昨天和老公去附近的商場遊蕩, 以下是我們的對話
老公: 我睇咗你D blog 友的回應, 你Ｄ女仔個個都係咁, 唔鍾意分期付款. 
我: 咁你Ｄ男人又好似個個都鍾意分期付款. 又係嗰句啦, 聽日D錢冇今日D錢咁值錢呀嘛. 
老公: 呢個係事實, 如果計埋 inflation rate, interest rate 又咁高, 聽日D錢又真係冇今日D錢咁值錢喎 
我: 但係你唔覺得咁樣好唔安全咩? 屋企全部嘢都係供, 出糧之後要供樓(呢樣好難一次過俾), 供車, 供電視, 雪櫃, 洗衣機. 扣完一大筆之後, 袋度得番五十蚊, 唔夠食喎
老公: 我唔係咁意思. 我係話你依然攞咁多錢出嚟. 不過, instead of 一次俾晒, 你先攞一舊錢出嚟, 用嗰舊錢嚟做投資, 或者整個 annuity, 用annuity D 錢嚟供款, 節省好多架. 
我: 係係... 跟住計埋 opportunity cost, 仲賺添呀 
老公: 梗係 
跟住佢再講多一大輪 annuity, 投資, opportunity cost... 
我: 好啦, 咁我遲D想買部冷氣機, 要一仟四百蚊嘅話, 我俾一仟蚊你, 你幫我整個annuity, 買佢返嚟囉喎. 
hehe, 小勝一回 
