和民shabu shabu 火鍋迷必試 橫濱風味噌牛肉火鍋 - 荔枝媽媽的日誌 - Baby Kingdom - 親子王國 香港 討論區

和民shabu shabu 火鍋迷必試 橫濱風味噌牛肉火鍋

已有 58 次閱讀 18-8-11 11:55 |個人分類:餐廳邀請

老老實實和民其實我由細都聽到大,但今次先真係大鄉理嘅我第一次去食呀。

第一次嘅食後感就係值得再來呀。首先當然係因為佢有BB椅可以比BBs坐我舒舒服服咁食啦。

其次我家先生好喜歡shabu shabu,我地今次就試咗呢幾款必食推介,橫濱風味噌牛肉火鍋,牛肉壽喜燒,香炸北海道水牛芝士,日本有機蕃薯條。呢款有機蕃薯條岩哂孖寶食呀,既健康又有益,而且入口味道亦唔錯呢。



講返呢款日本有機蕃薯條,見佢地Menu上面寫係用日本和民自家農場種植嘅有機紅蕃薯,其實有機蕃薯本身已經有甜味,肉身肥美,炸到香軟變成金黃色,咬落去口感軟綿但又唔會覺得油膩。香口得黎又唔會太硬,佢佢有跟埋黑蜜糖汁比大家,但我自己就覺得可以唔洗點蜜糖都已經夠好味呢。



另一款心水推介就係橫濱風味噌牛肉火鍋,大家睇下d牛肉嘅份量都幾多下,佢仲配埋d蔬菜,如果兩個人食portion都幾岩。而且可以另外追加飯彧者鳥冬。




呢個橫濱風味噌牛肉火鍋d肉質好幼嫩, 加埋濃郁甜湯更加提出牛肉嘅鮮味,只要係落單時同侍應講「我要用秘技」,仲會有嘢送 e.g. 餐具、現金券。



首先煮熟嘅牛肉吸收左濃郁甜湯嘅精華,令肉質鮮甜無比。蔬菜都一樣吸收左濃郁甜湯嘅精華, 好甜好滑好好味,食完再飲埋啲湯,大滿足!!!




孖爸最愛shabu shabu,佢今次仲叫埋個牛肉壽喜燒黎試下,牛肉同d蔬菜係一齊同鍋上嘅,所以我地都先食咗d牛肉,牛肉肉質我地先食所以唔會有韌嘅感覺。入口又嫩滑,配合之前打入去鍋隻滑蛋同微甜湯底夾埋一齊,又開胃又易入口!



壽喜燒係以少量醬汁去煮熟煮食材嘅火鍋,今次呢個壽喜燒有牛肉切片、大蔥、萵苣、豆腐、粉絲,芋絲,菇等,蔬菜類都好多下,而且湯底唔算喊,不錯,可以下次再encore。



2款shabu shabu的牛肉份量其實都好足,我地仲有試到d 甜品,飲品同其他食物水準都唔錯架,今次係我第一次來,可以話絕對有下次呀!




香港居食屋『和民』 Watami Japanese Casual Restaurant

九龍區(荔枝角宇晴匯店)

九龍荔枝角深盛路9號宇晴匯商場2樓6號舖


香港居食屋『和民』網站 : http://watami.com.hk/

香港居食屋『和民』Facebook Page: https://www.facebook.com/watami.hk/



感動流淚

清新流暢

到此一遊


豈有此理

評論 (0 個評論)

facelist

你需要登錄後才可以評論 登錄 | 註冊

  • 搜 尋
  • APP
  • 網 站
© Baby-Kingdom.com Limited. All rights reserved.