義海豪情(改篇結局二):第36集~小妹作動 麗華毒手 - 蓮達Linda的日誌 - Baby Kingdom - 親子王國 香港 討論區

義海豪情(改篇結局二):第36集~小妹作動 麗華毒手

已有 99 次閱讀 14-1-4 12:32

   鄭家,九妹回家發現朗軍對她視而不見,上下準備晚餐,也沒有預自己朗喜:「大哥,食飯喇。」朗軍:「吾。」大鳳:「姐夫,食飯喇。」朗軍:「咦?小妹呢?7點幾仲唔番嚟嘅?」朗喜:「放心,我叫咗亞森睇住佢。」朗軍:「點樣放心?人哋大肚最多嘔4個月,佢就嘔足7個幾月。」心姐:「老爺,小小姐除咗嘔都冇咩嘢。」朗軍:「麗華,妳有話幫小妹搵醫院嘅?搵成點?」麗華:「搵緊。」朗軍:「記住一定要搵間最好。」麗華:「知道架喇。」麗華夾餸給朗軍:「喜姨話你最喜歡食豉汁蒸鮎魚,我專燈去街市揀,你試吓。」朗軍:「有冇留比小妹?」朗喜:「梗係有,廚房仲有條大大嘅。」大鳳:「而家好少見到咁新鮮嘅鮎魚。」九妹走到飯桌:「爸。」朗喜:「九妹,由喱餐開始,妳唔洗係喱到食,陣間我叫亞心夾啲餸,妳自己上房食。」九妹坐下:「妳講乜嘢?」朗喜:「大哥,條魚得唔得?」朗軍:「過得去……,喱條魚幾多錢?」麗華:「算平,41千蚊。」朗喜:「真係唔知好嬲定好笑?食條魚都要4萬幾銀。」九妹:「心姐,幫我擺個位。」心姐為難:「九小姐……」朗喜怒罵:「九妹,妳未當妳阿爸講嘅嘢係死嘅唓?大哥話唔想同妳同枱食飯,上房食啦。」九妹:「爸?」朗軍變臉:「係,係我講嘅。」朗喜斥責:「九妹,妳有乜嘢做唔出?頭先麗華已經將妳嘅秘密,一五一十話哂比我哋聽。」九妹失望得望著麗華,麗華得意洋洋的回望朗軍拍枱:「真係諷刺,我鄭朗軍最憎人呃我,估唔到比自己個女呃咗幾廿年,我仲懵閉閉。」朗軍走近九妹:「千方百計討我歡心,積極向上爬,用盡方法嚟搶支大旗,原來目的就係燒哂我哋啲鴉片,要我哋東泰冚哣,要打爛我哋5千門生嘅飯碗。」朗軍怒不可遏激摑九妹九妹眼紅紅:「爸。」朗喜:「作啦作啦作啦,車天車地妳至灑家,真係妳認咗第2,邊有人敢認第1?嚟,我哋等緊妳作個故仔比我哋廳。」九妹真情:「爸,妳做咗喱行幾廿年,個啲人為咗食鴉片,攪到家散人亡嘅事,你聽得最多,如果要講,真係可以講十日十夜都講唔完。」朗喜煽風點火:「乜妳講嘅嘢同二哥真係一樣樣,妳想大哥積番啲陰德係嘛?好,大鳳,一陣間寫幾間善堂嘅地址比佢,佢鍾意未捐哂自己成副身家又好,捐埋啲底衫褲又好,我哋都唔反對,仲好敬佩妳添,只不過咁,我唔該妳就唔好再惦東泰嘅嘢,如果妳再搶嘅呢,我唔會再好似以前咁客氣。」朗軍:「我已經決定咗,等啲美金同金條運番嚟之後,兩成留比小妹,7成交比亞喜同麗華發展東泰,其餘個1成我自己渣住先,至於妳同朗熊講個啲,咩綿紗生意,唔好再提。仲有,我唔想同妳同枱食飯,以後妳食飯番自己房,我同麗華結婚,妳都唔洗嚟。」九妹傷心欲絕轉身上房周鐵:「九姑娘,我陪妳。」亞森:「九姑娘,等埋我。」九妹感激地跟周鐵亞森一起上樓

