Re: 主內媽咪, 入黎分享下丫(歡迎未信主的媽咪入黎睇下)
我其實冇諗過會咁就可以有bb哲,有bb之前正是我人生的低谷,因為工作有點不如意,於是同老公講不如快d生bb快d轉工,由於冇諗過咁快會有(因為d朋友個個都試左1排先有),而且之前有中e講過我唔係易有果隻,知道之前1個星期仲交左學費,跟住我發覺m已經遲左1個星期都未黎,好忐忑,同事叫我早驗早安心,點知原來真係有左,果1刻真係又驚又喜,因為意想不到,好在有得延期修讀咋。
其實果時最驚bb有事,因為我之前係打針避孕,跟住諗住準備要唔要bb所以停左,由於一停針d m亂晒,所以e生叫我食避孕丸整理好佢,食左兩個月,一停左冇食果個月就有左,好驚,跟住問左婦科e生話只要唔係食緊途中有就冇事,咁先放心d!
之後由6週幾開始嘔,嘔到生之前1個鐘,真係好金!最金就係嘔到嘔血,嚇到老公傻,個人又攰又暈,我朋友可以有左5個月去日本travel,對於我黎講係匪夷所思!!!重要27週就開始恥骨痛,最痛果時真係行唔到,而家間唔中都仲有d痛 ,最驚險就係放產假 第1日就係商場”線”襯,個恥骨痛上加痛,我即刻叫人幫我call白車,幾驚要係瑪嘉烈生(我絕對唔想)。我總共痛左20個鐘,大痛就有3個鐘,跟住就左bb出黎,最開心就係老公可以陪產,感謝主的保守,因為一切都是神所赐的。在整件懷孕到生產的事情上,我知道神有衪的作為,因為未有bb之前曾祈禱,如果神容許,請給我們孩子,所以神的安排真的很奇妙呢!
我 要 舉 起 救 恩 的 杯 、 稱 揚 耶 和 華 的 名 。詩 116:13兒 女 是 耶 和 華 所 賜 的 產 業 . 所 懷 的 胎 、 是 他 所 給 的 賞 賜 。詩 127:3