佢咁啦!
放心啦好少事架咋... 好快冇事架啦!


大宅

國民生產總值:1091


發表於 07-4-20 09:34 |顯示全部帖子

Re: 老公有少少驚恐症抑屈症, 我點做好呢?

我都有親人有情緒病,如果叫佢地唔唔好諗咁多唔開心既野, 睇開d, 公司既人唔好理, 唔好only諗d衰野... 個人就好d架啦!
佢地只會覺得親人唔明白佢,好多時佢地係身不由己,控制唔到自己。
小心搵專業人士,好多害群之馬。有人因此令病情惡化。
睇下呢個網頁,會明白多些情緒病

www.sundaemood.hk/
善良就夠了!


複式洋房

國民生產總值:242


發表於 07-4-20 13:38 |顯示全部帖子

Re: 老公有少少驚恐症抑屈症, 我點做好呢?

我 hb 都有驚恐症,已經是大約三、四年前的事了。有朋友介紹睇精神科醫生(私家),醫生診斷是 panic disorder,但幸好沒有抑鬱症。食了大半年藥就無事,而家好間中會有點緊張,但自己已控制到,不用食藥。

其實伴響佢身邊已有好大幫助,他病發時我不會多說話,但會不斷留意他有什麼需要,立即離開困局的環境 (如車廂) 會有好大幫助。他病發時,會飲水、聽音樂、聽大自然的聲音 (如海浪聲),似乎好有效。

對於他的病,我又不會太緊張,好少會問他的病情,但會減少與他 argue 以免加重他的精神壓力。

希望幫到你!!!


洋房

國民生產總值:228


發表於 07-4-20 16:20 |顯示全部帖子

Re: 老公有少少驚恐症抑屈症, 我點做好呢?

你應該叫老公將心事多d講出來,你只是負責聽,唔好俾太多意見,唔好令佢覺得煩,等佢有地方發洩下屈住係個心入面既野出來,另外,由於我地都係行外人,我覺得可以睇下醫生,其實呢d病好多香港人都有,及早醫就好快d。你放心,好小事,無事既 :lol:


別墅

國民生產總值:722


發表於 07-4-20 16:58 |顯示全部帖子

Re: 老公有少少驚恐症抑屈症, 我點做好呢?

唔該你地, 我會記住大家嘅建議同心得, thx, , 我重要好好改走d囉嗦, 唔好煩親個老公, 免得佢唔同我講

剛才見到婦女醫護有個post都係驚恐症, 睇完先知原來嚴重起來可以好辛苦, 重發覺我細個可能都試過一次(似驚恐症, 又似精神錯亂), 當時大約得小二至三, 晚上唔知點解突然見到d野好亂好扭曲, 有d變得好大, 有d變得好細, 又覺得亞哥家姐d動作好快, 我好驚不斷叫要搵媽媽, 我當時好驚好想攬住佢 (媽媽真係子女嘅安全源頭), 但亞哥家姐話媽媽係走廊幫我燒衣紙 (咁快手嘅), 佢地攬我都唔得, 我仲係不斷喊同叫媽媽, 跟住佢地送咗我入急症, 係的士上我都好驚, 覺得架車好快, 我唔想咁快, 跟住d野就無咩印象lu, 留院幾日, 但我一直都唔知係咩事, 點解我唔會問呢 之後無再試過咁嘅情況, 都算好彩.

我都想講番呢件事俾老公知, 又想叫佢睇下果個post, 重搵到本書想買來睇, 不過我唔敢, 怕我嘅行徑令佢覺得好大件事, 所以要忍住 (我係果種攪清現況會安心好多嘅人).


  • 搜 尋
  • APP
  • 網 站
© Baby-Kingdom.com Limited. All rights reserved.