  同時間,小妹回來看見九妹眼泛淚光離去大鳳:「喜姐,妳分析得真係好岩,1個女人成世冇男人,口行行,諗嘢都諗埋一邊。唉!我而家唔係嬲,我發覺呢,我有些少同情佢。」朗軍:「唔好再講,食飯食飯。」小妹進入飯廳:「爸,發生咩事?」朗喜:「小妹,唔好問。心,開個位比小小姐,記得拎埋條鮎魚出嚟……

  吃飯過後,小妹趁各人回到房間休息,走到來麗華房間小妹在外拍門:「馬麗華,妳好開門,如果唔係,休怪我好似妳咁,講哂妳啲秘密出嚟。」麗華開門:「妳有咩想同我講,入嚟先慢慢講。」小妹進內麗華:「小妹……」小妹忽然掌摑麗華:「喱巴我係代家姐打妳。」麗華怒目:「妳……」小妹怒罵:「仲咩?想摑番我,仲唔郁手?驚妳嘅面具比亞爸見到?」麗華怒火:「妳好囉喎。」小妹再摑麗華耳光:「喱巴係我摑妳。」麗華怒吼:「妳唔好得寸進尺。」小妹激動:「得寸進尺咁又點吖?我得得起,妳有本事害埋我,妳唔好再攪家姐。」小妹怒不可遏轉身

  不料,小妹忽然按著肚子大叫:「啞……」麗華走到小妹旁看見她滲出來的羊水:「好,我而家比妳知道,我有幾本事。」麗華把小妹困在自己房間

  接著,麗華走到朗軍房間:「軍爺,你今日都好怒氣,不如我留係到服侍你……

  小妹在麗華房裡叫天不應叫地不聞,唯一可讓她支持下去,就是她腦海裡影像小妹虛弱:「向山……,你今次都要守護我,就算妳唔係我身邊,我都可以過到喱關,我要等你、等你、等你……

  傷痛的九妹在房裡心痛難當,但不管如何都要麗華回頭,於是,走到來麗華房間九妹敲門:「麗華……沒有人應門,九妹意欲離去在房裡的小妹竭力:「家姐……」在外的九妹聽見:「小妹?九妹立即開門,但門鎖竟關上九妹便大叫起來:「救命……」可是各人在房裡都漠視九妹呼救聲,直到九妹大喊:「小妹出咗事……」鄭家上下立即趕到來:「咩事……」九妹:「麗華,快啲開門,小妹係裡面。」麗華:「痴線咩?點會呀?」朗喜緊張:「麗華,人命攸關,開門先啦。」朗軍:「麗華,開門啦……」麗華:「開咩門唓?我都冇鎖匙,小妹仲咩會冇端端反鎖係我間房至得架。」九妹:「唔好理咁多,撞門先。」麗華:「九姨,我知妳好嬲我,但係你都唔洗係到無中生有。」朗喜著急:「係未無中生有,開門先講。」麗華:「軍爺……」朗軍:「撞門。」大鳳等人:「係。」

  大鳳等人撞開門,驚見小妹在倘在地上朗軍等人上前扶起小妹:「小妹……」麗華裝瘋賣傻:「哎呀!小妹,妳點解會係我間房到?妳粗身大細,要搵我未叫人叫我。」朗喜激動:「唔好講咁多,小妹穿咗羊水,快啲送佢去醫院……

  鄭家上下匆匆的送小妹到醫院在內生產的小妹痛楚大叫:「啞……在外等待的鄭家上下焦急不已朗軍:「點解小妹會咁?」麗華:「都係我唔好,如果我留係房到,小妹唔會有事。」朗軍:「唔關你事嘅,意外嚟……醫生走出來九妹:「醫生出嚟。」眾人上前朗軍緊張得很:「醫生,我個女點呀?」醫生:「小小姐順利生咗個男嬰。」眾人喜悅朗軍喜上眉梢:「係我個男孫。」醫生:「但係……」朗喜:「但係咩?醫生。」醫生:「小小姐係生產過程中曾經休克,雖然最後成功生咗嬰孩落嚟,但係佢一直昏迷到而家,我哋送咗佢去深切治療病房到觀察,但係情況唔係咁樂觀。」朗軍驚愕乏力,眾人扶著醫生:「你哋知唔知邊個叫向山?」九妹:「點解咁問?」醫生:「因為小小姐係生產嘅時候,不停咁叫住向山,就算休克同暈之前都係到叫緊向山。」忽然,傳來嬰孩的哭聲,眾人期待著小妹孩兒出來

