京菜一夜@北京老家 - gingerszeto的日誌 - Baby Kingdom - 親子王國 香港 討論區

京菜一夜@北京老家

已有 26 次閱讀 18-6-7 17:12 |個人分類:飲飲食食|關鍵詞:北京老家

要食傳統京菜的地方買少見少, 今晚終於有機會黎到呢間京菜館與友人飯聚

 
內在裝飾佈置好"中國", 大紅燈籠高高掛, 難怪吸引遊客前來光顧
 

枱面下有亮點..................有金魚游來游去, 成幅畫咁靚, 未開餐前望住佢地都幾治療feel.............哈..哈......
 

餐牌上食物種類選擇相當多, 有D係見慣見熟食開嘅款式, 有D係未見過但相信係傳統地道嘅, 想食邊款都無問題
 

對於土豆絲有份情意結, 雖知道材料只有土豆絲, 但要整得好味都唔係間間做得岩口味!  呢度嘅土豆絲有幾種口味, 見天氣熱熱地, 就黎個涼伴土豆絲 ($72)
 
 
 
土豆絲切得公整, 口感相當爽脆, 淋上涼菜醬汁, 味道咸中帶酸, 簡簡單單都幾好味!

濃味之選點左呢客蔥爆牛肉 ($96), 蔥同牛肉嘅份量一樣多, 濃味醬汁包圍住蔥爆牛肉, 牛肉肉質嫩滑; 京蔥味道甜味, 兩者配搭好味道!
 

特登點多客蒸銀絲卷 ($38)用黎夾住食, 減底油膩感
 

另配練奶點黎食又係好滋味
 
 
呢碗酸辣湯麵 ($98)份量相當多, 足夠二人分享, 湯麵原來採用上海粗麵, 相當飽肚; 而個酸辣湯底味道幾平均, 材料方面只有豆腐, 木耳及蛋絲, 未見有豬紅及蝦, 略嫌湯嘅份量少左D, 同埋為免D麵索晒D湯, 都要快食先!

 
 
一客有6粒嘅小籠包 ($68), 放上枱後熱氣飄散, 飽滿嘅6粒已佔滿左整個蒸籠
用筷子夾位個頂篤位, 皮無穿, 輕輕咬一小口, 肉汁隨即大瀑瀉, 肉味幾香, 等待無咁熱時, 一口一個都可以, 保證每滴肉汁都無浪費!
 

 
其實已經食好飽, 但係見到有甜品供應, 驚醒左第二個胃!  久違了嘅拔絲香蕉 ($78)出場啦, 拔絲香蕉上有金黃糖絲灑上芝麻, 賣相吸引!
 

經過冰水洗禮程序後嘅糖包住香蕉, 外面變得硬脆, 內裏有軟滑香蕉, 唯糖面層較厚, 甜度蓋過了香蕉甜味, 食1-2舊已經夠晒!
 

侍應反應行動迅速, 又主動地提醒湯麵份量都幾大碗, 建議叫一碗食住先, 抵讚!
 
 
北京老家 : 尖沙咀堪富利士道堪富利士大廈2-3樓全層
 
 
contact me : [email protected]

 


感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

© Baby-Kingdom.com Limited. All rights reserved.