意見反饋
義工

夫婦情感 今日: 5|主題: 38909

查看: 942 | 回覆: 4
成日會好down,好厭世(好長氣既一遍)


男爵府

國民生產總值:5762

2018勳章


發表於 07-4-21 01:43 |顯示全部帖子

成日會好down,好厭世(好長氣既一遍)

我其實好幸福(d人覺得),因為我唔洗買餸,煮飯,洗衫,返工.....我只係係屋企湊囝囝,有時都會拖地,lunch自己煮同囝囝一齊食
我老公晚晚都好夜返,因為要ot,冇$冇鐘補,唔做第二日又可能比人抦(d大大大老板)但做左又會雞蛋裡挑骨頭,點都攞d野講下,正常11點收工(pm)但永遠唔會準時,佢對上個兩個永遠準時收工(返早收早),有得同家人食飯傾計,但我老公就只有我辛苦咁等佢返,有時真係等到兩點唔返我就sleep,因為囝囝好早起身,我已經訓得好少,成日都好攰
我唔like係屋企,但一出街就要搭車先可以有地方比囝囝玩同食,但出一次車費來回$15,咁重有食呢,有好多時我都唔食留比囝囝,等佢食剩我先食,因為如果我又食就好貴,點解我要咁,因為我老公既家用係99到,我一個月得$500,用來同囝囝出街同食,除非我唔出街啦,但我唔想我囝囝冇得同其他人溝通,見佢自己玩真係好慘,so佢好like返我媽咪到,因為係公園識左d朋友仔,而且又有得玩(我住既地方乜都冇,樹就大把),但我返娘家要自己買餸,因為媽咪要返中班既工,我已經冇錢比佢地,我唔想次次都係我爸爸買餸(佢都要返工,放左工都要成7點,但都會買d燒味返來),其實我爸爸叫我比99湊囝囝
但我真係唔like,因為一來我唔放心,另外就係我唔喜歡佢,我知我咁講好似好唔正確,但我真係放唔低(好耐次前post過佢傷我心既事),但我真係唔可以好似神咁原諒傷過我既人,一次兩次三次...我可以原諒嗎,我不是佢生的,我從來未試過咁唔開心
我由細到大都好就得人,我係果種幫人開心,自己付出,我有好多朋友,因為我成日都好開心,但係我其實一d都唔開心,我可以好就得人,真係付出多過收穫,從來冇人對我唔住,比面色我睇,99就係第一個人喇,佢唔係對我差,而係一啖沙糖一啖屎,(係比屎我先之後糖)我好想搬走但係要等儲到錢先得,就係因為想搬,所以我就好難過這些日子,想出街要錢都冇乜,要留起買屋(申請唔到公屋 :-( )
我想返工,等囝囝返左學啦,我就可以找一份可以湊返學放學,但係到時我就真係唔洗見老公,佢又唔係放假期,係放平日,我好唔開心我老公份工,但佢做左成十年都有lo,不過運就唔太好,成日比人爬頭,一係就比以前跟佢果d一樣級數,我老公唔係做野差,只不過跟左一d唔好既佬細,佢地只顧自己,我老公就幫佢地做,職就佢地升,野就我老公做,做得好佢地就happy,做得唔好我老公就要ot做好佢
我想我老公轉工,但因為佢話有我同囝囝,而且要儲錢搬so唔咁博,我都好明白,但係我真係好唔開心,點解我咁唔識諗,我成日叫我老公唔好成日ot,唔好做得咁辛苦,我唔想未夠30歲就冇左個老公,人地就肥肥白白,我老公得排骨,而且越來越瘦,到時有乜事既話唔會有人可憐我,我成日都咁諗,我真係怕會唔愛我老公,而且要我係屋企對住99,我有時真係想死,我成日都諗唔開心既事,成日無喇喇唔開心好想喊,我唔想比壓力老公,但我唔比佢我又好辛苦,我又同唔到fr傾計,因為99一定聽到,我只有係bk到打下字,呻下,可能我講完都唔知自己講過d乜