  豬籠里楊師奶從外回來:「唐吉,你有信。」唐吉拿著信:「唔該,楊師奶。」楊陽:「邊個寫比你?」唐吉:「唔知喎。」唐吉打開信件看信……”

  同時,傳來敲門聲楊陽去門:「邊1?」亞森:「九姑娘叫我嚟搵你哋,希望你哋可以去探小小姐……唐吉看信後臉色一沉的跟著亞森到醫院

  豬籠里等人到來醫院,站在小妹病房外走廊,劉晴慌張:「九姑娘,小妹而家點?」九妹:「醫生話,只有靠小妹嘅意志。」唐吉:「我哋而家可唔可以入去睇吓佢?」九妹點頭:「嗯。」

  小妹病房,眾人進內唐吉上前捉著小妹的手:「小妹,妳要醒番,妳記唔記得,妳應承過向山鐵也啲咩?妳話無論發生乜嘢事,都要等佢番嚟,所以妳要醒番,唔通妳忍心就咁扔低佢哋兩父子咩?小妹流出眼淚唐吉:「小妹,我知妳挨得過,妳比任何人都頑強,妳熱愛妳嘅生命,妳更加熱愛妳擁有嘅嘢,我知妳可以醒番。」護士把小妹孩兒帶到來唐吉:「小妹,妳醒醒,妳同佢嘅蘇蝦嚟咗,妳好勇敢咁帶佢嚟喱個世界,妳都要好勇敢咁同蘇蝦一齊活下去。」小妹孩兒哭叫起來唐吉:「小妹,妳蘇蝦叫妳,妳聽唔聽到……小妹聽到孩兒聲音,拚力睜開雙眼眾人喜見:「小妹……

  小妹終甦醒過來,眾人在病房裡等待醫生替小妹檢查醫生檢查後,朗喜緊張:「醫生,我個女……侄女點樣吖?」醫生:「小小姐醒番,度過危險期,只要佢多啲休息,身體會康復,好快可以出院。」小妹虛弱:「BB?護士抱著小妹孩兒到來小妹:「比我抱。」護士把孩兒交給小妹:「慢慢……小心……」小妹歡喜得淚抱孩兒:「BB……」醫生:「小小姐,妳記得要休息,我哋唔阻你哋。」醫生護士等人離去朗軍:「小妹,妳話比亞爸知,點解會係麗華間房到出咗事?」麗華手挽朗軍:「軍爺,小妹岩岩先醒番,唔好問佢咁多嘢啦。」小妹:「唔緊要,我知亞爸擔心,我講比你哋知。」麗華緊張得面無人色小妹望著九妹:「個日我諗住搵未來細媽。」小妹望著麗華:「點知……」小妹望著朗軍:「點知佢唔係房到,我未係房到等佢番嚟,可能係我無意中反鎖咗房門都唔知,先會搞成咁。」朗軍:「哎吔!小妹,妳做咗人亞媽仲咁大頭蝦嘅。」小妹得意洋洋望著驚惶失措的麗華:「爸,你都攰,你番去唞吓,家姐同二叔係到得架喇。」朗軍:「咁亞爸走喇,妳休息吓。」麗華:「軍爺,我陪妳番去。」朗軍麗華離去朗喜:「小妹,我都留係到陪妳。」小妹:「妳唔係要番東泰渣大旗咩?如果妳想留低嘅,妳可唔可以唔番去?朗喜語塞小妹失望:「妳走啦。」朗喜:「小妹……」小妹:「我岩岩生完,妳應該知有幾辛苦。」朗喜:「好,我走先喇。」朗喜等人離去

