小叭2007年11月21日入左院啊..... - fion2504的日誌 - Baby Kingdom - 親子王國 香港 討論區

小叭2007年11月21日入左院啊.....

已有 263 次閱讀 07-11-23 22:31

小叭去21號入左院啊....今天才出院咋.
事情係咁的. 21號晚我話俾老公知道, 佢唔食知訓, 吸氣時有"咕咕"聲咁...咁佢話bb唔食唔訓好大件事, 咁9點就走左了法國睇兒科, 咁醫生話, 唔得喎, 要立即入院了, 佢支氣管炎喎...都幾嚴重...咁你會睇我定係睇番你自己個醫生(因為佢見到我本針book有兒科個咭片), 佢話你自己諗下先啦, 出去坐下再話俾我知啦, 不過現在就要"問"氣先.(但係佢由如此終態度都好差...佢姓馬(男士))但因為我個醫生唔去九龍區的, 但老公又想我係九龍區話會方便d我喎...不過我睇開個醫生佢係專係睇氣管, 咁我當然係要好唔要近自己啦. 咁就立即打俾我醫生話個情況俾佢先...佢話想同法國個醫生講電話...咁我就叫馬醫生(法國個件死馬)聽啦. 佢話唔須要...我俾個電話佢, 我話譚醫生係電話到了....你講一陣啦. 佢個face衰到勁 .咁佢就話你出去先...跟住"問"完氣, 我立即就會家packo野加沖涼之後就去左醫生了. 入到去已經一點鐘了. 之後我個醫生就到了. 檢查時佢話係主氣管炎, 我話個件死馬話係支氣管炎喎...咁佢解釋俾我知並show俾我睇個分別. 佢話一般d醫生都會話係支氣管炎, 因為比較大路d, 多數bb都係, 不過如果再深入d才知道的(所以專科係好d的),主氣管炎係嚴重少少的. 咁就立即要抽血, 驗尿, 食藥先...每4小時"問"氣一次, 成日有姑娘來探熱同聽肺. 不過小叭只係飲水, 什麼都唔食, 醫生就開幾包ges 4粉沖水飲, 有營養喎...不過小叭飲得出個分別, 死都唔肯飲啊....當晚佢成晚都無乜訓, 我都無訓....22號早就去照肺x-ray同抽鼻.....抽鼻時仲攪到小叭個鄱入面流血(不過姑娘之前已同我講會咁), 當時好想喊...因為我知道係好好好痛的..之後我早上7點幾打俾工人叫佢packo野過來(咪等佢咁爽 , 仲叫佢帶bb cd, bb dvd, 床圍,小叭個被袋,同佢最鍾意的啤啤公仔來 ) 之後99同工人就來幫手...叫我訓下先, 因為成30個鐘係訓了 我都暈暈地, 不過都只係訓到一個鐘咋...太擔心了. 不過第二日佢就開始好少少了....咁晚上醫生就話試下停"問"氣啦. 睇下佢得唔得, 得就應該3日可以出院, 唔得就應該5日...好彩小叭好勁. 晚上10點"問"最後一次氣後就一訓去到5點幾, 之後飲左5oz就又訓到成9點幾才起身啊 . 可能佢覺得好似佢張床咁, 仲播佢訓的cd俾佢....所以訓好耐啊 .今天早上佢已經識同人玩了. 所以無再"問"氣了..醫生話如果佢肯食就可以出院.....咁我地千方百計俾佢食, 佢都被迫咁有食o野才可以出院, 咁5點鐘出院. 不過要食兩星期藥.

所以大家都要小心啊. 最好買d樽領or高領衫俾bb著...蓋住個氣管. 因為現在的天氣好容易病, 咳就好容易有氣管病o架...咁我今日立即去買了高領衫, 今晚洗, 明早著, 希望佢唔好變做氣管敏感啦...咁就大手尾了....下星期三開始凍啊. 大家記得保護bb氣管啊.

p.s.吉之島d樽領衫or高領衫都仲未番貨...我去九龍城才有得買...買了9件...S碼俾我買晒

感動流淚

清新流暢

到此一遊


豈有此理

發表評論 評論 (2 個評論)

回覆 chris 11-1-21 18:14
我個女2歲,有支氣管問題,睇極都唔好 你可唔可以比DR.個電話同資料比我呀 我地EMAIL:[email protected] 唔該晒你

facelist

你需要登錄後才可以評論 登錄 | 註冊