但好開心我識打字,因為玩online game學(大半年前),好多謝我d fr教我,雖然全都是男生,又會食下我豆腐,不過我真係唔會忘記開心既時候,我好想玩返,佢地都有叫我,但係一玩就會上癮,我要唔要玩好呢 係個game到就會冇左世間唔開心既feel,會好沉迷,一關機就會成日諗野,會諗一d唔好既事,成日掛住老公......打機可以忘記老公,我真係傻傻地lo


別墅

國民生產總值:722


發表於 07-4-21 02:31 |顯示全部帖子

Re: 成日會好down,好厭世(好長氣既一遍)

雖然唔開心嘅事情好多, 但係你要提自己放心d心思係開心嘅事呀, 你赿著意唔開心嘅野, 你會更留意架. 你都唔想仔仔成日見你唔開心架, 仲有你老公咁辛苦都係為你地, 佢唔想你唔開心架, 只係暫時啫, 就好似你所講, 仔仔入學後你可以返工, 到時你老公就可以轉工啦, 你亦唔好不斷想日子快d過, 你要享受現在呀, 你嘅時間, 仔仔嘅時間過咗就無, 你想回頭再享受番仔仔bb時嘅日子係唔得架, 記住將來嘅生活有將來嘅你享受, 現今嘅你要好好享受現今嘅生活, 你有個好體貼顧家嘅老公, 有個聽話嘅仔, 亦有你自己嘅健康.


大宅

國民生產總值:2667


發表於 07-4-21 10:53 |顯示全部帖子

Re: 成日會好down,好厭世(好長氣既一遍)

小麵麵 :

你應該去圖書館借d人生哲理的書籍來看 , 可以大大提高你的思維 , 對事物的觀點也多面睇 , 其次還有兒童成長的書籍 , 每階段的年齡 , 表現也不同 , 能預先瞭解 , 對教導兒童也有益處 , 你說得對 , 不要沉迷虛擬世界 , 實是浪費光陰 , 如你打算將來會工作的話 , 現在正好利此刻去裝備自己 , 將來你孩子入學後 , 更需要你的輔助 , 你老公為個家已很辛苦了,
體諒他吧 , 你和孩子是他的精神支柱啊 !

以上所說 , 如有得罪 , 請見諒 !


子爵府

國民生產總值:11277


發表於 07-4-21 11:49 |顯示全部帖子

Re: 成日會好down,好厭世(好長氣既一遍)

我同你一樣有時好down,因為老公成日要返工,每天只見幾個鐘,好彩我唔駛同99住,有段時間我都冇セ$,唯有整d麵包去公園食,bb有個伴玩,又唔駛用咁多$!
如果返工好似變左唔駛見老公&bb,我唸左好耐都係唔返,唔想好似單親咁.
其實捱多一段日子就可以有個自己既家!努力呀!


男爵府

國民生產總值:5762

2018勳章


發表於 07-4-22 02:16 |顯示全部帖子

Re: 成日會好down,好厭世(好長氣既一遍)

多謝你地既回應,講真我真係一個好厭世既人,但同我老公一起之後就少左好多,因為佢真係好愛我,而且佢好樂觀,真係同我相反
有時候我自己既情緒會變得好差,當然有原因啦,唔知係未我以前成日屈住自己太多,到左現在就唔想再張自己既情感收埋,SO變得好容易哭,少少都忍唔到,眼見老公咁辛苦,但係我又幫唔到,咁我又會好唔開心,發脾氣
日日見住99我又唔開心,又成日諗點解我咁唔開心,真係我個腦都好多唔明白,以前有個姨姨對我好好,我唔開心佢又幫到我,每次同佢傾計OR見到佢,我個人都會好平靜,好舒服,但係佢已經係六年前離開左世上,佢既離開真係對我好大打擊 :-(
就係離開左我,我既唔開心就冇人同我分析,佢比我父母更加了解我,除左父母,老公,囝囝佢就係我最愛既人


© Baby-Kingdom.com Limited. All rights reserved.