  “小妹病房只留下了九妹等人朗熊:「小妹,妳係未有事要同我哋講?」小妹咬唇吸口氣:「我唔係亞爸嘅親生女,我係姑姐個女。」眾人愕然:「吓?心底清楚的九妹沒有太大反應朗熊怒火:「究竟葫蘆底裡面賣咩藥?有咩理由姑姐變咗做亞媽?」小妹:「對唔住,我都唔知點解?但係係姑姐親口同我講,我唔係想呃你哋咁耐,只不過……」九妹捉著小妹:「家姐明白。」朗熊怒氣:「喜真係豈有此理!喱筆糊塗帳一定要查清楚。」九妹:「不過係我哋未有任何證據之前,千祈唔好張揚。」周鐵、亞森:「知道,九姑娘。」九妹:「而家東泰都有9成人企係佢哋個邊。鐵姐,妳行開幾日,去搵啲老叔父問清楚。」周鐵:「係,九姑娘。」朗熊:「小妹,唔好怪自己,唔係妳嘅錯,件事等二叔同九妹處理。」小妹:「你哋要事事小心。」九妹點頭:「嗯。」周鐵:「我哋會。」森哥:「知道,小小姐。」

  鄭家,小妹抱著孩子出院回家大廳,朗軍等人喜見小妹回來極為歡喜,心姐:「小小姐,妳辛苦架喇,等我抱住少爺仔先。」朗軍:「唔好……,等我嚟。」小妹把孩子交給朗軍:「好呀。」朗軍抱著孩子逗趣:「嘩!你哋睇吓,佢對住我笑。」小妹:「係喎……」朗喜:「個蘇蝦同小妹一樣,最識哄大哥。」麗華:「係呢?妳諗住同個BB改咩名?」小妹:「爸,你話叫宏謙好唔好?」朗軍:「宏謙……,好呀,夠氣勢。」小妹:「其實我係想BB可以有宏大嘅理想之餘,亦都可以做過謙謙君子。」朗喜:「鄭宏謙,都幾好聽。」小妹:「爸,BB係姓向山。」麗華大罵:「妳有冇搞錯?點可以跟個蘿蔔頭姓?」小妹:「爸,冇向山,我生唔到謙仔,我唔想向山番嚟嘅時候,知道個仔唔係跟佢姓,佢會好傷心,我做咗好多傷佢心嘅事,我唔想再傷害佢。」朗喜:「個蘿蔔頭呃你架咋……」小妹水汪汪:「爸,我可以好肯定咁話比你知,喱個世界除咗亞爸,向山就係對我最好、最好、最好嘅男人,佢永遠都唔會呃我,佢話過番嚟就會番嚟,如果唔係有佢嘅承諾,我諗我生完謙仔之後,根本冇力氣去睜開雙眼。」小妹淚如雨下的捉著朗軍:「爸……」朗軍抹掉小妹淚水:「只要妳冇事,無論謙仔姓咩,爸都會對謙仔如珠如寶,代替謙仔嘅亞爸照顧你哋兩母子,直到妳老公番嚟接妳走。」小妹感激流涕:「爸……

  向山鐵也離開廣州第304天,小妹抱著謙仔到來西關碼頭小妹對著大海:「向山,我哋個BB出咗世,佢叫向山宏謙,謙仔好健康,你唔洗擔心,你專心辦事,我哋會等你番嚟。」小妹緊抱謙仔,淚水不自覺滴在他臉上,聽著他心跳聲慰藉思念之苦

  鄭家,朗軍與麗華結婚日大廳,小妹換好漂亮衣服,妝扮得美艷動人,抱著謙仔神采奕奕:「爸。」眾人嘩然:「小小姐,好靚……」朗軍:「嘩!原來我個女咁有本錢。」小妹:「爸,唔好掛住讚我,今日個女主角係麗華吖嘛。」朗軍:「咁又係,麗華,妳都好靚。」麗華:「多謝,軍爺。」小妹笑盈:「麗華,唔係喎,細媽至岩,今日之後我哋就要好好相處。」麗華強笑:「梗係。」小妹:「妳敬我一尺,我敬妳一仗,我當妳好似我親生亞媽咁看待。」麗華:「軍爺,夠鐘喇。」朗軍:「咁我哋出發,未住……,比謙仔我,今日係謙仔嘅100日,我哋順便慶祝埋。心,啲紅雞蛋準備好未?」心姐:「準備好。」朗軍:「咁可以出發。」小妹搶先手挽朗軍抱著謙仔離去,麗華不忿跟隨

