芳療小分享 之 考試季節篇 - 荔枝媽媽的日誌 - Baby Kingdom - 親子王國 香港 討論區

芳療小分享 之 考試季節篇

已有 38 次閱讀 18-6-3 18:51 |個人分類:天然健康|關鍵詞:芳療考試篇


Rosemary迷迭香大家除咗諗到用來烹調時入饌調味之外,仲諗唔諗到佢有咩用途?


據說遠古時代嘅古希臘學生會係頭上戴Rosemary以提升記憶力,亦有古羅馬學生會係準備考試嘅時候搽Rosemary精油係額頭上。近年就有英國科學家進行人體試驗進一步證實,Rosemary嘅氣味對記憶力有幫助。英國有一項研究將40名10至11歲學童,分別安排佢地係有Rosemary精油香氣同無Rosemary精油香氣嘅課室入面進行一連串記憶力測試。結果顯示係設有Rosemary精油香氣課室嘅學童,記憶力測試成績平均高出5至7%。



研究嘅負責人表示,今次實驗結果證明Rosemary無論係學童定係成人身上,同樣有加強記憶力嘅效果。當然實際效果高低因應每人身體不同而異。其實Rosemary精油含有一種名為桉油醇(1,8-cineole)嘅化學成分,當吸入Rosemary香氣嘅時候會係鼻腔同肺臟吸收,再經由血液循環而抵達腦部。另外,亦有研究指出Rosemary對於65歲以上的高齡者的記憶力亦有幫助。


所以各位家長係考試季節不妨試下diffuse Rosemary,利用滿室的Rosemary精油香氣以助提神醒腦呀!



另外,乳香Frankincese 亦有助增加腦袋含氧量、令頭腦更清晰。而乳香精油亦有助克服壓力、恐懼、憂慮增加靈性思維。


同時亦可以使用含有皇家夏威夷檀香、蜜蜂花、蠟菊、北非雪松、藍絲柏、乳香、薰衣草嘅複方精油,以支援助學童喚發精神,清晰目標,刺激敏鋭能力,增加領悟力,以致可更專注達成目標。


當然,晚上有好嘅睡眠對學童及每一個人都係至為重要同關鍵。家長亦可以擴香diffuse Lavender 薰衣草/ Cedarwood 北非雪松/ Vetiver 岩蘭草 / Sandalwood 檀香去放鬆心情,鎮靜神經,對抗壓力同緊張,支援學童提昇睡眠質素以應付第二天早上嘅考試。


希望家長同小朋友都可以輕鬆應對人生課題中,一直都會出現嘅考試。
願大家都可以取得自己滿意嘅結果。



感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

© Baby-Kingdom.com Limited. All rights reserved.