siufung 寫道:
我同事有個朋友, 3年前同個拍左10年拖0既男朋友散左, 當時佢已37歲。但佢保養得好好, 只係似20幾歲。甩拖後佢好心急再拍拖, 諗住搵個成熟可靠0的0既。 終於佢搵到個48歲0既風度男士, 個男人自己做生意, 幾有型, 又有風度, 對佢仲好好添。雖然48歲, 個樣同身型只係似30幾40, 所以同佢都好襯。
大家都有意向結婚, 拍拖兩年來佢一路都好幸福, 覺得自己標尾會有運行。諗住40歲之前可以嫁出去。
點知最近比佢發現, 原來個男人今年已經64歲
因為佢睇到佢張身份證。於是同佢嘈交, 個男人話佢都唔想講大話, 但如果當時已講真話, 肯定佢唔會肯同佢拍拖。佢話除左年齡, 冇其他野呃佢, 叫佢比次機會佢。
佢其實好愛個男人, 不過一諗起佢出年就可以拎長者咭同埋生果金, 又諗到可能10年8載佢就玩完, 就好唔開心......
而家佢避開個男人先, 想諗清楚....
我同事話.... 易求無價寶, 難得有情郎....不過講大話就.....
大家話佢應唔應該接受個男人....
pigpig1314 寫道:
64歲既男人,可以講成48歲都有人相信 咁一定要保養得好好先得喇~如果你朋友真的愛他,年齡不是一個問題,最緊要係睇下佢仲有咩野瞞住無講。
siufung 寫道:
我今日番工都直撃訪問我同事現時情況。
原來個男人係星架波華僑, 冇乜親戚, 父母兄弟姊妹都冇。冇結過婚, 但訂過一次, 不過最後個未婚妻移情別戀。
佢同女方講, 真係冇講過其他大話 (訂婚件事佢之前都有交代過)。
我睇過張相, 真係好勁 點睇都最多40幾歲, 直情係後生版0既任達華!! 講真佢話48, 我都仲以為佢報大數呀!!睇樣唔似整過容, 如果真係整得咁好都唔區呀, 真係。
佢已向女方求婚, 為表誠意仲會將佢間公司, 2層樓同戶口都加個女仔0既名。
佢同個女仔講, 講大話係迫不得已, 但請佢原諒佢, 又話醫生話佢身體狀況只有40幾歲, 血壓心跳樣樣都好fit, 自己有信心活到95或以上。(佢一星期做5日占, 好fit)
女方仲未應承, 不過我會再88, 睇下形勢發展成點。