   豬籠里,劉晴竟寫了封,不知寄去哪裡的信

   劉晴:「向山鐵也,今天,小妹帶著謙仔走到來豬籠里探望我們,我好久沒有看見小妹真摯的笑容了,可是我又留意得到她抱著謙仔時的表情,無意中包含了對你的思念。向山鐵也,到底你何時才回來,小妹等得你很苦,你不要再讓小妹傷心了,我求求你別再讓小妹等,如果你不回來,小妹會熬不住的。」  

   “4日後,劉晴看見眼下局勢奈何不了,便寫信給好友抒發一下

   劉晴:「小妹,光復後已經1年了,歡喜若狂的心情已經慢慢平靜下來,在街上所見到的,是一副一副憂心忡忡的表情,大家都擔心蘿蔔頭走後,我們國家卻又爆發內戰,最慘的是物價不斷上漲,前幾天的白米已漲到14萬元1斤,昨天就20萬元1斤,今天我和楊陽路過米店,竟然是40萬元1斤。」      

  豬籠里,劉醒等人攜著一袋二袋手提袋下班回來楊師奶:「番嚟?」劉晴:「哥,咁遲收工嘅?」劉醒:「先頭出糧吖嘛,數銀紙數到而家。」楊陽:「數到手都軟。」楊師奶:「唔係吖嘛?11個紙手抽,乜係啲糧嚟?」唐吉:「係吖。」黃綠:「你哋上次已經出十幾萬,今次又出幾多?」劉醒:「今期我出93萬。」楊陽:「我就77萬。」唐吉:「我就66萬。」大車:「我哋兩兄弟就每人72萬。」楊師奶:「喱個咩世界嚟?幾個騎呢怪可以出300幾萬糧?」劉醒:「係咁,楊師奶,喱啲銀紙我整好一疊疊,喱到296係房租嚟嘅,仲有喱到318係我同晴晴啲伙食。」楊師奶:「嘩!」劉醒:「晴晴,比10萬銀妳做零用。」劉晴愕然:「咁多嘅?哥,唔洗。」劉醒:「咩多?袋住去,而家飛個髮都要成4萬銀。」楊陽:「媽,30萬家用。」楊師奶:「嘩!」唐吉:「楊師奶,喱啲我伙食,146。」大車:「楊師奶,我哋兩兄弟嘅伙食292,妳數清楚。」楊師奶:「嘩!我梗係唔數,數到天光都數唔完,搵個稱稱仲好。黃綠,照你睇會唔會打內戰?」黃綠:「唔會嘅唔會嘅,大家係中國人,以和為貴以和為貴。」黃師奶:「唔係喎,而家通街啲人講,實會打內戰,隔離街陳老師都係咁講,窩釘牆都係咁講。」黃綠:「咁妳仲問我仲咩?我又唔係神仙,背脊又敲唔響嘅。」楊師奶:「唉!都憂唔到咁多,收埋啲錢去,開飯。」眾人:「開飯……

