紓緩氣管敏感 調理肺氣虛 止咳養肺湯水推介: 虎乳靈芝粟米雪耳湯 ... - 荔枝媽媽的日誌 - Baby Kingdom - 親子王國 香港 討論區

紓緩氣管敏感 調理肺氣虛 止咳養肺湯水推介: 虎乳靈芝粟米雪耳湯 ...

已有 52 次閱讀 18-7-26 18:43 |個人分類:識飲識食|關鍵詞:止咳養肺湯水

最近就算係盛夏身邊好多朋友,學生都有感冒。而伴隨的咳嗽有時真係幾難搞,呢d成日都係感冒之後留底嘅咳嗽症狀,可能係氣管炎後水腫未愈引起嘅,之前有請教過中醫佢認為係餘邪未清,氣陰兩虛所致。還好嘅就係感恩自己具芳香治療師嘅資格,可以更適切咁幫家人用芳香療法這全天然嘅方法去支援同提升身體。


講到天然療法,食療當然係其中一樣,今日介紹嘅呢個湯水,主材料係虎乳靈芝,有止咳養肺的作用,對紓緩感冒後引起咳嗽都有唔錯嘅療效架。



虎乳靈芝屬於多孔菌科,係一種珍稀藥用真菌。佢含有豐富嘅蛋白質、礦質元素、多種維生素、真菌多糖、膳食纖維素等食藥用成分。虎乳靈芝有補益肺氣,提升免疫力嘅功效,補肺益氣、同時亦有助紓緩氣管敏感。


如果小朋友易傷風咳嗽,我地除咗會飲杞子汁來提升同支援身體之外。平日不妨試下用虎乳靈芝,川貝呢d對肺臟有益嘅食物來調理肺氣虛。



材料:

雪耳          3錢

虎乳靈芝    3錢

南北杏       5錢

百合          1兩

票米          2條

豬肉          一斤

蜜棗          適量

無花果       適量


作法:

1) 雪耳浸洗,去蒂備用

2) 將其餘材料清洗,略侵

3) 預備8碗水煲滾

4) 水大滾,將所有材料放入煲,大滾十分鐘

5) 轉細火煲1.5半小時即成



如果好易氣管敏感,平日我地刀屋企會用芳香療法保養之外。亦可留意一些天然食品,就好似有助紓緩氣管敏感嘅虎乳靈芝。


呢款湯材料簡單,但味道清甜,潤肺止咳,對咳嗽症狀,特別係感冒後久延嘅咳嗽,氣管敏感引起嘅咳嗽有幫助。而且補而不燥,全家老小都可以飲用,虎乳靈芝藥味一d都唔重,日常用黎煲湯,小朋友都唔會抗拒,今次我特意加瘦肉同票米去煲令味道更清甜。



孖寶1人1碗都飲哂呢,因為我地係比2位了小朋友飲所以完全無加調味,如果大家喜歡嘅亦可以加鹽來調味,相信會帶出更清甜嘅味道。


我和孖寶的Facebook Page: 荔枝與孖寶 

我和孖寶的 Instagram IG#: laichimama


Oh爸媽 - ####.com: Featured Bloggers

MamiBuy香港媽咪幫:駐站部落客


感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

© Baby-Kingdom.com Limited. All rights reserved.