Re: 你會怎樣對待一個面和心不和的99?
我99都做左好多過份野, 但可以講我比佢更攻心計(冇計啦, 為左得到老公既心, 亦為左以後自己日子好過d, 頭幾年係辛苦d架啦, 一於攻心為上啦~)
首先我會對佢好好, 比佢d仔對佢更好, 尤其係有佢d親朋戚友係身邊既時候, 因為咁樣佢會好有面, 更重要既原因係, 當佢對住佢班朋友講妳壞話既時候, 佢d朋友正常會有2個反應, 一係同我99講話其實我好好, 冇佢講得咁差, 二就係心裡面會覺得佢講大話, 以後就冇咁信佢啦!! 咁佢要再落藥既難度就大左啦~~ 我就係用左呢招, 所以結婚時有一件99玩野既麻煩事就係佢朋友既幫忙之下輕易解決!!
然後千祈唔好成日係老公面前講99壞話, 講得多即使老公心裡面知道佢阿媽麻q煩, 但佢都會唔like, 甚至發脾4!! 所以唔係唔講, 要講得婉轉d~ 例如用開玩笑既語氣同佢講返佢阿媽d離譜野!! 妳估d老公真係咁蠢係咩, 佢一定會慢慢發現到, 佢阿媽有幾咁離譜, 但妳又忍喎, 咁佢咪更鍚妳囉~~
如果有機會, 例如99發脾氣鬧妳&妳老公, 妳千祈要記得, 唔好發左脾氣先, 因為呢個時候妳老公都會好唔開心, 妳要做既係安慰佢, 99越唔好, 妳就要做得越好!! 例如99成日煩住個仔同佢講新抱點點點, 妳就更唔好再煩佢話返99點點點, 日子耐左, 一個成日煩住自己, 整d問題出黎比佢嘆, 一個就成日都遷就自己, 又安慰自己, 比著係妳丫, 妳會選邊個?!
至於99叫妳做野, 好簡單, 乜都推晒比老公, 乜都話自己揸唔到主意, 佢串妳個人冇主見, 妳仲要笑笑口話"係呀, 我最聽我老公話!!" 塞佢後門, 等佢冇得用呢樣野(唔聽99話, 只聽老公話, 唔幫佢做野等等)黎話妳, 因為即使佢向妳老公投訴, 妳老公都只會好lum, 點解? 老婆公開講到明只係聽自己話喎, 幾咁滿足到d大男人主義呀!!!
然後最重要既一點, 就係千祈咪攞d婆媳問題去煩老公, 呢個係我老公話架, 佢話點解佢會咁鍚我, 甚至係佢心目中我既地方已經超越99, 只係因為我從來都唔用埋d咩一哭2鬧3上吊既方法向佢投訴99, 逼佢就範!! 佢話男人最怕煩, 邊個煩佢佢就遠離邊個, 所以想老公親近自己多d, 就煩少d佢啦~~
如果根本唔同住, 唔洗日對夜對既, 就係入門口之前忘記左有99呢個人, 咁會好好多!! 我都係架, 佢住對面, 有時真係好麻煩, 但我努力唔將對佢既不滿情緒帶入屋, 久而久之, 當我係屋裡面既時候我真係忘記左99d衰野, 個人生活真係輕鬆好多架~~~
試下啦~~ 雖然會委屈d(好多姊妹都覺得做人不必如此委屈, 但我覺得為左日後生活好, 委屈少少都值既~), 但日後真係會開心d架~~
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!