  酒店,朗熊房間,劉醒過來看有什麼可幫忙九妹和遠方周鐵通電:「咁妳再去查吓……九妹掛線朗熊:「點吖?」九妹:「一啲頭緒都冇,鐵姐話留多幾日,睇吓可唔可以問多啲線索。」朗熊深思:「九妹,有幾個叔父當年同亞喜好熟,知道亞喜好多嘢,而家番哂鄉下,我逐個逐個去問。」九妹:「好,盡人事。」劉醒:「但梗樣查法好渺茫,就算我哋真係查到啲咩,個老虔婆死口唔認,我哋都奈佢唔何。」九妹:「兼且又冇時間呢,過多4個月到,啲金條同美金就會陸陸續續運番番嚟,到時就會見到,通街都係東泰啲鴉片煙館,烏煙瘴氣,唯一唔同就係以前有招牌,以後未收埋個招牌。而家,好多人就嚟連飯都冇得食,爸都仲要賣鴉片。」劉醒:「冇架喇,九姑娘,要妳亞爸擰番轉頭只有1個方法,就係比佢知道。」九妹:「鬼唔知咩?唔通真係擺小妹上台?何況都冇證冇據點同佢講?」劉醒:「又唔洗證據嘅,九姑娘,妳最灑家係乜嘢?打橫嚟,乜都搏到盡,喱個世界最惡係啲咩人?唔係啲有刀有槍嘅人,係連呱老襯都唔驚嘅人。唉!九姑娘,我本來好人好姐,唔搏唔搏都同妳搏咗咁多舖,唔爭在同妳搏多舖大嘅。」九妹:「點搏?」劉醒:「叫支酒,一住飲,一住傾。」朗熊:「咁好,靠哂你,亞醒……

  “5層樓,貴賓房,朗喜等人和羅會計商量有關開醫務所的支出九妹、劉醒拿著酒在貴賓房外的走廊邊走邊唱:『玫瑰玫瑰最嬌美,玫瑰玫瑰最艷麗……九妹劉醒硬闖朗喜等人正在吃飯的貴賓房九妹、劉醒高歌:『春夏開心枝頭上……』大鳳怒火:「喂!你哋兩個嚟喱到仲咩?」劉醒:「我嚟係幫九姑娘出頭嘅,九姑娘話,佢係屋企比你哋班賤人洽得好緊要,仲有,佢話有人講,九姑娘因為成世冇同男人行埋過,所以諗嘢偏埋一邊,我要知道喱兩句說話係邊個講嘅?同我行出嚟。」大鳳走出來:「你要發酒瘟就出去發。」劉醒扯著大鳳:「你行出嚟即係你講。」大鳳推開劉醒:「你個死差佬買棺材唔知掟?」朗喜:「大鳳,洗咩同佢哋嘈,我哋係靚瓷器嚟架嘛,洗坎埋啲爛缸瓦到?羅會計,走。」九妹攔截:「姑姐,爸血壓高,我係屋企先忍住唔同妳6國大封相,喱到咁靜,我今日就同妳算清喱筆帳。」朗喜:「我冇妳咁得閒。」朗喜推開九妹:「行開。」九妹關門:「唔走得,我要妳答我,點解幾年前,妳係間房到同小妹講,話妳係佢亞媽?點解?我想知點解?」朗喜:「發神經,讓開。」九妹:「講唔講?」朗喜:「講咩?」九妹:「如果真係唔講,冇人可以有命行得出喱間房。」大鳳:「妳都神經病,妳憑咩?走。」九妹取出手榴彈,眾人嚇至退後大鳳方寸太亂:「妳仲咩?」劉醒慌張上前:「九姑娘,妳想點?」九妹:「喱個手榴彈係美國製嘅最新型號嚟。」九妹拉開座針劉醒慌亂:「九姑娘。」眾人驚慌:「唔好……」大鳳驚恐:「妳唔好亂嚟。」九妹:「我一拉開支針,手指鬆開,6秒之後就會爆炸。」朗喜:「唔好亂嚟。」劉醒慌亂上前:「九姑娘,妳叫我嚟幫妳出頭,妳冇講過……妳襟實……妳唔好亂嚟……」九妹推開劉醒:「行開。」九妹把手榴彈搖來搖去:「講,講吖。」朗喜:「唔洗驚,喱個癲婆嚇人,玩具嚟之嘛。」九妹:「真係玩具嚟咩?你睇清楚啲,喱個手榴彈係打蘿蔔頭嘅時候,游擊隊送比我,佢哋話有咩事嘅時候,就同啲蘿蔔頭攬住一鑊熟,我而家火燒心,係未想同我攬住一鑊熟?九妹把手鬆開眾人驚慌躲避:「唔好……」羅會計:「九姑娘,唔關我事,我只係會計嚟。」數秒後九妹把手按緊手榴彈:「頭先我岩岩鬆開手4秒鐘,我再鬆手多2秒鐘就爆,係未真係唔講?」九妹把手榴彈放在大鳳眼前:「真係唔講?」大鳳懼怕:「我講……」九妹:「講。」大鳳:「小妹的確係喜姐個女,佢係同1個戲子叫李金龍生嘅。」朗喜喝令:「大鳳。」九妹:「小妹點解會變咗亞爸個女?我鬆手架喇。」大鳳:「唔好……,喜姐比個戲子佬攪大咗個肚,又呃哂佢啲錢,後尾個戲子佬跟個女人走咗……」朗喜喝止:「大鳳。」大鳳:「喱個女人癲,我老婆同兩個仔係屋企等緊我番去,我唔死得。妳襟實……」九妹:「點解亞爸會當咗小妹做親生女?鬆手喇。」大鳳:「喜姐係東泰4虎將嚟架嘛,佢比個戲子佬攪大咗個肚,喱件事點可以比人知?咁岩姐夫去咗上海攪鴉片煙生意,我家姐又難產死咗個女,我家姐擔心姐夫唔再喜歡佢,所以未……」九妹:「哦!原來係咁,妳呃咗亞爸咁多年,而家仲要霸埋東泰,妳都算狼。」九妹扔出手榴彈:「八婆,去死。」眾人驚恐躲藏,劉醒乘機拖著九妹離開

