韓式美味鍋@金羅寶 - gingerszeto的日誌 - Baby Kingdom - 親子王國 香港 討論區

韓式美味鍋@金羅寶

已有 81 次閱讀 18-1-3 11:32 |個人分類:飲飲食食|關鍵詞:金羅寶韓國料理

哈韓朋友又"發作", 2018年假期後既第一個晚餐要"食好韓", 佢來電話訂左呢間韓國餐廳, 叫我準時赴會就得啦

餐廳面積幾寬敞, 佔晒成層, 卡位佔有率其高, 即使兩個人亦可以有卡位坐, 坐得舒服無比
 

張枱夠晒大, 放多D食物都無問題, 開始睇餐牌...........

食物菜式選擇多樣化, 烤肉/熟食任你選

落左單後指定動作, 八小碟前菜快速送上
 

最喜歡甜味薯仔及惹味茄子
 

新一年開始, 當然要食得豐富, 呢鍋牛肉八爪魚鍋 ($388), 大大鍋放於爐上滾起就食得
 

顏色靚仔既牛肉就另上, 份量都唔少, 脂肪含量少, 好怕太肥美既牛肉, 烚完搞到成個湯底都"鋪"上一層油
 

呢個鍋材料包括主角之一八爪魚(原隻上), 當將近煮好時, 侍應會幫忙剪開, 而呢個時候亦係烚牛肉既好時機
 

牛肉入口帶有濃肉味, 一片厚度同大小都適中, 肉質唔算好滑但整體感覺係唔錯!
 

而件八爪魚口感彈牙, 若然比多一隻就仲好..........HEE....HEE..............
 

而其他配料仲有大量蔬菜, 菇類等, 湯底一貫橙紅色但辣度只係BB級, 有呢個鍋, 點都要叫碗白飯相送先唔好浪費!

 
睇得韓劇多, 佢地鐘意用紫菜包飯食, 呢度有燒紫菜 ($25), 用泡菜放上白飯一齊包住食, "麻芝沙唷".........

 
 
用餐完畢, 每位仲有甜品送架, 雪糕/紅棗茶任選一款, 睇網評已知好多人都對呢杯紅棗茶讚不絕口, 熱辣辣未飲已聞到好香濃既紅棗味, 飲落味道唔太甜, 個餘味仍然留在口中, 飲完感覺都幾舒服, 果然係唔錯呀:)
 

去有燒肉供應既韓國餐廳食飯後, 好多時成套衫都會沾上燒肉味, 但呢間抽風系統做得唔錯, 食完都無味, 難怪韓國人/香港人都識得上黎搵食!
 
 
金羅寶韓國料理 : 銅鑼灣記利佐治街1號金利廣場6樓

contact me : [email protected]

感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

© Baby-Kingdom.com Limited. All rights reserved.