  九妹劉醒走出房間走到走廊劉醒:「係未?我都話搏得過。」九妹:「等我一陣,我要去攞番啲嘢。」劉醒拉著九妹:「喂!攞番啲咩?」九妹:「攞番個手榴彈。」劉醒:「唔好要個個,我第日送個個比妳。」九妹:「我係鍾意個個。」劉醒追著九妹:「喂……

  在貴賓房的朗喜等人驚醒大鳳撿起手榴彈:「假架,上哂當。」朗喜怒火中燒:「我一定要殺咗喱個女人。」大鳳怒不可遏把手榴彈扔出門外,九妹與劉醒正趕到,九妹即刻撿起來劉醒拉著九妹:「走。」

  九妹與劉醒跑到大街上喘息九妹:「你笑乜嘢?神經病。」劉醒扮演:『妳呃咗亞爸咁多年,而家仲要霸埋東泰,妳都算狼,八婆,去死。』劉醒大笑:「我睇住個婆娘啲眼耳口鼻,嚇到乸埋一齊。」九妹:「乸埋一齊未乸埋一齊,有咩咁好笑?發神經。」九妹輕鬆自在把手榴彈拋來拋去:「唉!我而家嘅心情,都唔知道應該覺得好開心,定係好慘?」劉醒:「我諗個婆娘唔會就咁算,妳以後要小心啲。」九妹:「我而家最擔心係我亞爸個身子,都唔知承唔承受到喱個刺激?仲有小妹呢?陣間我都要同二叔商量吓點做。」九妹把手榴彈拋掉了嚇至街邊人雞飛狗走:「走呀……」九妹笑著撿起手榴彈:「哈……」劉醒:「袋好去,比人睇見真係嚇死人。」九妹:「妳送比我喱件禮物真係幾好用。好,袋好去,喱世攞嚟陪著我。」劉醒偷笑九妹:「哦!我記得。亞醒,我有啲嘢問你。」劉醒:「咩?」九妹:「我哋唔係講好咗話,你講乜嘢,我講乜嘢嘅咩?」劉醒:「係。」九妹:「仲咩頭先加多咗幾句?」劉醒回想:「加多咗幾句?冇,我未話,代妳出頭找佢哋晦氣。」九妹:「代我出頭找佢哋晦氣,之前個幾句呢?」劉醒深想:「之前?冇呀。」九妹:「妳話大鳳鬧九姑娘,成世冇同男人行埋過,諗嘢偏埋一邊。」劉醒:「大佬,係妳話比我知大鳳咁鬧妳。」九妹:「我係同你講過大鳳係咁鬧我,但係我有叫妳係大庭廣眾到梗樣講咩?」劉醒:「咁我都要搵個開場白。」九妹:「你係買棺材唔知掟?友仔。」劉醒:「係係係,我多口,我多口。」     


感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

© Baby-Kingdom.com Limited. All rights reserved.